استفسار عن واجا 2005

[MoMohsen]

انا معروض عليا عربيه واجا 2005 وهى حالتها كويسه بس كان فيه سؤال وهو ان صاحب السيارة بيقولى ان موتورها هو موتور لانسر 1600 فهل الكلام دة مظبوط و لو ماكنش طب موتور2005 كان كويس زى الكامبرو و ايه اختلافه عنه.
و اخيرا صاحب العربيه بيتكلم فى 55.000 فهل كدة تمنها كويس ولا لأ و هى اتوماتيك.هل الفتيس بتاعها فيه مشاكل ولا كويس.

[m.3abdel3al]

فعلا 2005 زي ماتور اللانسر و طبعا الكام برو احسن منه و التمن غالي شوية 50 حلو بس عايزين نعرف عاملة كام كيلو و الفتيس كويس جدا

[MoMohsen]

فعلا 2005 زي ماتور اللانسر و طبعا الكام برو احسن منه و التمن غالي شوية 50 حلو بس عايزين نعرف عاملة كام كيلو و الفتيس كويس جدا

شكرا يا محمد باشا على سرعة ردك ....هى العربيه عامله 70.000 كم و ممكن انزل معاة لحد 53.000 لو كدة هيبقى كويس ولا بردة كتير.
حاجة تانيه هو الموتور دة ممكن اركبله قطع غيار لانسر و لا لأ ؟

[m.3abdel3al]

ولو 50 تبقى احسن

[MohabSaeed]

انا معروض عليا عربيه واجا 2005 وهى حالتها كويسه بس كان فيه سؤال وهو ان صاحب السيارة بيقولى ان موتورها هو موتور لانسر 1600 فهل الكلام دة مظبوط و لو ماكنش طب موتور2005 كان كويس زى الكامبرو و ايه اختلافه عنه.
و اخيرا صاحب العربيه بيتكلم فى 55.000 فهل كدة تمنها كويس ولا لأ و هى اتوماتيك.هل الفتيس بتاعها فيه مشاكل ولا كويس.

هى فعلا بنفس موتور لانسر 4G18 ... و كل قطع غيار الموتور هى بتاعت الانسر , و ممكن حتى تجيبها من توكيل ميتسوبيشى و بتبقى ارخص النص او من اى محل ميتسوبيشى فى التوفيقيه . الاختلاف بس فى الecu معدل بحيث انه الموتور يطلع اقصى عزم عند 2750 دوره .

الفتيس الاوتو محدش اشتكى منه فى حاجه لانه برده من انتاج ميتسوبيشى و متجرب من فتره طويله .... لو ليه مشاكل ... حتبقى المشاكل فى اى عربيه اوتو .... تسارع اقل ... سرعه قصوى اقل ... استهلاك بنزين اعلى , لكن مشاكل ميكانيكيه او كهربائيه نادره جدا جدا .

ياريت حضرتك تقولنا على مواصفات العربيه بشكل اكبر علاشان اقدر افيدك فى السعر .

السعر بيتحدد على حسب الحاله العامله للعربيه .... الدهان راشه ولا فابريكه ... الكيلو متر ... حاله الصالون ... الكيلو متر ... الموديل .

لو العربيه متهانه و متبهدله ماتجبهاش ولو ب 40 الف جنيه ......... لانك مش حتحس انك جبت عربيه جديده .

55 الف سعر عادل لو العربيهحالتها كويسه ..... و لو تعرف تنزل فى السعر يبقى مصلحه ليك .

[MoMohsen]

هى فعلا بنفس موتور لانسر 4g18 ... و كل قطع غيار الموتور هى بتاعت الانسر , و ممكن حتى تجيبها من توكيل ميتسوبيشى و بتبقى ارخص النص او من اى محل ميتسوبيشى فى التوفيقيه . الاختلاف بس فى الecu معدل بحيث انه الموتور يطلع اقصى عزم عند 2750 دوره .

الفتيس الاوتو محدش اشتكى منه فى حاجه لانه برده من انتاج ميتسوبيشى و متجرب من فتره طويله .... لو ليه مشاكل ... حتبقى المشاكل فى اى عربيه اوتو .... تسارع اقل ... سرعه قصوى اقل ... استهلاك بنزين اعلى , لكن مشاكل ميكانيكيه او كهربائيه نادره جدا جدا .

ياريت حضرتك تقولنا على مواصفات العربيه بشكل اكبر علاشان اقدر افيدك فى السعر .

السعر بيتحدد على حسب الحاله العامله للعربيه .... الدهان راشه ولا فابريكه ... الكيلو متر ... حاله الصالون ... الكيلو متر ... الموديل .

لو العربيه متهانه و متبهدله ماتجبهاش ولو ب 40 الف جنيه ......... لانك مش حتحس انك جبت عربيه جديده .

55 الف سعر عادل لو العربيهحالتها كويسه ..... و لو تعرف تنزل فى السعر يبقى مصلحه ليك .

الف شكر يا استاذ مهاب على ردك و انا كنت واثق انك اكتر واحد هتقدر تفدنى بخصوص الواجا.
هى العربيه صالونها ممتاز و الدهان فابريكة دواخل و رشه حزام و للموتور شكله كويس بس اكيد هعمله كبس موتور و اتأكد و العربيه كحاله عامة تقييمى ليها 8/10 و للامانه انا كنت بفكر فى النوبيرا و بعدين واحد صاحبى رشحلى العربيه دية وقالى ان صديقة عاوز يبيعها فبدأت اقارن بينهم و خصوصا ان الاتنين فى نفس الفئه السعريه تقريبا.
بس هو كل اللى كان مقلقنى منها بس مسألة قطع الغيار تكون غاليه او مش منتشرة ولما شفت موضوعك الخاص بأسعار قطع غيار الواجا لقيت تفاوت غريب فى الاسعار يعنى فيه قطع يعتبر تمنها ممتاز بس فيه اخرى غاليه اوى بزيادة زى الكشافات و المرايه ...متعرفش حضرتك اذا كان تايوانى من الحاجات دية زى الكورى و اليابانى ولا لازم اجيب الاصلى.

[MohabSaeed]

الف شكر يا استاذ مهاب على ردك و انا كنت واثق انك اكتر واحد هتقدر تفدنى بخصوص الواجا.
هى العربيه صالونها ممتاز و الدهان فابريكة دواخل و رشه حزام و للموتور شكله كويس بس اكيد هعمله كبس موتور و اتأكد و العربيه كحاله عامة تقييمى ليها 8/10 و للامانه انا كنت بفكر فى النوبيرا و بعدين واحد صاحبى رشحلى العربيه دية وقالى ان صديقة عاوز يبيعها فبدأت اقارن بينهم و خصوصا ان الاتنين فى نفس الفئه السعريه تقريبا.
بس هو كل اللى كان مقلقنى منها بس مسألة قطع الغيار تكون غاليه او مش منتشرة ولما شفت موضوعك الخاص بأسعار قطع غيار الواجا لقيت تفاوت غريب فى الاسعار يعنى فيه قطع يعتبر تمنها ممتاز بس فيه اخرى غاليه اوى بزيادة زى الكشافات و المرايه ...متعرفش حضرتك اذا كان تايوانى من الحاجات دية زى الكورى و اليابانى ولا لازم اجيب الاصلى.

العفو يا أ محمد . و اهلا بيك ضمن العائليه البروتوناويه


كده تمام ... موديل 2005 , 70000 كيلو , اوتوماتك , راشه بعض الاجزاء , صالون بحاله ممتازه ....

و تقيمك المبدأى انها بحاله جيدا جدا .

يبقى 55 الف سعر عادل جدا جدا على المواصفات ديه ....و اقل كمان من سعر السوق .

و زى ماقولتك لو تعرف تنزل فى سعرها شويه يبقى مصلحه زياده ليك .


* النوبيرا عربيه جميله جدا و موتورها محترم , بس بالنسبالى الواجا افضل منها كمساحه داخليه و راحه , ثبات , تصميم , فرامل , معدل امان ., و ان كان طبعا من اهم مميزات النوبيرا قطع الغيار الى ممكن تجيبها من اى مكان .

قطع الغيار الواجا الخارجيه من فوانيس و صاج موجوده بره التوكيل و باسعار ممتازه ... طبعا اكيد التيوانى مش زى الاصلى .... يعنى لما تيجى تقارن الفانوس " الخلفى تحديدا " التيوانى ... بيفرق على الاصلى فى جوده البلاستك و درجه اللون الاحمر و تحمله للشمس ......... بس عموما الفانوس مش حيأثر فى اداء العربيه ولا امانها ...و ناس كتير بتركبه + انك ممكن تجيبه استيراد اصلى من الحرفين .

الحاجه التانيه اى عربيه حتى لو كورى او يابانى او اوروبى حتلاقى فى اختلاف فى الكبير فى السعر مابين الاصلى و التايوانى او الصينى . و اكيد اختلاف فى الجوده ...عموما فى الفوانيس و الاكسسوارات ممكن تركب تيوانى ... زى اى عربيه كورى او يابانى .

انما قطع الغيار الميكانيكيه هى الى تجيبها من ماركات معروفه و ماتوفرش فيها .....و معظمها موجود بره التوكيل ...و نصها فى توكيل ميتسوبيشى .


عموما نرجع تانى للعربيه الى بتفكر فيها ... اتأكد من الحاجات الاتيه :-

الازاز الكهرباء سليم و بيطلع و بينزل بسهوله , المرايات الكهرباء شغاله , اتأكد من موجود المفتاحين الاصلين و انهم بيفتحو العربيه بالريموت .

اكشف على حاله دسكات الفرامل , حاله المساعدين و العفشه , حاله الكاوتش , هل اتعمل صيانه ال60 ولا لا .. " تغير السيور و البليه و الفلاتر " .


انا قصدى بالملاحظات ديه ان حضرتك تعمل ميزانيه حتصرف كام على العربيه بعد ماتشتريها .... لان اى عربيه مستعمله لازم حتصرف عليها و لو مبلغ بسيط بعد ماتشتريها .

و بالتوفيق ان شاء الله .

[MoMohsen]

العفو يا أ محمد . و اهلا بيك ضمن العائليه البروتوناويه


كده تمام ... موديل 2005 , 70000 كيلو , اوتوماتك , راشه بعض الاجزاء , صالون بحاله ممتازه ....

و تقيمك المبدأى انها بحاله جيدا جدا .

يبقى 55 الف سعر عادل جدا جدا على المواصفات ديه ....و اقل كمان من سعر السوق .

و زى ماقولتك لو تعرف تنزل فى سعرها شويه يبقى مصلحه زياده ليك .


* النوبيرا عربيه جميله جدا و موتورها محترم , بس بالنسبالى الواجا افضل منها كمساحه داخليه و راحه , ثبات , تصميم , فرامل , معدل امان ., و ان كان طبعا من اهم مميزات النوبيرا قطع الغيار الى ممكن تجيبها من اى مكان .

قطع الغيار الواجا الخارجيه من فوانيس و صاج موجوده بره التوكيل و باسعار ممتازه ... طبعا اكيد التيوانى مش زى الاصلى .... يعنى لما تيجى تقارن الفانوس " الخلفى تحديدا " التيوانى ... بيفرق على الاصلى فى جوده البلاستك و درجه اللون الاحمر و تحمله للشمس ......... بس عموما الفانوس مش حيأثر فى اداء العربيه ولا امانها ...و ناس كتير بتركبه + انك ممكن تجيبه استيراد اصلى من الحرفين .

الحاجه التانيه اى عربيه حتى لو كورى او يابانى او اوروبى حتلاقى فى اختلاف فى الكبير فى السعر مابين الاصلى و التايوانى او الصينى . و اكيد اختلاف فى الجوده ...عموما فى الفوانيس و الاكسسوارات ممكن تركب تيوانى ... زى اى عربيه كورى او يابانى .

انما قطع الغيار الميكانيكيه هى الى تجيبها من ماركات معروفه و ماتوفرش فيها .....و معظمها موجود بره التوكيل ...و نصها فى توكيل ميتسوبيشى .


عموما نرجع تانى للعربيه الى بتفكر فيها ... اتأكد من الحاجات الاتيه :-

الازاز الكهرباء سليم و بيطلع و بينزل بسهوله , المرايات الكهرباء شغاله , اتأكد من موجود المفتاحين الاصلين و انهم بيفتحو العربيه بالريموت .

اكشف على حاله دسكات الفرامل , حاله المساعدين و العفشه , حاله الكاوتش , هل اتعمل صيانه ال60 ولا لا .. " تغير السيور و البليه و الفلاتر " .


انا قصدى بالملاحظات ديه ان حضرتك تعمل ميزانيه حتصرف كام على العربيه بعد ماتشتريها .... لان اى عربيه مستعمله لازم حتصرف عليها و لو مبلغ بسيط بعد ماتشتريها .

و بالتوفيق ان شاء الله .

بجد انا متشكر جدا يا استاذ مهاب على المعلومات المهمة دية و ان شاء الله لو ربنى كرمنى هنبقى بروتاناويه زى بعض.

[Ayman_52]

بجد انا متشكر جدا يا استاذ مهاب على المعلومات المهمة دية و ان شاء الله لو ربنى كرمنى هنبقى بروتاناويه زى بعض.

هتشــرفنــــا وتنــورنــــا والله

[MoMohsen]

هتشــرفنــــا وتنــورنــــا والله

الله يخليك يا ايمن باشا دة انا اللى ليا الشرف انى انضم للبرتوناويه..

[MohabSaeed]

بجد انا متشكر جدا يا استاذ مهاب على المعلومات المهمة دية و ان شاء الله لو ربنى كرمنى هنبقى بروتاناويه زى بعض.

العفو لا شكر على واجب , و زى ما قال ايمن حتشرفنا و حتنورنا .