سؤال عن نعومة الجين 2 على الطريق

[tutankhamoun]

منور يا أ توت .. بجد مفتقدين مشاركاتك الجميله المنمقه ......اتمنى ان المانع يكون خير , و ترجع تنورنا تانى بمشاركاتك المميزه .

منور بيك يا أستاذ مُهاب ............ و شكرا يا جميل على السؤال
و الله أنا مشغول جدا في شغلي الأيام دي و غصب عني و أنت عارف ميأخرنيش عن المنتدى إلا الشديد القوي

و برضه أنا معاكم كل يوم بدخل بس مش عندي وقت أشارك كتير و بحاول أشارك على أد مقدر بسبب ضيق الوقت في الوقت الحالي .
و ربنا يباركلك يا باشا في الواجا و يحفظك من الطريق و الكائنات اللي بتسوق عليه .

[Ayman_52]

والله يا شباب انا مش عارف اقول ايه على موضوع النيتروجين ده انا مجربه من أول ما نزل وإلى الآن اللى عايز بس احاول اوصله للشباب وعارف ان هينزلوا فيه ضرب إنالنيتروجين ما لوش دعوه بالنعومية خالص لو هيبقى فيه تقدر تحسه بعد مقاس 17 انش .... والنيتروجين اساسا اساسا معمول عشان بيقلل نسبة انفجار الكويتش بنسبة مثلا 95 فى المية مش اكتر او اقل وإنه لا يتمدد ولا ينكمش هيه ده الفكره انه يحافظ على ضغط الكاوتش فقط لأن معامل تمدده وانكماشه اقل من الهواء فقط ... وانه لو انفجر هيكون خالى الاوكسجين فبالتالي يقلل الانفجار

غير كده بقا انه بيطير وبينقل لوحده ويولع الإشارات من غير دراع وممكن يشغل جهاز الإنذار ويكتف الحرامي ويشغل المساحات فى نفس الوقت ...ده سامحونى مبالغه شويه
والاختلاف لا يفسد للود قضية
تحياتى

مش عارف .....

طب انا قعدت فتره قبل ماحط نيتروجين .... ولما حطيته حسيت بفرق

بقيت لما بعدى على حفره او مطب بحس انه بقى انعم عن زمان ...!!!!

عن جد دا اللى بحس فيه ...

عالعموم سواء فيه الميزه دى او لا ... فالنتيروجين ليه مميزات اخرى كتيـــر

تحيــــــــــــــــاتـــى لحـضــرتـــــك ياباشـــــا

اشكركم جميعا اخواني على الردود اللي دعمت تغيير قراري بشراء السيراتو
و الحمد لله بالي ارتاح على اختيار الجين 2 و ان شاء الله هابقى ابلغكم اخباري مع العربية الجديدة

باتساءل عن فكرة النيتروجين
مع اقتناعي بفوائد النيتروجين على الحفاظ على ضغط الاطار و الحفاظ على الجنوط و الفالف
بس اجرب النيتروجين دة
على الاقل احافظ على الكاوتش

ايه الفكرة انه بينعم العربية ..
الفكرة الي كان عندي فكرة عنها اني اقلل الضغط في الاطار شوية علشان تقلل الاحساس بخشونة العفشة تفتكروا ليها علاقة؟

و سؤال تاني املا النيتروجين دة منين و لو الكاوتش هوا مني في اي طريق ينفع اكمل عليه هوا عادي؟

اهلا وسهلا بحضـــرتــك

-----

شوف ياباشا ... انا هقول لحضرتك على احساسى بالعفشه - قبل & بعد - النيتروجين

انا قعدت بالهوا فتره ... وكنت بحس ان العفشه ناشفه واى مطب او حفره بحس انهم بيخبطوا عندى فى ظهرى

بعد لما حطيت النيتروجين ... لما اجى اخد حفره ... بحس كأن بقى فى زى حته اسفنجه كده موجوده مابين الكاوتش والارض

-----

مش عارف هل دى تهيؤات ..؟؟؟


ولا احساس نفسى عندى انا وبــس ؟؟؟



-----

وحضرتك ممكن تملا نيتروجين من اى حد بتاع كاوتش عنده نيتروجين ... او زى ما ا/خالد قال لحضرتك -بريد جيستون-

سعر الفرده : 5 جنيه (بدون استيكر المنتدى)

سعر الفرده : 3 جنيه (باستيكر المنتدى)

-----

طريقه ملا الكاوتش نيتروجين :-
------------------------

1- بيفضيلك الكاوتش كله من الهوا

2- بيستخدم شفاط لشفط اى بواقى من الهوا (لو ماعندوش ماكينه الشفط دى فبيقوم يحط شويه نيتروجين ويخرجهم تانى عشان يطرد باقى الهوا اللى جوا)

3- يقوم بملأ الكاوتش نيتروجين

4- ضغط الكاوتش فى الجين2 & البيرسونا

امامى : 31 - خلفى : 28

-----

تحيــــــــــــــــــاتــــى