الجزء الرابع (بالصور الجديدة تقريرال5000 للجميلة برسونا)

[jisso82]

شكرا يا فندم عالتقرير وربنا يباركلك فيها

مقولتلناش هما عملو إيه فى الملتى فانكشن؟ صلحوه ولا إيه؟

الله يبارك فيك و المالتى هما المفروض حسب أمر الشغل اللى طلع ماجوش جنبه لكن بسم الله ماشاء الله من ساعة ما خرجت من عندهم و لحد دلوقتى ما علقش ولا مرة الحمد لله

هيثم باشا اذيك ياريس عقبال صيانة ال100.000من غير عيوب ان شاء الله

ربنا يخليلك يا أبو هانى و عقبال ما أباركلك على العربية إن شاء الله

بصراحة مش عارف اقول لحضرتك ايه غير ربنا معااااااااك

بس هاعلق على موضوع عدم تأكيد الحجز ده
طب هى اتحسبت صيانة ولا لأ ... ياريت نعرف

وإزاى توكيل كبير والمفروض محترم مافيهوش ماكينة رفع زجاج يعنى لو قدر الله الماكينة اللى بتعمل صوت دى بازت ولا وقفت خالص حضرتك هاتعمل ايه ولا تجيبها منين؟

انا شايف المصنعية بصراحة كده غالية دى كل الحكاية غيروا الزيت والفلتر والسنترلوك فى 8 ساعات
والله حرام ليييييييييييه ده كله دى كل الحدوتة دى تاخد ساعة زمن برة التوكيل ومش هاتكلف ولا ربع المبلغ ده ؟

آه الحمد لله اتحسبت صيانة بس إداريا ما اتكتبتش فى مكانها فى دفتر الصيانات و كانت فى ورقة تانية مش عارف إيه نظامها يعنى فى الصيانة ال1000 كان فيه جدول اتختم قدام كلمة صيانة ال1000 و لكن هنا ما ختموش قدامها و عملوها فى ورقة منفصلة.
و موضوع الوقت ده عشان هما بيمسكوا العصاية من النص برده زى كل المصريين بدل ما يخدوا عربية عربية حسب أسبقية الحجز و الدور بيشتغلوا على عيب فى عربية و بعدين يخرجوها تتشمس شوية و يدخلوا عربية تانية و هكذا لحد ما يرجعوا للعربية الأولى و يشتغلوا على العيب التانى

مبروك يا هيثم عالصيانة والف شكر عالتقرير

و معلش هوا دا التوكيل ههههههههههههههه

ربنا يحفظلك عربيتك و نشوفك قريب يا باشا ان شاء الله

محب باشا ربنا يخليك يا معلم و أشوفك قريب بإذن الله

الف مبروووووووووووووك يا باشا علي صيانه ال 5000 كم

و معلش هو التوكيل ليه كدا حركات نص كم

بس اهم حاجة ان كله تمام و حضرتك راضي عن اداء العربيه

تحياتي

الحمد لله يا باشا راضى حتى لو ما كانوش عملوا حاجة ربنا يباركلنا فيها يا رب

حمد الله ع السلامه يا صاحبي وعقبال صيانة ال 500 الف

رفيق رحلة العذاب ازيك يا سارى روحت الساعة كام و غيرت فلتر البنزين بكام طمننى.

مبروك عليك الصيانة بالرغم من الصعوبات الى قبلتك يا هيثم

ومتزعلش خالص هو توكيل الصحراوى مقرف حبتين مفيهوش نظام محكم ولا دقة فى الاداء وهرجلة فى المواعيد هو ميزته فى تغيير قطع الغيار بس وياريت اصلا تلاقيها

ايه ده ده انا متحامل على التوكيل قوى

اه بصراحة

لما تيجى كمان مع اعز الناس يبقى لازم اقول رائ بمنتهى الصراحة

وانا هكرس مجهودى الفترة القادمة ان شاء الله

فى حس التوكيل على توافر قطع الغيار

واصبره عليا - يا انا يهما

ولما تكون عايز تعمل صيانة فى روقان وكل حاجتك تتعمل عليك بفرع العجوزة - وراء مسرح البالون - ده مختلف كلياً

وربنا يوفقك يا هيثم ويحفظهالك ويبارك فيك

يا عم بقى ما تخلص فى حوار التوكيل ده و تريحنا بدل مانت سايب الناس طايحة فينا كده

[jisso82]

ألف مبروك على الصيانة يا رفيق رحلة الإستلام وعقبال صيانة ال100000 إن شاء الله


زي ما قلتلك قبل كده يا هيثم التوكيل مش سيء أوي , المشكة بس في الفنيين وبعض المهندسين مش كلهم , بس ولا يهمك كله إن شاء الله هيظبط . مبروك يا باشا مرة تانية على الصيانة , ومعلش على شوية الخدوش والتقشير اللي في العربية , دي ضريبة وكلنا لازم ندفعها , طول ما إحنا عايشين في مصر

ربنا يخليك يا رفيق عزت و يباركلك فى برسونتك يا رب

[jisso82]

بجد ماقدرش اقول علية سوري يعني انة توكيل وسخ وانا جربتة
حسبيا الله ونعم الوكيل

مع كامل احترامى للزميل و مش دفاعا عن التوكيل أنا سمعت عن قصص أسوأ ما تخليناش نغلط فى التوكيل بالشكل ده و برده كلامى مش انتقاد لحضرتك و أنا طبعا شاكر لمشاعرك النبيلة ناحية اللى حصل معايا أو حتى إن كان ليك تجربة شخصية هى اللى وصلتك للفظ ده. بس فى النهاية حتى لو كنت شايف من وجهة نظرك إنهم يستحقوه فمن وجهة نظرى لازم تكون أكبر من إنك تغلط فيهم و أتمنى ما يكونش كلامى ضايقك.

بصراحة انا مش هاسأل حضرتك عن العربية وربنا يباركلك فيها
الجراب اللى حضرتك حاطط فىه الموبايل ده عاجبنى اوى لو تعرف مثلاً ممكن اجيبو من فين واكون شاكر جداً

كريم باشا واحشنى و الله. سيبك من شغل تميمة اللى عامله أيمن تحت ده و أنا أجيب لسعادتك الجلراب لحد عندك هو فيه منه اللون الأزرق ده و النبيتى اختار و أنا أجيبهولك. و هو على فكرة بالفتحة دى جراب موبيل و لو فتحته أكتر يبقى جراب كوب أو كانز.

السلام عليكم ورحمة الله وبركاته

بعد اذن ا/هيثم هاجاوب انا على سؤال ا/كاركاتر

----

هو الجراب دا بيجى مع العربيه ... ومش متوفر فى الاسواق حاليا

فلو عاجب حضرتك جدا ... امامك طريقه واحده لاقتنـــاؤه

.
.

يمكنك الحصول عليه فقــط عند شراء اى عربيه من موديلات بروتون (واجا , جين2 , بيرسونا)

وهذا ليس كل شىء ... فلدينــا المزيــد

عند شراءك لاى سياره بروتون ...

سوف تحصل على عضويه دائمه فى نادى بروتون مصر , بالاضافه الى تخفيض على السياره عند الشراء , وغطاء ذو الوان متعدده مناسب لحجم السياره

كل هذا واكثر عند اقتنائك لاى سياره بروتون ...

لماذا الانتظـــار ... احجـــز الان ؟؟؟:ob_mak1[1]:

سعر السياره ثابت , سعر الشحن ثابت اينمــا كنـــت

اتصــل يصــلك مندوبنـــا ...

هو ده اللى ربنا قدرك عليه فى الموضوع بتعلق على الجراب و تعمل إعلان على حسه
ماشى يا أيمن كله بتمنه و يوم الحساب قرب عموما

[m.3abdel3al]

ايوة يا هيثم وانا جايبله اليكتريك جديد 12000 فولت هيموتوا



استعد يا ايمن :POINTI~2[2]:

[karaktar]

كريم باشا واحشنى و الله. سيبك من شغل تميمة اللى عامله أيمن تحت ده و أنا أجيب لسعادتك الجلراب لحد عندك هو فيه منه اللون الأزرق ده و النبيتى اختار و أنا أجيبهولك. و هو على فكرة بالفتحة دى جراب موبيل و لو فتحته أكتر يبقى جراب كوب أو كانز.



هو ده اللى ربنا قدرك عليه فى الموضوع بتعلق على الجراب و تعمل إعلان على حسه
ماشى يا أيمن كله بتمنه و يوم الحساب قرب عموما

ايوه كده هيه دى الناس ولا بلاش انا مش عارف اشكرك ازاى ياهيثم
همه دول رجالة بوتون بصراحة انا نفسى فى الجراب ده وياريت بأه لو اللون الازرق واكون شاكر لحضرتك جداً

على العموم انا متشكر ياايمن بيه ده انت ناقص تقولى الاءونا الادونا الاتريه

[Asamy]

تهريج فى تهريج وإستعباط
يعنى ايه ملقتش مكان وحجزتلك عشان صاحبك ولما تروح متلاقيش أسمك؟
الغريب بقى فعلا انا برضو لما عملت صيانة ال5000 حسيت برضو بعدها ان صوت الموتور أعلى من الأول ليه معرفش.

[MohabSaeed]

هيثوم الف مبروك يا باشا على صيانه ال5000 و عقبال ال100,000 .

ان شاء الله كل المشاكل تتحل .. انتا تابع مع التوكيل قطع الغيار الى انتا محتاجها ... لان قطع الغيار لما بتيجى مش بتكفى العدد و بتخلص بسرعه .

[ramyar]

عقبال ما اجيب الواجا واعملها الصيانه لاكن ساعتها زي ماتكون المدام بتولد هكون قاعد تحت التنده واعصابي بتتحرق

[jisso82]

ايوة يا هيثم وانا جايبله اليكتريك جديد 12000 فولت هيموتوا

استعد يا ايمن :POINTI~2[2]:

تمام كده كنت واثق إنك مش هتتخلى عنى لما يبقى الموضوع ليه علاقة بأيمن. أصل البيه فاكر إن الإلكتريك الوحيدة اللى معاك بعتها ادكتور عماد و ما يعرفش إن لسه يا ما فى الجراب

ايوه كده هيه دى الناس ولا بلاش انا مش عارف اشكرك ازاى ياهيثم
همه دول رجالة بوتون بصراحة انا نفسى فى الجراب ده وياريت بأه لو اللون الازرق واكون شاكر لحضرتك جداً

على العموم انا متشكر ياايمن بيه ده انت ناقص تقولى الاءونا الادونا الاتريه

طب والله أنا بتكلم بجد يا كريم قولللى انت ساكن فين و سيبلى نمرتك على الخاص و أنا كارفور المعادى جنب شغلى أقدر أفوت فى أى وقت أجيبهولك.

تهريج فى تهريج وإستعباط
يعنى ايه ملقتش مكان وحجزتلك عشان صاحبك ولما تروح متلاقيش أسمك؟
الغريب بقى فعلا انا برضو لما عملت صيانة ال5000 حسيت برضو بعدها ان صوت الموتور أعلى من الأول ليه معرفش.

بص يا باشا المشكلة إن أيمن هناك معارفه كتير و الكل عايز يخدمه بأى شكل فهى بصراحة مع كامل شكرى و امتنانى لأيمن غلطته لأنه افتكر إنى خلاص أخدت الأجازة و مش هقدر أغيرها و يمكن كده تبقى غلطتى أنا ما عرفتش أوصله قصدى و هما ليهم طاقة استيعابية فى اليوم فزى ما تقول كده كنت هدخل اليوم ده جدعنة و عشان كده إدتنى معاد بدرى على أساس ما تكونش الدنيا اتزحمت.
أما بخصوص موضوع الموتور ده فغريبة فعلا أنا عارف من تامنتدى إن صوته عالى بس الصوت على بعد صيانة ال1000 و على تانى بعد صيانة ال5000.

هيثوم الف مبروك يا باشا على صيانه ال5000 و عقبال ال100,000 .

ان شاء الله كل المشاكل تتحل .. انتا تابع مع التوكيل قطع الغيار الى انتا محتاجها ... لان قطع الغيار لما بتيجى مش بتكفى العدد و بتخلص بسرعه .

ربنا يخليك يا هوبا و بجد نفسى أشوفك و انت يا باشا اتوسطلنا عند المنسق بتاعنا لما هو رايح جاى على التوكيل على الفاضية و المليانة يتابعلنا ماكنة الإزاز بالمرة

عقبال ما اجيب الواجا واعملها الصيانه لاكن ساعتها زي ماتكون المدام بتولد هكون قاعد تحت التنده واعصابي بتتحرق

بس والله من سعادتى و انبساطى من العربية نفسها بعد ما تنتهى حرقة الدم دى بتنساها تماما و ما يبقاش غير استمتاعك بالعربية بالظبط زى أبطال الأساطير زمان اللى كانوا بيحاربوا الحيوانات أسطورية عشان يوصلو لقلب الأميرة و ينقذوها أو زى فرسان دلوقتى اللى لازم يعملوا سطو مسلح و يعرضوا حياتهم و حياة أصحابهم للخطر عشان يكملوا مصاريف الجواز

[MohabSaeed]

سيبك انتا ... جامد اوى حوار التوقيع الى بيتهز ده ... انا فى الاول قولت الشاشه حصل فيها حاجه

[karaktar]

طب والله أنا بتكلم بجد يا كريم قولللى انت ساكن فين و سيبلى نمرتك على الخاص و أنا كارفور المعادى جنب شغلى أقدر أفوت فى أى وقت أجيبهولك.

انا عارف والله ده مش جديد على انسان محترم زى حضرتك انا مش عارف اشكرك ازاى على زوقك
انا غالباً بروح كارفور المعادى من وقت للتانى بشترى طلبات وكده بإذن الله اما انزل المرة اللى جايه اجيبو
وانا شاكر ليك مرة تانية حقيقى انا مش عايز اتعبك
جزاك الله خيراً

[jisso82]

سيبك انتا ... جامد اوى حوار التوقيع الى بيتهز ده ... انا فى الاول قولت الشاشه حصل فيها حاجه

يا راجل ده نص بروتون حطينه و لا انت عايز تلفت انتباه الناس للديزاين بتاعك

انا عارف والله ده مش جديد على انسان محترم زى حضرتك انا مش عارف اشكرك ازاى على زوقك
انا غالباً بروح كارفور المعادى من وقت للتانى بشترى طلبات وكده بإذن الله اما انزل المرة اللى جايه اجيبو
وانا شاكر ليك مرة تانية حقيقى انا مش عايز اتعبك
جزاك الله خيراً

ربنا يخليك على ذوقك يا كيمو و عموما لو مالقيتوش برده قوللى أحول أجيبهولك من حتة تانية

[m.3abdel3al]

تمام كده كنت واثق إنك مش هتتخلى عنى لما يبقى الموضوع ليه علاقة بأيمن. أصل البيه فاكر إن الإلكتريك الوحيدة اللى معاك بعتها ادكتور عماد و ما يعرفش إن لسه يا ما فى الجراب

غلبان يا هيثم وميعرفش حاجة و بعدين انت عارف مافيش اكتر منهم معاية هظبطهولك

[jisso82]

غلبان يا هيثم وميعرفش حاجة :oc_sun1[1]: و بعدين انت عارف مافيش اكتر منهم معاية هظبطهولك

ما هو ده العشم برده با ميدو