افيدونييا جماعه انا ان شاء الله هبقى بروتوناوي قريب

[assem_omar]

انا محتار اجيب جين ولا برسونا ,, انا خاطب وهتجوز ان شاء الله قريب يعني مش عيله بقى وكده انهي واحده احسن
وايه الفروق بينهم والف وبجد بجد بجد انا اكتر حاجه قالقاني هي قطع الغيار حد يديني اجابه وافيه
وبصراحه احلى جروب في منتدى شوفتوا ناس زي الفل عاوز اقولكوا اني مسحول مع المنتدي والعربيه كمان عجباني مووووت

[ramyar]

يا فندم ربنا يتمم بخير بخصوص الجين والبيرسونا الاتنين نفس العربيه والموتور وكل حاجه باختلاف الشنطه يعني الجين والبيرسونا نفس العربيه لغايه الباب الي ورا والفرق في الشنطه لاكن اعتقد ان البيرسونا اشيك (راي شخصي)علي الاقل بكره وبعده لما ربنا يكرمك باولاد البيرسونا تسد معاك
وبخصوص قطع الغيار الاخوه فطاحل البروتون يقدروا يفيدوك اكتر لاكن من هنا لغايه مايردوا ماتخفش قطع الغيار موجوده ومتوفره في التوكيل وكمان بره التوكيل جديد ومستعمل ومره تانيه ربنا يتمم بخير


- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

مشرف القسم

[m.3abdel3al]

اولا الف مبروك مقدما على الجواز

و بالنسبة للفرق بين الجين و البيرسونا هو الشنطة بس

انا من وجه نظري ان الجين احسن من البيرسونا لان شكلها رياضي اكتر

بالنسبة للعيوب دلوقتي يعتبر ما فيش عيوب غير قليلة جدا

بالنسبة لقطع الغيار في كذا محل بيبيعهم بره التوكيل و باسعار كويسة جدا جدا جدا

ولو احتجت اي معلومات تاني او صور خش على اللينك دا

http://www.nilemotors.net/Nile/96474-gen2-persona-waja.html

[assem_omar]

تمام يا بروتوناويه الف شكر بس ليه سؤال تاني هو الحجم الداخلي للعربيتين واحد؟
ولا البرسونا اوسع
بصراحه انا نفسي ابقى بروتوناوي

[Ahmed.Ali]

انا حجزت و انا خاطب و هستلم انشاء الله بعد الجواز لاني هتجوز الاسبوع الجاي انشاء الله

انا شايف ان الجين مناسبه جدا لان شنطتها مش صغيره و وسعها الداخلي مش بطال

البرسونا اكبر في الشنطه بس و الكرسي الخلفي السقف اعلي حاجه بسيطه

[mimo3000]

البرسونا اكبر في الشنطه و الكرسي الخلفي السقف اعلي حاجه بسيطه

ميه ميه الكلام ده الجين عشان لفت باك فسقفها واطى من ورا شويه فالناس الطويله لو قعدت ورا هتبى واطيه شويه عليهم

انا رايي جيب البرسونا انتا بتجيب عربيه تعيش معاك فتره لقدام فجيب حاجه تلبى جميع متطلباتك دلوقتى وبعد فتره والبرسونا هتبقى هى اللى هتبقى كده معاك عشان لما ربنا يرزقك باطفال تبقى مستعد ليهم

وربنا يتمملك بخير ياباشا

[assem_omar]

الف شكر على المعلومات يا رجاله والف مبرووك يااحمد باشا وربنا يتمم بخير

[jackal_sheriff]

i think there is no difference between both
even if the persona is much more bigger ,but it's only 16 cm
but gen 2 has a better shape
it's only a matter of appeal.......what do you like more??????/

[assem_omar]

تفتكروا ان تركيب جنوط هيبقى مفيد وعملي ولا لأ
مستني اراءكم
واحلى لون ايه في البرسونا



ت

[khpopo]

مبرووووك مقدما ... جين2 مش هاضايقك لان شنطتها مش هينه وعمرها مخذلتنى فى مشوار مع العائله لكن هى والبيرسونا اخوات واحلى من بعض وربنا يتمم لك على خير
ربنا يوفق

[ramyar]

تفتكروا ان تركيب جنوط هيبقى مفيد وعملي ولا لأ
مستني اراءكم
واحلى لون ايه في البرسونا



ت

اعتقد انها مش مجتاجه جنوط لو هتجيبها فل اوبشن او هاف كمان لو ركبت جنوط هتخسر الضمان بتاع العفشه
ملحوظه في هنا تقرير بيقول ان البيرسونا اخف 30 كجم عن الجين 2

[mimo3000]

بص اللون الابيض بتاعها حلو اوى بس انا مبحبش العربيات البيضه وكمان هتبقى شبه الكاب (التاكسى الجديد)
واللون الاسود حلو جداااا برضو بس مشكلته انه عاوز تتمسح اول باول عشان بيترب بسرعه

بس انا رايي ان الاسود احلى لون فيها

بالنسبه للجنوط فانتا لو هاف اوبشن جنطها جنط حلو كده يكون 17 هتبقى شكلها حلو انما لو انتا عربيتك متجنطه فيبقى حرام تشيل جنط وتركب جنط تانى هى هى
وحكايه الضمان انا رايي بالنسبه للعفشه طالما العربيه استلمتها كويسه يبقى اى حاجه هتحصل فيها هتبقى من استخدامك وقليل اوى لو احتجت الضمان
بس انا شخصيا كنت ناوى اجنط بس قلت خلينى بعد فتره الضمان برضو عشان ابقى مرتاح نفسيا ومقعدش اقول ياريتنى مجنط وكان ممكن اكون فالضمان وبتاع فرايي متجنطش دلوقتى عشان تبقى مرتاح البال بس مش اكتر

[assem_omar]

بص اللون الابيض بتاعها حلو اوى بس انا مبحبش العربيات البيضه وكمان هتبقى شبه الكاب (التاكسى الجديد)
واللون الاسود حلو جداااا برضو بس مشكلته انه عاوز تتمسح اول باول عشان بيترب بسرعه

بس انا رايي ان الاسود احلى لون فيها

بالنسبه للجنوط فانتا لو هاف اوبشن جنطها جنط حلو كده يكون 17 هتبقى شكلها حلو انما لو انتا عربيتك متجنطه فيبقى حرام تشيل جنط وتركب جنط تانى هى هى
وحكايه الضمان انا رايي بالنسبه للعفشه طالما العربيه استلمتها كويسه يبقى اى حاجه هتحصل فيها هتبقى من استخدامك وقليل اوى لو احتجت الضمان
بس انا شخصيا كنت ناوى اجنط بس قلت خلينى بعد فتره الضمان برضو عشان ابقى مرتاح نفسيا ومقعدش اقول ياريتنى مجنط وكان ممكن اكون فالضمان وبتاع فرايي متجنطش دلوقتى عشان تبقى مرتاح البال بس مش اكتر

طبرايك ايه في الاحمر هو موجود اصلا؟؟

[Osama.shihata]

اهلا بحضرتك وطبعا ماشاء الله الاعضاء الكرام قامه بالواجب
هضيف بس
ان الناحية الجمالية عادتا تقديرية بتختلف من شخص لاخر
انا مثلا معايا البيرسونا وتحفة بس بقول ان الجين اجمل علشان رياضية الشكل اكثر
وفى ناس بتقول لا البيرسونا اجمل علشان اكبر وافخم

الاهم انتا عايز ايه الاثنين احلى من بعض
ربنا يوفقك لما فيه الخير
ويتمملك على خير الزواج

[mimo3000]

انا بصراحه شفت الاحمر بتاعها معجبنيش بس هو فالجين حلو والازرق البترولى برضو فالجين حلو بس فالبرسونا محبتش اللونين دول عليها عشان الالوان لايقه مع الجين تو اكتر عشان هى شكلها رياضى عن البرسونا انما البرسونا انا رايي هى عوزه الوان هاديه عشان يديها شكل فخامى اكتر يعنى الفيرانى حلو جدااا (انا عربيتى فيرانى) والاسود وبرضوا بتبقى مساله ازواق بتختلف من شخص لشخص
انا هحطلك حبه الوان كده تشوف انتا رايك ايه

]ده الاحمر بتاعها
















انا قولت اجيب لحضرتك البرسونا الحمر من جميع النواحى عشان شكلها عجبه حضرتك ويارب يوفقك انشاء الله وتختار لون حلو

اسف بخصوص الصور اللى مش ظاهره دى بس والله انا يوم مرفعتها كانت ظاهره وكويسه وتمام
بس انا هرفعهم تانى انشاء الله
واسف مره تانيه