إستفسار لأصحاب الجين 2 بخصوص ثيرموستات الرادياتير

[DrMAbdelkader]

ياشباب طبعا لا كلام ولا شكر يكفى المنتدى ده وبالذات قسم البروتون اللى فعلا انا شايفه انشط قسم فى المنتدى

انا معايا واحد صاحبى معاه جين 2 2007 نسى مره يزود ميه للرادياتير والعربيه سخنت جامد المهم طبعا ركنها لغاية مابردت وزودلها من ساعتها بقت تقطع وتطفى لوحدها ومؤشر الحراره يزيد مره واحده راح لكهربائى متخصص فى البروتون قاله ان دى الترموستات اللى فى الماسوره الرايحه للرادياتير وشال الثرموستات العربيه من ساعتها مظبوطه وقال دى مش مهمه لإن دى فايدتها للمناطق البارده مش لينا
فهل الكلام ده صحيح وفعلا مافيش ضرر من شيلها ولا لازم يغيرها؟؟؟
ياريت الخبراء يفيدونى والف شكر ياشباب

[big_shico]

اعتقد انها هتكون مهمة اوي في الشتاء علشان تسخن العربية الصبح

[DrMAbdelkader]

هو كلام الكهربائى إنها للمناطق مش البارده الجليديه عشان تسخن الميه فا تسخن دورة الزيت لكن فى مصر فى البرد كده كده الواحد بيسيب العربيه شغاله دقيقتين تسخن فيهم

[khpopo]

عن رايى مهمه جدااا طبعا ... يجيب واحده جديده ويركبها لان ده غالبا باظت وهى مهمه لاى عربيه
ربنا يوفق

[MohabSaeed]

ياشباب طبعا لا كلام ولا شكر يكفى المنتدى ده وبالذات قسم البروتون اللى فعلا انا شايفه انشط قسم فى المنتدى

انا معايا واحد صاحبى معاه جين 2 2007 نسى مره يزود ميه للرادياتير والعربيه سخنت جامد المهم طبعا ركنها لغاية مابردت وزودلها من ساعتها بقت تقطع وتطفى لوحدها ومؤشر الحراره يزيد مره واحده راح لكهربائى متخصص فى البروتون قاله ان دى الترموستات اللى فى الماسوره الرايحه للرادياتير وشال الثرموستات العربيه من ساعتها مظبوطه وقال دى مش مهمه لإن دى فايدتها للمناطق البارده مش لينا
فهل الكلام ده صحيح وفعلا مافيش ضرر من شيلها ولا لازم يغيرها؟؟؟
ياريت الخبراء يفيدونى والف شكر ياشباب

استاذى الفاضل .... صاحب حضرتك لازم يجيب ثيرموثات تانى جديد و يركبه بدل القديم .

الكلام عن ان الثيرموثات للبلاد الى فيها تلج ... فيها اعصار ... تسونامى .............. " كلام فارغ " العربيه ديه نازله مواصفات خليجى ..... يعنى الجو نار و حراره بتوصل ل 60 فى الظل !!!!!!!!!! يبقى بانهى منطق الشركه حتكلف نفسها و تحط القطعه ديه و هى ملهاش لازمه , علاشان يجى كهربائى و لا صنايعى فتك يقول ان الثيرموثات للمناطق البارده و يشيلها ؟

الكلام ده كان ممكن اقولك ينفع فى العربيات القديمه بصفه عامه .... و ان كان برده غلط لان عدم ثبات حراره الموتور ليها اضرار على اجزائه .... + ان نسبه خلط الهواء مع البنزين مش بتتظبط الى لما الموتور يوصل لدرجه الحراره التشغيليه المثاليه " الى الثيرموثات بيساهم فى الوصول ليها " ..... و ده معناه ان نسبه استهلاك البنزين حتزيد و اداء العربيه حيقل جدا .

[ramyar]

بص يا فندم هقولك بي كل بساطه الثرموستات دي بتشتغل ازاي وفايدتها ايه
الثيرموستات دي بتكون موجوده في اتجاه الماء البارد الي خارد من الردياتير الي الموتور وهي عباره عن قرص وفيه سوستع وقطعه نحاس المهم ياسيدي النحاس الي في الثيرموستات ده من معدنين مختلفين وطبعا زي مادرسنا زمان ان كل معدن ليه درجه تمدد ودرجه انكماش يعني كل معدن بيتمدد وينكمش علي حده
طيب اول ماتدور العربيه بتكون درجه حراره المياه والموتور نفس درجه حراره الجو متلا 30 اذا الثيرموستات بيفصل دائره التبريد الردياتير عن الموتور وبيمون في وصله بتعمل تقليب للمياه الي في الموتور بفعل دوران طلمبه المياه و مع شغل الموتور والحريق بتتولد درجه حراره وبي التالي المياه تكتسبها وبي التالي الثيرموستات بيحس بي الحراره واول ماتوصل الحراره 75 -80 المعدن يتمدد وبذلك تحدث استطاله في بنز ضغير في الثيرموستات يقوم بابعاد قطعه الكاوتس لتسمح بمرور مياه الردياتير الي طبعا درجه حرارتها اقل من حراره المياه الساخنه ونقل المياه الساخنه الي الردياتير للتبريد ولول ماتوصل حراره المحرك اقل من 75-80 بينكمش المعد وبيقل الثيرموستات تاني والموضوع ده مستمر دائما وبذلك يحافظ الثيرموستات علي درجه تشغيل المحدده من المصنع للموتور لاكن لما تشيل الثيرموستات بتخلي دائره التبريد واحده والموتور والردياتير حراره واحده يسخنوا مع بعض ويبردوا مع بعض وتلاقي وانا ماشي في طريق سفر الحراره نازله عن الطبيعي ولما تكون ماشي في زحمه تحس ان المروحه بتشتغل كتير وده لانها بتبرد الردياتير وع مياه الموتور مع بعض ارجو اني اكون قدرت افيدكم

[DrMAbdelkader]

ياجماعه انتوا فعلا وفيتوا بس انا سألت اكتر من كهربائى وميكانيكى كلهم قالوا إنها بتتشال حتى من اللانوس واغلب العربيات الجديده وان كل مشاكلها انها هاتتعبه شويه فى التسخين فى الشتا فا الكلام ده صح ولا كالعاده افتكاسات ميكانيكيه؟

[MohabSaeed]

ياجماعه انتوا فعلا وفيتوا بس انا سألت اكتر من كهربائى وميكانيكى كلهم قالوا إنها بتتشال حتى من اللانوس واغلب العربيات الجديده وان كل مشاكلها انها هاتتعبه شويه فى التسخين فى الشتا فا الكلام ده صح ولا كالعاده افتكاسات ميكانيكيه؟

افــتـكــــــــاسه ...

و الى بيقول لحضرتك ... حتتعبه شويه فى التسخين للاسف مش بيفهم ان معظم العربيات الحديثه مش بتتسخن ...... بتدور و بتمشى بسرعه بطيئه و فى اقل من 5 دقايق موتور بيوصل لدرجه الحراره المثاليه بفضل الثيرموثتات الى بيشلوه !

[DrMAbdelkader]

طب ياجماعه حد يعرف سعرها وتتجاب منين

[memoo305]

ياجماعه انتوا فعلا وفيتوا بس انا سألت اكتر من كهربائى وميكانيكى كلهم قالوا إنها بتتشال حتى من اللانوس

بص ياباشا أنا معايا لانوس . كنت بعمل جون وش سلندر على أخر الصيف إلى فات .على قول الشتا لاقيت العربية بتعمل حاجة غريبة جداً. العربية ماتسخنش بطلع بيها من البيت إلى الشغل صباحا والمؤشر مابيعديش الصفر وإل زاد وغطا أن لمل بوصل الشغل ألى الأر بي في السلانسة فوق الواحد. بعد فحص وتمحيص ولف طول الشتا والعربية متبرجلة كل الفترة دية .لقيت العبقري الميكانيكي شال الترموستات إلى أنت بتقول علية لمافك الجوان علشان نفس السبب (ده بتاع الجليد والسقيع...) .وطبعاً ماقليش على الموضوع ده لأنه ملوش لازمة.المهم بعد تركيبة العربية ظبطت والأر بي أم بقى على وضعة الطبيعي في الشتا.

[DrMAbdelkader]

انا خلاص اتأكدت انها مهمه بس ماحدش عنده فكره سعرها كام فى التوكيل او استيراد؟؟

[MohabSaeed]

للاسف معنديش فكره بالنسبه للسعر .

[abdoumahros]

الثرموستات ده مهم جدا لان مهمته المحافظه علي درجه تشغيل المحرك بين 80 و90 درجه وده بيطول عمر المحرك في الصيف جايز ماتحسش بمشكله وخصوصا داخل المدينه لكن في الشتا هاتحس بالفرق وخصوصا اثناء السفر بسرعه عاليه لان المحك هايبرد وتحس ان العربيه متكتفه وده بيؤثر علي عمر المحرك ويزود استهلاك البنزين

[smsm_sonic]

اللي اعرفة ان سعره تقريبا 140 جنيه في التوكيل

[ahmed_h_g]

اللي اعرفة ان سعره تقريبا 140 جنيه في التوكيل:ta_clap[1]:

سعرها كويس
حضرتك متأكد ولا ده سعر السوسته فقط