الحمدلله الحمدلله الحمدلله

[eslam_wega]

اخيرا يا جماعة وبعد تحويش سنتين باعت الشقة الى مكنتش عايزة تتباع ابدا الحمدلله
باعتها النهردا وبكرة هنسجل فى الشهر العقارى ان شاء الله
وبكدة فلوس الشقة مع التحويش وصلت ل 65 الف بسم الله ما شاء الله
المفروض انى كانت عامل نظام انى هحول احوش على قد ما قدر من ال20 دول فى ال5 اشهر الجايين وهسلتف الباقى من بابا
لكان يا جماعة خلاص لقيت نفسى مش قادر استحمل بقالى 24 شهر بدون عربية
ومقضيها شحتة فى عربية بابا (رينو كليو ) ونفس الكلام مع اختى ( جيب شيروكى )
وخلاص وشى منهم بقا فى الارض .
فتوكلت على الله وقرارت انى اقصط ال 20 الباقين على سنة ان شاء الله
ولقيت نظام حلو مع كونكت كار
فحبب اعرف منكم هل فى نظام احسن من كونكت
ويريت حد يقولى على كذا شركة كدا عشان يبقا عندى اختيارات
واخيرا ان شاء الله يا جماعة وبدون مقاطعة لو محصلش اى ظروف خارجة
هكون حاجز فى الدفعة الجاية من جينا حبيبت قلبى وعلى فكرة 12 اكتوبر بالنسبة ليا بقا عيد قومى
معلش طولت عليكم بس بقالى سنتين بحلم واخير الحمدلله هقدر احقق الحلم دة
مش ناقص بس غير ان مصر توصل لكاس العالم ان شاء الله

[assem_omar]

مبرووك ياماااو ربنا يباركلك ويسلمهالك على خير عقبالي يارب انا مستني الفلوس تكمل برضه بس انا برسونتي حبيبتي
انت اشتركت مع كونكت على انهي نظام عشان فيه اربع انظمه
انسب واحد معاك هو النظام الاقتصادي وهو اقل سعر فايده للفترات القصيره
وممكن تسال في التوكيل على التقسيط

[damasry]

الف مبروك يا باشا علي بيع الشقة وان شاء الله تجيب الجينا قرررريب.
بالنسبة للتقسيط مش ها اقدر افيدك بس اكيد الناس هنا مش ها تتأخر عليك بالرد.
اما بقي مصر في كاس العالم فا انا اشك.

[khpopo]

الف مبروووك مقدما ربنا يحسن لك الشراء
ربنا يوفق

[أبومعاذ]

ألف مبروك بيع الشقة و مبروك مقدما شراء العربية بس ياريت تعمل جمعية بال 20 الف الباقيين احسن ما تدخل في بنوك وفوايد وربا وفي نفس الوقت مش هيبقى عليك فوايد لو عملت جمعية

[أبو_يوسف]

ألف مبروك بيع الشقة و مبروك مقدما شراء العربية بس ياريت تعمل جمعية بال 20 الف الباقيين احسن ما تدخل في بنوك وفوايد وربا وفي نفس الوقت مش هيبقى عليك فوايد لو عملت جمعية

كلام سليم

[eslam_wega]

مبرووك ياماااو ربنا يباركلك ويسلمهالك على خير عقبالي يارب انا مستني الفلوس تكمل برضه بس انا برسونتي حبيبتي
انت اشتركت مع كونكت على انهي نظام عشان فيه اربع انظمه
انسب واحد معاك هو النظام الاقتصادي وهو اقل سعر فايده للفترات القصيره
وممكن تسال في التوكيل على التقسيط

الله يبارك فيك واعقبالك ان شاء الله لما تجيب البرسونا
انا حاليا لسة مشتركتش بس فعلا لقيت النظام الاقتصادى افضل نظام بالنسبة ليا
بالنسبة للتوكيل التقسيط بيبقا تابع بنك ولا تابع التوكيل واسال مين فى الموضوع دة

[أبومعاذ]

الله يبارك فيك واعقبالك ان شاء الله لما تجيب البرسونا
انا حاليا لسة مشتركتش بس فعلا لقيت النظام الاقتصادى افضل نظام بالنسبة ليا
بالنسبة للتوكيل التقسيط بيبقا تابع بنك ولا تابع التوكيل واسال مين فى الموضوع دة

التوكيل مش بيقسط بنفسه بيقسط تبع بنوك

[eslam_wega]

الف مبروك يا باشا علي بيع الشقة وان شاء الله تجيب الجينا قرررريب.
بالنسبة للتقسيط مش ها اقدر افيدك بس اكيد الناس هنا مش ها تتأخر عليك بالرد.
اما بقي مصر في كاس العالم فا انا اشك.

الله يا بارك فيك واعقبال عندك ان شاء الله
بالنسبة للتقسيط انا مطمن لانى عارف ان معنا ناس جامدة ( ايمن ومحمد واستاذ توت وناس كتير مش عايز انسا حد واكيد هيقولوا المفيد فى الحوار دة ان شاء الله طبعا على انتظر ردهم
وبالنسبة للكاس العالم هنوصل بادن الله

الف مبروووك مقدما ربنا يحسن لك الشراء :oc_sun1[1]:
ربنا يوفق

تسام يا غالى ربنا يكرمك والف شكر ليك

ألف مبروك بيع الشقة و مبروك مقدما شراء العربية بس ياريت تعمل جمعية بال 20 الف الباقيين احسن ما تدخل في بنوك وفوايد وربا وفي نفس الوقت مش هيبقى عليك فوايد لو عملت جمعية

الله يبارك فيك يا جارى الغالى
بس على فكرة سمعت من شيوخ كتير ان طلما الفايدة مش مركبة يبقا مش حرام
وطبعا دى فايدة بسيطة 2000 ج ودة عشان انا تقريبا دافع تلات تربع تمن العربية كاش وتقريبا كدا هقسط تابع كونكت ان شاء الله

[أبومعاذ]

طب مانت اولى بالفلوس دي وبلاش فايدة خالص وبلاش الربا حتى ولو مجرد شبهة

[eslam_wega]

يعنى اضيع 6 شهور تانى عشان خاطر 2000 ج
وبعدين مفهاش ربا ان شاء الله لانى سمعت من شيوخ كتير ان الشراء بالتقسيط مش حرام
طلما غير مبالغ فى الفايدة والحالة الوحيدة انها تبقا حرام
لو الى بيبع لا يمتلك السلعة من الاساس
وفى الحالة دى الى بيبع هو الى بياخد الذنب وليس المشترى

[eslam_wega]

انا دلوقتى يا جماعة قدمت استمار تابع كونكت هل كدا انا هحاجز فى التوكيل وهستلم من هناك ولا اية النظام ؟
يريت يا جماعة محدش يبخل عليا بردود ربنا يكرمكم

[أبومعاذ]

انا دلوقتى يا جماعة قدمت استمار تابع كونكت هل كدا انا هحاجز فى التوكيل وهستلم من هناك ولا اية النظام ؟
يريت يا جماعة محدش يبخل عليا بردود ربنا يكرمكم

بخصوص الجمعية ممكن تقبضها الاول او التاني وعموما استخير و ربنا ييسرلك اللي فيه الخير
ايوة هتحجز من التوكيل و تستلم من هناك
انا في التوكيل دلوقتي لو عايز حاجة من هناك قولي او كلمني انا هبعتلك رقمي على الخاص

[eslam_wega]

بخصوص الجمعية ممكن تقبضها الاول او التاني وعموما استخير و ربنا ييسرلك اللي فيه الخير
ايوة هتحجز من التوكيل و تستلم من هناك
انا في التوكيل دلوقتي لو عايز حاجة من هناك قولي او كلمني انا هبعتلك رقمي على الخاص

ياريت والله بس فين هلقى جمعية بالمبلغ دة
الرقم وصلنى تسلم والله يا ابو مريم