Tweet
بسم الله الرحمن الرحيم
انا بفضل الله اصبح عندى الان واجا هاف اوبشن اتوماتيك2009 والفضل يرجع لله طبعا ثم لهذا المنتدى العظيم
و قبل اى حاجه احب اشكركم جميعا واخص بالشكر ايمن باشا ربنا يبارك له قد ايه كان متابع معايا كل الخطوات ومبخلش عليه باى معلومه او جهد شكرا جدددددددددددددددا يا ايمن
نبذه سريعه
انا لما حبيت اشترى عربيه كان الكل بيرشح لى اللانوس وفعلا رحت اتفرجت عليها عند منصور وطبعا انا كنت بشوفها ومراقباها وكنت بحاول اركبها تاكسى هيه و الاسبرنزا و الفيرنا واتكلم مع السواقين واعرف عن قرب ايه الحسنات و العيوب المهم فيه معرض سيارات جنبنا قاللى ما تشوفى البرسونا انا ماكانش عندى فكره خالص عن البروتون
انا اخدت الكلمه من هنا وطلعت على طول ادور عليها فى النت وبالصدفه لاقيت منتداكم العبقرى وقعدت اتابع كل ما تداولتوه لمده اسبوعين تقريبا انتوا يا جماعه بهرتونى بروح الاخوه اللى بينكم و الصدق فى المعامله و التحليل المنطقي لكل كبيره و صغيره بالاضافه للبلد الاسلامى( ماليزيا) انا قلت ان العربيه دى فيها خير كبير لانها مجمعه كل الناس الحلوين دول .
المهم بعد ماتفرجت على البرسونا عند عز العرب فى العجوزه لاقيت الواجا واقفه و متصدره المعرض حسيت ان فيه حاجه بتشدنى ليها ولما اتفرجت عليها قلت (هيه دى) اصبح بينى و بينها ارتباط روحى .وشوفت بعينى ان فيه فرق كبير جدا بينها وبين كل الماركات السابقه وفرق السعر مش كبير خالص طبعا الفرق لصالح الواجا
المهم برضه اخذت رأى اولادى و زوجى واتفرجوا على الجين و البرسونا و الواجا والكل اجمع على الواجا
وتوكلنا على الله وفعلا استلمناها ده طبعا بعد ما عرفت منكم اصول الاستلام اخد بالى من ايه والسى دى وكل المعلومات اللى تداولتوها ونصحتم الاخرين بها
تخيلوا اكتشفت بعد كده ان فيه فى عمارتنا واحده جين2 وواحده واجا يعنى عمارتنا بس فيها 3 بروتون
والله يا جماعه انا مستبشره خير وبكره تشوفوا العربيه دى ح تعمل ايه
ربنا يبارك لنا فيها جميعا.
وكما قلتم بروتون = صفقه رابحه
Comment