صوت غريب عند الرجوع للخلف - بروتون جين 2

[ihabdawood]

مساء الفل،
أنا عندي جبن 2 و عندي مشكلة بتحصل كل شوية كده و هي ان لما اجي ارجع بالعربية لورا بسمع صوت تزييقة كده و بيكون عالي و ينرفز. أنا بحس كتير ان العربية مفككة عموماًز حد عنده الصوت ده. أنا عربيتي سبور و جنوط سبور و بحس ان الطنابير و التيل بستوسخوا بسرعة عشان ااجنوط بيدخل تراب و كده و التوكيل غيلي التيل مرة و مرة تاني ملقاش حل، أي افادة؟ و شكراً

[eslam_wega]

و هي ان لما اجي ارجع بالعربية لورا بسمع صوت تزييقة كده
حضرتك ممكن يكون قصدك صوت السنوسيور بتاع الراكن ودة طبيعى
أنا بحس كتير ان العربية مفككة
ممكن تربط عفشة كويس
التيل بستوسخوا بسرعة عشان ااجنوط بيدخل تراب و كده و التوكيل غيلي التيل مرة و مرة تاني ملقاش حل
ممكن حد من كبار بروتون يرد عليك

[ahmad alshaaer]

اللي اقدر اقولهولك ان كل دي امور طبيعيه
وهي العربيه كده وماتقلقش

تحيااااااااتي

[ihabdawood]

أشكركم لردودكم
أنا بس كنت عايز أطمن

[m.3abdel3al]

الصوت دا اكيد كلبشة الفرامل دا الصوت الي انت قصدك عليه

هتتعود انما لا هي مفككه ولا حاجة

تروح عند النزينة وترفع العربية و ينضفلك الجنط من جوه كويس جدا جدا جدا بالمياه و الهواء و الجاز و هتلاقي التيل نضف

[dreslam]

التزييقه دي عند الرجوع في خط مستقيم ولا وانت كاسر يمين او شمال؟
العربيه عامله كام كيلو واخر مره غيرت التيل كان امتى؟
كان عندي اصوات تكات وتزييق بالهبل بس انا الحقيقه جربت التوكيل كذا مره ما اسعفنيش لكن خرطت طنابير وغيرت تيل بره التوكيل الاصوات انتهت والعربيه الحمد لله بقت زي الفل

[ihabdawood]

خط مستقيم أنا عامل 37500 كم و غيلرت التيل عند 25000 كم أظن
حد فعلاً قال لي اني ممكن اخرط الطنابير بس أنا فعلاً لما بغسل العربية في البنزية الصوت بيروح فأنا متأكد انها وساخة السؤال هو فعلاً كون الجنوط سبور ده يوسخ الطنابير و التيل أكتر ولا ملهاش دعوة؟

[dreslam]

انا مش عارف ليها دعوه ولا لا بس اللي اعرفه ان الطنابير بتلم تراب بسرعه يظهر عشان كده بيبقى فيه صفافير بين الفينه والفينه بتروح بعد تنظيف بالهوا.هي جنوطك سليمه يعني ما اخدتش فيهم لا قدر الله خبطه كده واللا كده عوجتلك الجنوط؟.ما بتسمعش الصوت ده وانت نازل على منزلايه وبتضرب فرامل؟.على العموم شكلها كده لعبه طنابير خليها شويه لو بتنضف مع الغسيل وبلاش جاز كتير ولو لا قدر الله الصوت ما بيستناش وبيظهر تاني يبقى تبص على الطنابير كويس يمكن تحتاج خراطه.

[elmadawy]

فعلا الصوت ده بدا يحصل عندي اثناء الرجوع للخلف وانا بكسر شمال او يمين وليس في خط مستقيم ومش عارف اعمل ايه

[Elgazar 7007]

حضرتك لقيت الحل؟
انا عندي نفس مشكلتك دي بس ف دايو

[ibrahem_sayed]

فعلا الصوت ده بدا يحصل عندي اثناء الرجوع للخلف وانا بكسر شمال او يمين وليس في خط مستقيم ومش عارف اعمل ايه

نفس الصوت في بيرسونا 2014 ؟!!!!!!!!!!!!!!