رجاءا المساعدة

[ahmed_moslem]

حالة الموتور ممتازة
الاكصدامين مرشوشين والصاج كله فابريكة
العفشة محتاجة تربيط
الفوج لايت اليمين زجاجه مكسور :?
الكشاف الخلفى يمين مخروم خرم قد النص جنيه المعدن :? :?
الصالون ممتاز والحالة من بره ممتازة و الكاوتش تحس انه جديد.
محتاج تيل فرامل والتقرير اوصى بتغيير الطنابير :? :? :?
الكشافين الاماميين تحس انهم عليهم رمل لازق وغامقين بشكل واضح (سألت وعرفت انهم ممكن ينجلوا ويرجعوا زى الجداد عند واحد فى المهندسين ب 250 جنيه)

ما سبق كان ملخص التقرير (اخبرت به بالتليفون وبكرة هاروح اتأكد منه)
بصراحة بطنى وجعتنى لما سمعت موضوع الطنابير ده
انا كنت فاصلتهم لحد 76 الف (لسة الفايدة لأنى مقسط نص المبلغ).
ايه رأيكم يا جماعة؟ افاصل شوية كمان وأدوس ولا أكبر دماغى من ده كله وأبتدى من جديد فى سكة الزيرو سواء جين2 أو ياريس أو سيتى اللى بصراحة هاتكون سكة مجهدة لى ماديا (هيطول عليا فترة القسط والفايدة هاتزيد)
أنا هاروح بكره بعد الشغل على الساعة 4 علشان أ hold العربية ب10000 جنية لو نصحتونى بانى اخدها.
منتظر خبراتكم ونصائحكم
أخوكم أحمد







لحظة لحظة
كويس انى افتكرت
العربية لسة فيها سنة ضمان. أية اللى ممكن استفيده من الضمان فى ظل حالة العربية دى (ولا مش هاستفاد حاجة والضمان مالوش لازمة)

[Eng.Osama.Afifi]

أنا لو منك الصراحة ... أبعد عن المستعمل !

أنا متعقد منه !

[Heshaam]

أنا معرفش قوي في الميكانيكا - بس عربية عاملة 33 ألف وعايزة تغير طنابير يبقى في حاجة غلط والله أعلم. وكمان أخبار الفتيس إيه - خصوصا لو أتوماتيك.

رأيي الشخصي - لو هما مستعدين يتحملوا التصليحات أو نصها والعربية فعلا كويسة ولسه ضمانها ساري يبقى اتوكل على الله

إنما لو حسيت إنها هتعدي مع التصليحات و مش هيفرق معاك قوي إنك تركب حاجة غير الواجا حاول تجيب حاجة زيرو من اللي إنت ذكرتهم أفضل.

أنا بحاول أشاركك التفكير مش أكتر واستنى آراء باقي الإخوة

وإن شاء الله ربنا يوفقك للخير

[tutankhamoun]

أنا رأيي العربية كويسة بس فاصل معاهم يمكن تنزل شوية في السعر ......... دي عاملة 33 ألف كيلو فقط و دي حاجة كويسة
و بعدين الناس هنا في مصر أستعمالهم سئ للسيارات عموما
و لو انت زهقان و عايز تكبر دماغك أشتري جين 2 و أتكل على الله

[mino]

و بعدين الناس هنا في مصر أستعمالهم سئ للسيارات عموما
و لو انت زهقان و عايز تكبر دماغك أشتري جين 2 و أتكل على الله

+100000000000000000

[ahmed_moslem]

بعد استلام التقرير و بعد التفكير وبعض الدردشة مع واحد فى التوكيل اعرفه هناك قلت لهم (لشركة بيع المستعمل وهى شركة منفصلة جزئيا عن الوكيل) علشان أخذ العربية لازم يغيروا لى الكشافات الامامية و يجيبوا لى بطارية جديدة (نسيت اقول لكم على البطارية) ويجيبولى الطنابير (2 طنبور 2*481 =962 جنيه) وكمان تيل خلفى (200 جنيه) كل اللى فات على حسابهم
بالاضافة ان الضمان هيظبت دبدبة فى العفشة الخلفية وتزييق فى قطمة الدركسيون والتابلوه
باقى التقرير
فحص اسفل السيارة: يوجد حكات بسيطة
حالة الصالون ممتازة
حالة الاكسسوارات جيدة
حالة التكييف جيد
حالة الزوايا جيد
اختبار الطريق: دبدبة العفشة وتزييق قطمة الدريكسيون

معنى كده انى هاصلح كشافات الفوج لايت + فانوس خلفى يمين مخروم + 2 مفتاح كهرباء فردى وكرتيرة رفرف امامى يمين + تيل امامى كل ده وهدفع 76000 (ده لو كاش).

انا حاسس ان كده مش بطال
ولا ايه

[Heshaam]

لو إنت مرتاح للعربية توكل على الله - أنا شخصيا شايف إنها كويسة خصوصا إن لسه معاها ضمان سنة (وهو مهم عشان لا قدر الله لو حاجة ظهرت في الموتور أو الفتيس أو أي حاجة من أساسيات العربية).

وده لينك لأماكن قطع الغيار لبروتون خارج التوكيل بحيث تقدر تقارن الأسعار:

http://nilemotors.net/Forum/viewtopic.php?t=2632

والأسعار:

http://nilemotors.net/Forum/viewtopic.php?t=5111

وإن شاء الله نقولك مبروك قريب

[ahmed_moslem]

بعد استلام التقرير و بعد التفكير وبعض الدردشة مع واحد فى التوكيل اعرفه هناك قلت لهم (لشركة بيع المستعمل وهى شركة منفصلة جزئيا عن الوكيل) علشان أخذ العربية لازم يغيروا لى الكشافات الامامية و يجيبوا لى بطارية جديدة (نسيت اقول لكم على البطارية) ويجيبولى الطنابير (2 طنبور 2*481 =962 جنيه) وكمان تيل خلفى (200 جنيه) كل اللى فات على حسابهم
بالاضافة ان الضمان هيظبت دبدبة فى العفشة الخلفية وتزييق فى قطمة الدركسيون والتابلوه
باقى التقرير
فحص اسفل السيارة: يوجد حكات بسيطة
حالة الصالون ممتازة
حالة الاكسسوارات جيدة
حالة التكييف جيد
حالة الزوايا جيد
اختبار الطريق: دبدبة العفشة وتزييق قطمة الدريكسيون

معنى كده انى هاصلح كشافات الفوج لايت + فانوس خلفى يمين مخروم + 2 مفتاح كهرباء فردى وكرتيرة رفرف امامى يمين + تيل امامى كل ده وهدفع 76000 (ده لو كاش).

ولا ايه

شركة بيع المستعمل التابعة لعز العرب ردوا عليا دلوقتى وقالما لى انهم هيغيروا لى الطنابير و هايجيبوا لى تيل خلفى وبطارية و هيغروا لى الكشافين الاماميين باتنين مافيهومش مشاكل

يتبقى المشكلة الاخيرة الا وهى العفشة
اريد خبراتكم يا جماعة
ما معنى دبدبة فى العفشة الخلفية
وما هى مكونات العفشة بوجه عام؟
وما هى أسوأ الاحتمالات الممكنة لتلك الدبدبة؟
وهل هناك احتمال ان الضمان ميغيرش اى شئ ممكن الاقيه بايظ على اعتبار ان العربية لسه فيها سنة ضمان وان العفشة من اساسيات العربية؟
معلش على الصداع اللى انا عاملهلكوا ده بس سؤال أخير: اسعار قطع غيار العفشة ؟

[ahmed_moslem]

السلام عليكم ورحمة الله وبركاته

يالا باركولى

خلاص اشتريتها

قلت قبل ما ادخلها تعمل صيانة وقبل حتى ما اغير التيل والطنابير اسوقها شوية علشان اشوف لو فيها حاجة تانية اعملها بالمرة
حصل معايا التالى:

الريموت بيعلق ومش عارف امتى الانذار بيشتغل وامتى لأ
السنتر مش شغال صح فلا يغلق الا باب السواق والباقى لازم يغلق يدوى قبل ما انزل من العربية
مسوجر الباب اللى ورا بايظ (او فيه حاجة مش فاهمها) فلا يغلق بالريموت ولا حتى باليد من الداخل (عمال ابص عليها تحت البيت كل شوية)
حاسس ببرجلة خفيفة تحت رجلى وفى الدركسيون على سرعة 90 (معدتهاش تقريبا من القلق وحاسس كأنى لسه بسوق جديد (لسه خارج من 128 وأول مرة أسوق فى حياتى كان من 7 أشهر))
وانا ببص عليها من شباك الشقة لقيت السقف فية خبطتين كده (مش عارف اوصف بس اكن حد وقع حاجة على السقف)
بعد مامشيت من عندهم اكتشفت ان الاريال مش موجود (معلش عدم تركيز منى وهكلمهم عليه المرة الجاية)
عربيه نص نقل خبطت فيا من ورا لما اضطريت افرمل مرة واحدة نتيجة وقوف مفاجئ لتاكسى امامى (الله يسامحهم هما الاتنين) نتج عن كده ان حواف الشنطة من ناحي الشمال مبقيتش ماشيه مع الكشاف وبقت بارزة للخارج شوية و كذلك الاكصدام برز من الجنب الشمال شويه
غطاء فتحة الكريك والعدة اللى فى الشنطة مكسور فبيسقط جوه الفتحة

مش عارف ليه رغم كل ما سبق انا فرحان بالعربية وحاسس انها هاتكون كويسة ان شاء الله
معلش يا جماعة بس انا هارجعلكم تانى علشان تنصحونى فى اى مشكلة هلاقيها مش عايزة تتحل معايا خصوصا انى معتمد غلى الضمان علشان يصلح لى اغلب المشاكل الموجود دى

[fahd_628]

الف مبرووووووووووووووووك يا باشا و ربنا يباركلك فيها

[ahmed_moslem]

معلش نسيت اقول لكم
زجاج الباب بتاع الكرسى اللى جانبى عطلان خالص والبانبين اللى ورا زراير زجاجهم بيعلقوا (بس جمييع زراير الباب بتاعى تمام والحمد لله .....))))ابتسامه

[ahmed_moslem]

الف مبرووووووووووووووووك يا باشا و ربنا يباركلك فيها

الله يبارك فيك يا فهد وعقبال ما تجيب الجين2 ان شاء الله

[yasserayad]

الف مبروك ربنا يعطيك خيرها ويكفيك شرها
يارب تسعد بيها دائما يارب

[yasserayad]

السلام عليكم ورحمة الله وبركاته

يالا باركولى

خلاص اشتريتها

قلت قبل ما ادخلها تعمل صيانة وقبل حتى ما اغير التيل والطنابير اسوقها شوية علشان اشوف لو فيها حاجة تانية اعملها بالمرة
حصل معايا التالى:

الريموت بيعلق ومش عارف امتى الانذار بيشتغل وامتى لأ
السنتر مش شغال صح فلا يغلق الا باب السواق والباقى لازم يغلق يدوى قبل ما انزل من العربية
مسوجر الباب اللى ورا بايظ (او فيه حاجة مش فاهمها) فلا يغلق بالريموت ولا حتى باليد من الداخل (عمال ابص عليها تحت البيت كل شوية)
حاسس ببرجلة خفيفة تحت رجلى وفى الدركسيون على سرعة 90 (معدتهاش تقريبا من القلق وحاسس كأنى لسه بسوق جديد (لسه خارج من 128 وأول مرة أسوق فى حياتى كان من 7 أشهر))
وانا ببص عليها من شباك الشقة لقيت السقف فية خبطتين كده (مش عارف اوصف بس اكن حد وقع حاجة على السقف)
بعد مامشيت من عندهم اكتشفت ان الاريال مش موجود (معلش عدم تركيز منى وهكلمهم عليه المرة الجاية)
عربيه نص نقل خبطت فيا من ورا لما اضطريت افرمل مرة واحدة نتيجة وقوف مفاجئ لتاكسى امامى (الله يسامحهم هما الاتنين) نتج عن كده ان حواف الشنطة من ناحي الشمال مبقيتش ماشيه مع الكشاف وبقت بارزة للخارج شوية و كذلك الاكصدام برز من الجنب الشمال شويه
غطاء فتحة الكريك والعدة اللى فى الشنطة مكسور فبيسقط جوه الفتحة

مش عارف ليه رغم كل ما سبق انا فرحان بالعربية وحاسس انها هاتكون كويسة ان شاء الله
معلش يا جماعة بس انا هارجعلكم تانى علشان تنصحونى فى اى مشكلة هلاقيها مش عايزة تتحل معايا خصوصا انى معتمد غلى الضمان علشان يصلح لى اغلب المشاكل الموجود دى

,bولا يهمك ياباشا
كلها حاجات صغيره وعايزه طوله بال مع التوكيل
بس كله خير انشاء الله
اقوللك نصيحه سوق العربيه فى اماكن فاضيه شويه ومتزودش السرعه
عشان تحفض ابعاد العربيه كويس وكذللك احساسك بالبنزين والفرامل واخرها وقوتها
وامكنيات المناوره والحاجات دى ......................الخ فاهم قصدى
وبعدين استخدمها عادى عشان باذن الله ماتتخبطش تانى ابدا

[ahmed_moslem]

,bولا يهمك ياباشا
كلها حاجات صغيره وعايزه طوله بال مع التوكيل
بس كله خير انشاء الله
اقوللك نصيحه سوق العربيه فى اماكن فاضيه شويه ومتزودش السرعه
عشان تحفض ابعاد العربيه كويس وكذللك احساسك بالبنزين والفرامل واخرها وقوتها
وامكنيات المناوره والحاجات دى ......................الخ فاهم قصدى
وبعدين استخدمها عادى عشان باذن الله ماتتخبطش تانى ابدا

الف شكر لنصيحتك ويا رب أعرف اتعامل معاهم لان ده أول تعامل لى مع توكيلات