مشكله عندى فى كاوتشه الباب

[hsorogy]

حد عارف علاجه إيه!
كاوتش الأبواب الخلفية فى جزء على الباب نفسه وجزء على جسم العربية فى المكان اللى باب بيقفل عليه وإكتشفت بين الجزئين حتة بتاعة 7 سم ماعليهاش كوتش بتدخل هوا وتراب وصوت و ضوء وده تقريبا فى كل العربيات
أنا معايا برسونا 2009 عاملة 5000
وعلى فكرة الأبواب الأمامية وانا سايق على 130 بلاقى سرسوب هوا من الباب طبعا والشباك مقفول بس مش عارف أحدد مكان الحتة دى
أرجو النصيحة وطريقة العلاج و فين!!!!!!


تم تعديل عنوان الموضوع لكى يناسب هدف الموضوع

مشرف القسم

[emadhamdy]

حضرتك بتقول تقريبا ده في كل العربيات
اخي الكريك لا انا ولا انت ركبنا كل العربيات عشان نقدر نحكم ونعمم الكلام
انا معايا جين.2 2007 يعني ثلاث سنوات
زمعنديش عيوت تقفيل
معنديش صرصور الهواء اللي حضرتك قولت في كل العربيات
يا اخوانا الله يهديكوا انتوا بتنقصوا وبتقللوا من قيمه وثمن العربيه
العنوانين المبالغ فيها واللي بتختاروها باحتراف بتسؤء سمعه العربيه وده مش عارف ليه بيحصل بجد انا بستغرب جدا
ممكن حضرتك اخي الكريم تستفسر عن عيب عندك بس بلاش تعمم وتخلي القارئ يدخل يقول شوفتوا يا ناس بروتون كلهااااااااااااا
فيها عيب خطير في كل العربيات وده كلام واحد من بروتون نفسها
انا معرفش حضرتك ضد او مع العربيه
بس اللي اعرفه انك حضرتك ماخدتش توكيل رسمي من جميع ملاك العربيات عشان تتكلم باسمهم وتخلي اللي ما يشتري يتفرج
ارجع واقول والكلام للجميع
واتمني تتقبلوه من اخ ليكم بيحب العربيه
ياريت ننتبه شويه لعناوين بعض المواضيع
واذا كان عند اي حد مشكله يعرضها واكيد هيلاقي اللي ينصحه
لاكن بلاش الاسلوب الغريب اللي بشوفه في بعض المواضيع وطبعا في ملاك عربيات بروتون الغيوريين واللي اشلهم فوق دماغي
كتبوا وردوا علي احد المواضيع اللي فيها عنوانين مشابهه وطالبوا الاداره بحذف الموضوع والبعض طالب
بتعديل عنوان الموضوع
عشان كده لما بنلاقي حد متحامل علي العربيه
علي طول بنعتقد انه واحد لا معاه العربيه ولا من بروتون خالص وتبدا الشكوك اللي بقت شغاله ليل نهار
وبكده بنفقد المصدقيه








جينتاوي وافتخر

[hsorogy]

الى الأخ الفاضل عماد
مين انت علشان تطالب بحذف الموضوع انا بتكلم على مشكلة عندى حاجة فى كل العربيات الجديدة اللى شوفتها و حاجة لما بجرى بعربيتى انا
عيب الكلام بالاسلوب ده
انا بقول على جزئية معينة اللى لقيتها فى كل العربيات اللى فى معرض الغد بالمنصورة لما حبيت أعرف العيب ده عندى بس و للا فى كل الجديد
ألا و هو::::
كاوتش الأبواب الخلفية فى جزء على الباب نفسه وجزء على جسم العربية فى المكان اللى باب بيقفل عليه وإكتشفت بين الجزئين حتة بتاعة 7 سم ماعليهاش كوتش بتدخل هوا وتراب وصوت و ضوء وده تقريبا فى كل العربيات
مش الصرصور من الابواب الامامية لانى بكل بساطة يا باشا مركبتش العربيات البروتون اللى فى مصر علشان أسوق على 130 و ألاحظ الصوت
ده حاجة بس ياريت تقرأ الكلام كويس
و انا معجب جدا بالعربية و برشحها لأى حد
والمشكلة بحاول أدور على حلها زى ما لقيت حل لتزييق الكنبة الخلفية و ابقى اقرأ الموضوع ده جايز تستفيد

[ahmed_h_g]

الراجل ميقصدش يعيب العربيه ولو يقصد مكنش أشتراها . هوه بيحاول يشوف حد كان عنده نفس العيب وعالجه فقط لا غير القسم معمول مخصوص لمناقشة العيوب وحلها مش للخلافات ... أسف للتدخل والرجاء تغيير أسم الموضوع

[hsorogy]

انا عندى مشكلة و عارضها علشان عايز أحلها
مش داخل بشتم فى العربية انا مقتنع بالعربية جدا لان أهم حاجة فيها الثبات و الاوبشنز
غلى فكرة انا كان عندى تزييقة فى الدريكسيون ارفانى جدا رشتها ب wd40 راحت من شهرين و معدتش بسمعها"""

انا طالب الحل؟؟؟؟؟؟؟؟؟؟؟؟

بس
مش داخل أتخانق

[emadhamdy]

اخي الكريم كلامي معتقدش انه يزعل حد
انا بقول لحضرتك متعممش الموضوع
يعني حضرتك ممكن تقول زي اي حد من ملاك العربيه انك عندك مشكله كذا
مش لازم نقول الحاضر والمستقبل ونقول تقريبا كل العربيات فيها نفس العيب ده
وانا بقولك اني عندي مفيش كاوتش ناقص وبمشي علي سرعه اكتر من 180 ومفيش اللي حضرتك بتسمعه وده مش لوحدي
في ملاك كتير جدا لما كنا في مقابله فطار رمضان اتكلمنا علي كل شي يخص العربيه ومكنش في ولا واحد بيشتكي
من المشكله اللي عندك
ثانيا اخي الكريم انا بس بعلق علي عنوانين المواضيع المبالغ فيها
واللي موضوع حضرتك من احد المواضيع دي
عموما لو كلامي يزعلك اعتربني مردتش عليك
ولا دخلت موضوعك خالص
واسف اني ازعجتك


جينتاوي وافتخر

[hsorogy]

شكرا يا باشا
برضه انا بقول :
.... كل عربيات البرسونا فى المعرض عزل الابواب الخلفية فى حتة مافيهاش كاوتش زى ما انا شارحها فوق
.... عربيتى انا على 130 كم لواحدى انا بس بسمع صفارة من ناحيتى و الشباك مقفول
ايه الحل؟؟
وزاى و فين؟؟؟؟؟؟؟؟؟؟؟؟؟

[gagareen]

الاخ صاحب الموضوع ممكن حضرتك تقولهم عليها فى التوكيل يراجعوا على الجوان بتاع الابواب ولو مااتحلتش ولسه متضايق منها اكيد فيه حد فى المنتدى حيقول لحضرتك ممكن تتعمل فين

واحنا ممكن نستحمل بعض لان اكيد كلنا بنفكر فى حل لغايه ما المشكله تتحل والناس تستفاد وما فيش حد يقصد اى نوع من التجريح

تحياتى للجميع

[hsorogy]

التوكيل معندوش حل علشان انا كده لجأت لسؤال حضراتكم

[gagareen]

شوف حضرتك الموضوع ده:

http://www.nilemotors.net/Nile/99789-a.html

تحياتى

[khaledmontero]

علي فكرة الرد الأول من أ. عماد كان معاه حق و مغلطش في أي حد . و أنا معاه تماما .. اما أ.صاحب الموضوع التعبير عن مشكلته خانه وصور للناس ان العيب ده حاجة مستحيلة . ع العموم يا ريت الناس تتقبل رأي بعضها بصدر رحب . و ربنا مايدخل شيطان بنا و لا يجعل مابنا خلافات .. قولوا امين.

[XXXMEMOXXX]

معلش يا جماعه صاحب الموضوع مش غلطان ولا استاذ عماد غلط
بس هي الملاحظه ان الناس بتزعل من العناوين الرنانه دي عشان بتدي انطباع سيئ مش اكتر وانا معتقدش ان صاحب الموضوع في نيته اي حاجه خالص عشان يسوء سمعة العربيه,, عشان انا فعلا على قد معلوماتي ان الجزء من الكوتش اللي بيكون على جسم العربيه بيكون فعلا مقطوع من اللي جوا وملفوف برا وفعلا اكييد هياثر ومش كل العربيات اللي في المركات الاخرى بيكون كدا, في كده وفي كده
وتقريبا لو الكوتش دا اتلف واتلزق هترجع تاني وفي الموضوع اللي شار اليه gagreen في مقترحات تانيه
وان شاء الله المشكله تتحل
وعموما حصل خيير يا جماعه والحمد لله ان كل واحد تفهم التاني
تحياتي

[as01241]

شكرا يا باشا
برضه انا بقول :
.... كل عربيات البرسونا فى المعرض عزل الابواب الخلفية فى حتة مافيهاش كاوتش زى ما انا شارحها فوق
.... عربيتى انا على 130 كم لواحدى انا بس بسمع صفارة من ناحيتى و الشباك مقفول
ايه الحل؟؟
وزاى و فين؟؟؟؟؟؟؟؟؟؟؟؟؟

أستاذي الفاضل :
أنا معايا البرسونا وعندي نفس ال7 سم اللي حضرتك بتتكلم عليهم اللي مافيهومش كاوتش ومع ذلك عندي العزل تمام , يبقى ده معناه إن حضرتك عندك مشكلة في العربية في الباب اللي ورا ولازم تشوفها مع التوكيل , ومعناه بردو إن كل العربيات اللي فيها نفس ال 7 سم في الغد أو في غيره ممكن يكون مافيهومش المشكلة دي, فا المشكلة مش في حتة الكاوتشة اللي مش موجودة , ممكن تكون في حاجة تانية , في الصيانة حضرتك قولهم عليها, ربنا يوفقك

[M.almaghraby]

أستاذي الفاضل :
أنا معايا البرسونا وعندي نفس ال7 سم اللي حضرتك بتتكلم عليهم اللي مافيهومش كاوتش ومع ذلك عندي العزل تمام , يبقى ده معناه إن حضرتك عندك مشكلة في العربية في الباب اللي ورا ولازم تشوفها مع التوكيل , ومعناه بردو إن كل العربيات اللي فيها نفس ال 7 سم في الغد أو في غيره ممكن يكون مافيهومش المشكلة دي, فا المشكلة مش في حتة الكاوتشة اللي مش موجودة , ممكن تكون في حاجة تانية

كلام صحيح

[waleedfesal]

[overline] [/overline]
[overline]

[overline] [/overline]

[overline]

الى الاستاذ صاحب الموضوع

احنا هنا عشان نفيد ونستفيد من بعض عن طريق خبرة كل واحد فينا لاى مشكله واجهته فى عربيته

وانا مع حضرتك ان فى مشكله فى عربيتك وحقك انك تعرضها وكمان حقك علينا اننا نحاول نعرف معاك السبب وازاى نحلها
بس من غير العناوين الجامده واللى تخض دى
انا معايا برسونا 2009وعامله 11000كيلو
وبالنسبه لموضوع الكاوتشه اللى فى الباب اللى ورا فهى زى ما انت بتقول موجوده عندى لكن مفيش منها اى مشكله
يعنى معايا مابتعملش اى اصوات على اى سرعه
وبالنسبه للصوت اللى قدام فممكن ان الزجاج مايكونش قافل على الاخر او فى تريحه فى الباب عايزه تتظبط او نا يكون فى مشكله عندك فى عزل الباب وبرضه تتحل ان شاء الله
........على فكره صحيح........
انا اول ما اشتريت العربيه كان العزل اللى قدام سهل الفك
فكنت عايزك تفحصه يمكن يكون السبب برضه
والحل انك تشده وتضغط عليه جامد ثم تعيد تركيبه تانى فى مكانه
ومستنى ردك وان شاء الله خير

[/overline]
[/overline]