إعـــــــلان

Collapse

.

,
See more
See less

أستهلاك بروتون جين 2 للوقود

Collapse
X
 
  • Filter
  • الوقت
  • Show
Clear All
new posts

  • أستهلاك بروتون جين 2 للوقود

    نوع السيارة : جين 2
    موديل : 2007
    قوة المحرك : 1600 سي سي
    القوة الحصانية : 110 عند 6000 لفة / دقيقة
    العزم الأقصى : 148 نيوتن / متر
    السرعة القصوى : 190 كم / س
    ناقل السرعات : ناقل يدوي ذو خمسة سرعات
    ------------------------------------------------------------
    ظروف التجارب
    السيارة بها شخصين و أحيانا ثلاثة و تصل الأوزان من 150 كجم إلى 250 كجم
    الهواء و الرياح ...... محايدة ( لا ضدي و لا معايا )
    مكان التجارب ......... الطريق الدائري في أغلب الأحوال
    نوع الوقود بنزين 92 و 95 و أحيانا مخلوط
    نوعية القيادة ...... هادئة جدا .......... أو عادية ....
    سيتم التفريق لاحقا بين الاستهلاك في نوعية القيادة و نوع البنزين و الإستهلاك
    الأداء الناتج عن السيارة في كلتا الحالتين ........ لاحقا في التقرير

    ----------------------------------------------
    الإستهلاك العملي ..... التجربة الأولى
    قيادة هادئة جدا جدا ( تسارع بطئ ..... تغيير سرعات عند 3 rpm و عدد 2 شخص في السيارة حمولة حوالي 150 أو 160 كجم
    و السرعة لا تزيد عن 80 إلى 90 كم /س على الغيار الخامس
    و نوعية البنزين 95 و مخلوط على بنزين 92
    عدد اللترات هو 21 لتر بنزين 95 على 28 لتر بنزين 92
    و الإستهلاك كان 367 كم مقابل 21 لتر بنزين مخلوط
    -----------------------------------------------
    التجربة التانية
    قيادة هادئة جدا جدا
    السرعة لا تزيد عن 80 إلى 90 كم / س على الغيار الخامس
    عدد الأشخاص 3 و الوزن حوالي 250 كجم
    و نوعية البنزين 95 مخلوط على 92 و نسبة البنزين 95 حوالي 10 لتر فقط
    و الإستهلاك كان 345 كم ...... لكل 21 لتر بنزين مخلوط
    -----------------------------------------------
    التجربة الثالثة
    قيادة هادئة جدا جدا و السرعة من 80 إلى 90 كم /س على الغيار الخامس
    عدد الأشخاص 2 وزن حوالي 150 كجم
    نوعية البنزين 92 فقط
    الأستهلاك حوالي 340 كجم لكل 21 لتر بنزين 92
    ----------------------------------------------
    الأداء الناتج ....
    طبعا أداء عادي جدا و ليست فيه أي قوة بمعنى على الأداء ده مقدرش أشد مع حد أو أسابق حد
    ---------------------------------------------
    التجربة الرابعة
    قيادة عادية
    تغيير عصا السرعات عند 4000 لفة / دقيقة ...... rpm
    السرعة تتراوح ما بين 100 إلى 130 كم / س على الغيار الخامس و عداد rpm بيكون عند 3900 إلى 4000 لفة / دقيقة

    نوع البنزين 92 فقط
    الحمولة 150 كجم و هي حمولة شخصين
    الأستهلاك بيكون 250 كم لكل 21 لتر

    و الأداء الناتج عن تلك القيادة
    اداء قوي تشعر بقوة السيارة على حساب استهلاك البنزين طبعا

    قيادة داخل المدينة
    بنزين 92 فقط
    و قيادة عادية مملة
    الأستهلاك بيكون من 200 إلى 250 كم لكل 21 لتر

    و دي كانت أخر تجارب قمت بها بعد آخر موضوع فتحته عن تقييمي للجين 2 بعد فترة من الأستخدام

    و الرقم 21 ده جاء بالصدفة ........ لأني لما مونت بنزين حطيت 21 لتر و كان ده الرقم اللي فول التانك
    و تاني مرة لما العلامة وصلت تقريبا عند النصف ( قبل النصف قليلا ) فولت و برضه المسدس بتاع البنزين وقف و كان 21 لتر و تالت مرة نفس الرقم عند نفس موضع المؤشر

    [img2]http://i59.tinypic.com/2vxpukz.jpg[/img2]

  • #2
    سؤال انا عارف انه كل لما متور العربيه بيكبر بيزيد استهلاك البنزين يعني مثلا موتور 1300 سي سي موفر عن موتور 1600 سي سي بس المقدار عاده بيكون كبير بجد الموضوع شاغلني جدا
    و عايز حد يجاوبني و اكيد فيه مواتير 1600 سي سي بتكون موفره عن غيرها برضه بالرغم من ان عربيتي 2000 سي سي بتشرب و بتاكل و بتستحمي و بتنام كل حاجه مش قادر اوصف اد ايه البيجو 504 بلاعه بنزين و بدعي ربنا يكرمني بعربيه موفره لان مشاويري كتير و بعدين المشكله عندي لما اشتري عربيه جديده بدور علي التوفير و كمان متور يكون بيشد طيب في عربيه فيهم الحاجتين دول اسف علي الاطاله جاوب يا عم توت و انا عارف اني دايمان بتقل عليك
    علي فكره انا عملت نقل لكلامي ده من قسم المقارانات عشان انت تجاوبني لاني شايف انك ممكن تفيدني ودا رابط الموضوع
    [COLOR=RED] [CENTER][SIGPIC][/SIGPIC]

    [/CENTER]
    [/COLOR]

    Comment


    • #3
      المشاركة الأصلية كتبت بواسطة ASD peugeot مشاهدة المشاركة
      سؤال انا عارف انه كل لما متور العربيه بيكبر بيزيد استهلاك البنزين يعني مثلا موتور 1300 سي سي موفر عن موتور 1600 سي سي بس المقدار عاده بيكون كبير بجد الموضوع شاغلني جدا
      و عايز حد يجاوبني و اكيد فيه مواتير 1600 سي سي بتكون موفره عن غيرها برضه بالرغم من ان عربيتي 2000 سي سي بتشرب و بتاكل و بتستحمي و بتنام كل حاجه مش قادر اوصف اد ايه البيجو 504 بلاعه بنزين و بدعي ربنا يكرمني بعربيه موفره لان مشاويري كتير و بعدين المشكله عندي لما اشتري عربيه جديده بدور علي التوفير و كمان متور يكون بيشد طيب في عربيه فيهم الحاجتين دول اسف علي الاطاله جاوب يا عم توت و انا عارف اني دايمان بتقل عليك
      علي فكره انا عملت نقل لكلامي ده من قسم المقارانات عشان انت تجاوبني لاني شايف انك ممكن تفيدني ودا رابط الموضوع
      http://www.nilemotors.net/Nile/showt...t=17005&page=3


      بدون ادنى شك إن السيارات ذات المحرك 1300 أفضل كثيرا في إستهلاك الوقود خصوصا في قيادة المدينة و التوقف الكثير
      و انا شرحت التجارب السابقة في توفير البنزين على أساس القيادة الهادئة تماما
      و لكن ممكن تحصل على نفس النتائج مع سيارة 1300 و بالقيادة العادية و ليست الهادئة و أيضا ليست العنيفة
      و تكمن الميزة الموجودة في السيارات ال 1600 في القوة التي تحتاجها إذا كنت تسافر كثيرا أو سيارتك دائما محملة بأوزان ثقيلة

      و برضه في نقطة لازم تأخد بالك منها
      إن الوصف بتاعي يختلف من سيارة لأخرى حسب نوعية المحرك
      يعني مثلا النيسان صني و بروتون واجا محركات من نوع SOHC
      أما محرك الجين 2 من نوع DOHC
      و طبعا النوع الأول متعرفش تعمل الطريقة دي معاه علشان هو أصلا بيطلع كل قوته على عدد لفات قليل مما يساعد على قيادة المدينة
      يعني بمعنى أصح بيريح و أنت سايق على سرعات منخفضة و تجميعه بيقل و أنت على سرعات عالية بعكس محركات DOHC و اللي منها محرك الجين 2 و الأوبل أسترا و التي تعطيك قوة اكثر على سرعات عالية

      و النصيحة لو أنت عايز حاجة بتوفر في البنزين و قوتها معقولة جدا ............ يبقى عندك الياريس لو أنت متقبل سعرها المرتفع و شكلها ........... و عندك الهوندا سيتي ( ممتازة )
      و أنا تحت أمرك يا جميل في أي سؤال


      [img2]http://i59.tinypic.com/2vxpukz.jpg[/img2]

      Comment


      • #4
        الف الف شكر يا توت بجد موضوع مفيد
        [CENTER]الحمد لله[/CENTER]
        [CENTER] [/CENTER]
        [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

        Comment


        • #5
          و بعدين المشكله عندي لما اشتري عربيه جديده بدور علي التوفير و كمان متور يكون بيشد طيب في عربيه فيهم الحاجتين دول

          معلش لم الاحظ هذه الجملة

          شرحي السابق يقولك إن العربية الجين 2 بتديك الأثنين دول مع بعض
          يعني لو أنت عايز توفر في البنزين أمشي واحدة واحدة و على سرعة 90 و قيادة هادئة و بكدا توفر في البنزين
          و لما تعوز تشد و تدوس ......... موجودة برضه
          و شكرا

          الف الف شكر يا توت بجد موضوع مفيد
          منور يا فهد و الله و العفو يا جميل
          [img2]http://i59.tinypic.com/2vxpukz.jpg[/img2]

          Comment


          • #6
            a normal 504
            13-15L/100 km in city
            7-9L/100 km highway

            Comment


            • #7
              اخي توت اولاً الفين شكرا على الموضوع رائع زي كل موضوعاتك

              هو البنزين 95 اوفر معاك ولا 92 وازاي تقدر تحسب الارقام دي بظبط

              367 كم
              و
              345 ك
              و
              340 كجم
              وعلى ما اعتقد ان 95 اقل استهلاكاً في البنزين والاسرع ولكن اغلى تمناً

              وال 92 اوفر في الفلوس واكثر استهلاكاً

              هل كلامي صحيح
              [CENTER][SIGPIC][/SIGPIC][/CENTER]

              Comment


              • #8
                السلام عليكم يا بورت باشا

                أنا عامل ملف للعربية منذ يوم شرائها و حتى يومنا هذا و مثله للبونتو

                يعني بفول البنزين و احسب أنا مشيت أد أيه
                و بعدين أرجع أحط بنزين تاني بنفس الكمية و عند موضع المؤشر الثابت في رأسي
                يعني أنا معلم علامة في عداد البنزين و اول ما توصل للعلامة أروح ممون و بأطلب من عامل محطة البنزين إن أول ما المسدس يقف ....... هو كمان يقف و يوقف التموين
                و كل مرة المسدس بيقف عند 20.8 أو 20.5 أو 20.9 و مرة كان عند 21 بالظبط
                يعني هو عدد لترات البنزين تقريبي جدا
                و بصراحة من الواضح إن بنزين 95 أحسن في الإستهلاك و لكني و بكل أمانة مش ملاحظ لسة فرق كبير في الأداء
                و أديني بجرب و انقل تجربتي للأعضاء
                [img2]http://i59.tinypic.com/2vxpukz.jpg[/img2]

                Comment


                • #9
                  اية يا عم الحاجات الحلوة و التحف دى
                  مجهود جميل تستحق كل الشكر علية
                  بس لية ملحوظة هل معنى ذلك ان الجين 2 مع القيادة التى بين 80 الى 90 بتعمل تقريبا فى الصفيحة فى المتوسط 330 كيلو فهل ممكن محرك 1600 يعمل المتوسط دة
                  و طبعا انا لاحظت انك جربتها اكثر من مرة
                  الحاجة التانية انا بعد ما جربت البنزين 95 و لى مدة بمون 95 ملاحظ فرق فى الإستهلاك لصالح ال 95 و ايضا سرعتى ما بين 85 الى 90 فهل انت ايضا لاحظت هذا معك ام انك تفضل الخلط بين 95 و 92 و لو كان هذا فما هى النسبة التى تفضلها
                  و اخيرا ربنا يباركلك فى سيارتك و يحفظكما من كل مكروة
                  [CENTER][FONT=Arial][SIZE=4][COLOR=royalblue][B]مـمـدوح [/B][/COLOR][/SIZE][/FONT][/CENTER]

                  [CENTER][URL="http://img232.imageshack.us/i/sobhan.jpg/"][IMG]http://img232.imageshack.us/img232/9894/sobhan.jpg[/IMG][/URL]

                  Uploaded with [URL="http://imageshack.us"]ImageShack.us[/URL][/CENTER]

                  Comment


                  • #10
                    شكراً اخي توت جداً
                    [CENTER][SIGPIC][/SIGPIC][/CENTER]

                    Comment


                    • #11
                      المشاركة الأصلية كتبت بواسطة douha_wise مشاهدة المشاركة
                      اية يا عم الحاجات الحلوة و التحف دى
                      مجهود جميل تستحق كل الشكر علية
                      بس لية ملحوظة هل معنى ذلك ان الجين 2 مع القيادة التى بين 80 الى 90 بتعمل تقريبا فى الصفيحة فى المتوسط 330 كيلو فهل ممكن محرك 1600 يعمل المتوسط دة
                      و طبعا انا لاحظت انك جربتها اكثر من مرة
                      الحاجة التانية انا بعد ما جربت البنزين 95 و لى مدة بمون 95 ملاحظ فرق فى الإستهلاك لصالح ال 95 و ايضا سرعتى ما بين 85 الى 90 فهل انت ايضا لاحظت هذا معك ام انك تفضل الخلط بين 95 و 92 و لو كان هذا فما هى النسبة التى تفضلها
                      و اخيرا ربنا يباركلك فى سيارتك و يحفظكما من كل مكروة

                      ممدوح باشا نورتنا في قسم البروتون
                      بالنسبة للبنزين ........ هي مش مسألة إن أنا بحب أخلط و لكن بأخلط غصب إن عني لما أكون محتاج بنزين و ملقيش بنزين 95
                      و بصراحة مش ملاحظ فرق كبير قوي في الأداء ما بين نوعية البنزينين
                      و ربنا يبارك فيك و يبارك في عربيتك و يحفظكما من كل مكروه
                      و بالنسبة للإستهلاك أنا نفسي مكنتش مصدق بصراحة
                      و لكن علشان أوصل للمعدل ده لازم أسوق هادي جدا جدا جدا جدا جدا ............ فوق ما تتصور
                      يعني ممكن علبال ما أطلع على سرعة 90 أكون أخدت حوالي 50 ثانية
                      و بأثبت عليها و ألاقي كمبيوتر العربية يزود عدد الكيلومترات الممكن قطعها بحسب كمية البنزين الموجودة في التانك و ده المؤشر بتاعي و أعرف أمتى اهدي و أمتى ادوس
                      و أول ما أدوس ألاقي الكمبيوتر نزل عدد الكيلومترات كتير
                      يعني لازم أكون هادي جدا جدا علشان أوفر في البنزين
                      و بصراحة أنا أصلا سواقتي هادية و فرحت جدا لما اكتشفت طريقة توفير البنزين دي لأن زي ما أنت عارف البنزين غالي و الدنيا عمالة تغلى كل يوم
                      و لازم الواحد يوفق ظروفه و أيضا يحافظ على البيئة من التلوث

                      شكراً اخي توت جداً

                      العفو يا بورت يا حبيبي و أنت تأمر
                      [img2]http://i59.tinypic.com/2vxpukz.jpg[/img2]

                      Comment


                      • #12
                        موضوع ممتاز شكراَ
                        [SIGPIC]http://imageshack.com/a/img838/5746/61n6.jpg[/SIGPIC]

                        Comment


                        • #13
                          المشاركة الأصلية كتبت بواسطة CAMARO مشاهدة المشاركة
                          موضوع ممتاز شكراَ

                          العفو و أنا في خدمة معجبين بروتون و زوار المنتدى كله :)
                          [img2]http://i59.tinypic.com/2vxpukz.jpg[/img2]

                          Comment


                          • #14
                            شكرا يا عم توت و ربنا يخليك للمنتدي ومن الاستفاده من تجاربك المفيده بس باين من كلامك انه اللي عاوز توفير للبنزين لازم مع المحرك اي كان 1300 سي سي او 1600 نوع سواقته لان لو سواقته عنيفه و بيحرق علي الغيارات النتيجه هتكون زياده في سحب البنزين عن المعدل الطبيعي
                            وبعدين سؤالي المهم من وجهه نظرك العربيات فئه 1600 سي سي استهلاك البنزين بيكون واحد ولاا بيكون الفرق كبير بين عربيه و التانيه بالرغم ان الموتور حجمه واحد
                            السؤال التاني المعدل بيكون كبير بين المواتير 1300 سي سي و 1600 سي سي و لو الطريق بيكون سريع يعني 90 \100 بيكون فيه فرق الاستهلاك ما بنهم واضح ولاا واحد
                            انا اسف اني تعبك معايا و ممكن اكون مقرر سؤال بس بجد محتاج الرد ...وشكرا ليك بجد
                            [COLOR=RED] [CENTER][SIGPIC][/SIGPIC]

                            [/CENTER]
                            [/COLOR]

                            Comment


                            • #15
                              المشاركة الأصلية كتبت بواسطة ASD peugeot مشاهدة المشاركة
                              شكرا يا عم توت و ربنا يخليك للمنتدي ومن الاستفاده من تجاربك المفيده بس باين من كلامك انه اللي عاوز توفير للبنزين لازم مع المحرك اي كان 1300 سي سي او 1600 نوع سواقته لان لو سواقته عنيفه و بيحرق علي الغيارات النتيجه هتكون زياده في سحب البنزين عن المعدل الطبيعي
                              وبعدين سؤالي المهم من وجهه نظرك العربيات فئه 1600 سي سي استهلاك البنزين بيكون واحد ولاا بيكون الفرق كبير بين عربيه و التانيه بالرغم ان الموتور حجمه واحد
                              السؤال التاني المعدل بيكون كبير بين المواتير 1300 سي سي و 1600 سي سي و لو الطريق بيكون سريع يعني 90 \100 بيكون فيه فرق الاستهلاك ما بنهم واضح ولاا واحد
                              انا اسف اني تعبك معايا و ممكن اكون مقرر سؤال بس بجد محتاج الرد ...وشكرا ليك بجد


                              عموما محركات 1300 بتوفر عن 1600
                              و لنفرض إني بسوق عربيتين بنفس الطريقة
                              واحدة 1300 و الأخرى 1600
                              طبعا التوفير سيكون لل 1300
                              بس خلي بالك إن أنا مقدرش أعمل طريقتي اللي أنا شرحتها في عربية 1300 بمحرك SOHC , لا حتى 1600 من نفس المحرك
                              يعني مثلا
                              أنت بتقول عربيتين موتورهم ذو قوة واحدة 1600 مثلا
                              لاءة طبعا ممكن يكون فيه أختلاف
                              يعني لو محرك SOHC عمره ما هايوفر في البنزين بالطريقة اللي أنا متبعها علشان هو أصلا بيطلع كل قوته على عدد لفات صغير
                              أما المحرك من نوعية DOHC هو اللي ينفع أعمل معاه كدا علشان بيطلع كل قوته على عدد لفات كبير و بالتالي أنا بألعب في الحتة دي
                              لو عايز أوفر في البنزين ......... أخد نصف قوة المحرك فقط .......... بعدم الطلوع بسرعته أكثر من 3000 لفة في الدقيقة
                              و مثالي هنا هايكون على عربيتين بروتون
                              جين 2 ........ بمحرك كامبروا ....... نوعية DOHC
                              واجا .......... محرك ميتسوبيشي ...... نوعية SOHC

                              و الملاحظ أن محركات الجين بتوفر عن الواجا و لكن الواجا أقوى في الطلوع الأول و بعد 80 أو 90 كم مش بتشوف الجين 2
                              و ده لأن محرك الواجا بيجمع كل قوته عند سرعات قليلة و بعدين يبدأ يضعف زي محرك النيسان صني مثلا
                              اما محرك الجين 2 بيدي قوته عند سرعات عالية مما يجعل تجميعه عند السرعات العالية أقوى و هناك محرك مماثل من أوبل أسترا

                              يبقى برضه فيه فروق و إن كانت مش كبيرة قوي في السواقة العادية
                              و ممكن تفرق في السواقة الهادية ما بين نوعية المحركين و أيضا حسب التكنولوجيا المركبة في المحرك

                              أنظر إلى هذا الموضوع أخي الكريم علك تستفيد


                              [img2]http://i59.tinypic.com/2vxpukz.jpg[/img2]

                              Comment

                              Working...
                              X