إعـــــــلان

Collapse

.

,
See more
See less

نريد تقييم أصحاب الجين 2 فقط

Collapse
X
 
  • Filter
  • الوقت
  • Show
Clear All
new posts

  • نريد تقييم أصحاب الجين 2 فقط

    فتحت هذا الموضوع عن كثرة القيل و القال من الناس على السيارة بروتون جين 2
    و المثير في هذا الموضوع إن الناس لم تُجربها
    لذلك من فضلكم
    لأصحاب الجين فقط ..... و سنرى أسماء المصوتين
    لذلك للأمانة ........... أصحاب الجين 2 فقط يدخلوا يقولوا رأيهم
    و نريد الأمانة الشديدة من أصحاب السيارة حتى ينتفع من الرأي من يريد شرائها


    255
    أنا راضي و هي ممتازة
    0%
    109
    أنا راضي و هي جيدة جدا
    0%
    93
    أنا راضي و هي جيدة
    0%
    29
    أنا غير راضي و هي سيارة سيئة
    0%
    24
    [img2]http://i59.tinypic.com/2vxpukz.jpg[/img2]

  • #2
    انا مش من اصحاب السيارة و لم اصوت .

    بس انا راضي ان انت راضي :)

    Comment


    • #3
      أنا قمت بالتصويت
      و أخترت ........ أنا راضي عن السيارة و هي ممتازة
      و هذا للأسباب الآتية
      السيارة لم تخذلني أبدا
      السيارة محركها ما شاء الله و لا حول و لا قوة إلا بالله
      لو عايز توفر في البنزين تمشي براحتك و بتعمل حوالي 13 كم / لتر بنزين
      و لو عايز تشد و تجري .......... دوس و متخافش فهي مصممة لذلك

      السيارة مريحة في القيادة
      السيارة بها كماليات تُسهل عليك قيادتك للسيارة
      شنطة واسعة
      أتزان رهيب ........... أكثر من رائعة
      تحميل السيارة بالركاب و الشنط .......... لا يؤثر على السيارة اطلاقا بمحركها ما شاء الله .... قوي و جبار
      أبعاد العربية سهلة و يتم التعود عليها في وقت قصير جدا
      تابلوه ذو تصميم رائع و العدادات أكثر من رائعة وواضحة و جميلة الشكل
      الشكل الخُرافي الجميل للسيارة
      تبريد المحرك ..................................... رائع ...رائع ....رائع
      تسخين المحرك صباحا .......... ممتاز .... و في خلال دقيقة واحدة بيكون جاهز للتحرك ( تقديري الشخصي ) و حسب التجربة

      العيب الوحيد اللي في العربية دي
      هو جودة التقفيل النهائي لمكونات الصالون
      و هذا ليس عيب لأنه لا يؤثر على عمل السيارة إطلاقا
      و هذا كان رأيي الشخصي البحت و منتظرين آراء بقية المُلاك للجين 2
      و شكرا لكم جميعا و أرجوا أن يكون هذا الموضوع مُفيد للأخوة الذين يريدون شراء السيارة



      [img2]http://i59.tinypic.com/2vxpukz.jpg[/img2]

      Comment


      • #4
        المشاركة الأصلية كتبت بواسطة CryptonX مشاهدة المشاركة
        انا مش من اصحاب السيارة و لم اصوت .

        بس انا راضي ان انت راضي :)


        أيه يا عم كريبتون النور ده ......... منتدى بروتون نور بيك
        و الله يكرمك يا سيدي .......... أنت راجل مُحترم
        بس فين صورتك الكريمة و الله كانت منورة .... أنت شلتها ليه ؟؟؟
        [img2]http://i59.tinypic.com/2vxpukz.jpg[/img2]

        Comment


        • #5
          يا نهار أبيض ,,,,,,,,,, الموضوع مفتوح بقالة يومين
          و محدش من أصحاب الجين 2 دخل يقول تقييمه للعربية :o :o
          أيه يا جدعان هو أنا بس اللي عندي جين 2 و لا أيه ؟؟؟؟
          فين الناس ..... ؟؟؟
          إظهر و بان عليك الأمان ........... :D :D
          [img2]http://i59.tinypic.com/2vxpukz.jpg[/img2]

          Comment


          • #6
            معلش أنا مش من أصحاب الجين 2 .. بس أنا صوت بناء على أنها موجودة مع واحد قريبي وهو بيشكر فيها جدا جداً .. عذراً لأني صوت قبل ما أقراً تفاصيل الموضوع. نسيت أقول أني ركبت العربية وجربتها وحسيت أد أيه هيه مريحة وسحبها جميل جداً. وربنا يبارك للي معاه ويديله خيرها ويكفيه شرها.
            لله الأمر من قبل ومن بعد ...

            Comment


            • #7
              المشاركة الأصلية كتبت بواسطة tutankhamoun مشاهدة المشاركة


              أيه يا عم كريبتون النور ده ......... منتدى بروتون نور بيك
              و الله يكرمك يا سيدي .......... أنت راجل مُحترم
              بس فين صورتك الكريمة و الله كانت منورة .... أنت شلتها ليه ؟؟؟
              علشان المعاكسات و كدة .. انت عارف بقى XD

              لآ دنت كنت بجرب احط صورة متحركة .. و منفعتش .. كسلت ارجع الصورة تاني .. جيت ارجهعا دلوقي ملقتهاش :)

              بعدين بقى :)

              Comment


              • #8
                انا بصراحة حاسس ان حكمى على العربية موش هايبقى فى محله خاصة انى عامل 1300 كلم بس
                عموما هى عربية جميله جدا بس عيبها التقفيل
                وبعدين العربية دى حلوة عشلان انت راكبها يا توت و احتمال مزاجنجى يركبها و تبقى كملت كده
                [CENTER][SIZE="6"]لا اله الا انت سبحانك انى كنت من الظالمين[/SIZE][/CENTER]

                Comment


                • #9
                  المشاركة الأصلية كتبت بواسطة ahmedsiyam مشاهدة المشاركة
                  وبعدين العربية دى حلوة عشلان انت راكبها يا توت و احتمال مزاجنجى يركبها و تبقى كملت كده

                  الله يكرمك يا باشا ....... ده من ذوقك
                  خلاص أستنى شوية لما تعدي 2000 أو 3000 كم و أبقى صوت
                  علشان لما الموتور بيليم بتحس أن ادائه بيرتفع تدريجيا و ده اللي حصل معايا
                  أداء العربية في الأول لا يُقارن بأدائها دلوقتي
                  و ربنا يباركلك في العربية
                  و معلش أنت حضظك جه كدا .......... مع أن موديلات 2007 و 2008 مفيهاش عيوب تقفيل
                  [img2]http://i59.tinypic.com/2vxpukz.jpg[/img2]

                  Comment


                  • #10
                    الحمدالله
                    استلمت امبارح الجين 2 مانوال سودة مش سبورت باكدج ورجعت بيها على طريق سفر من القاهرة لبنى سويف فى حدود 120 كيلو وطبعا على سرعة ماعدتش 100 على حسب تنبيهاتهم والعربية بأمانة زى الفل فى كل حاجة حتى الان بدون اى مشاكل نهائى حتى الان والصراحة محستش اوى بالفجوة اللى بيتكلموا عليها معئنى طول الطريق اقل من 3 ار بى ام اللهم ان الفتيس تقيل اوى فى نقالاته عايز مجهود شوية وان شاء الله بعد ماعمل بيها مدة اطول هعمل تقرير عن اخباراها معايا بس الحمدالله مفيش اى مشاكل ظهرت حتى الان وعلى فكرة الناس فى التوكيل المعاملة كانت تمام جدا

                    Comment


                    • #11
                      المشاركة الأصلية كتبت بواسطة ahmedmokhtar مشاهدة المشاركة
                      الحمدالله
                      استلمت امبارح الجين 2 مانوال سودة مش سبورت باكدج ورجعت بيها على طريق سفر من القاهرة لبنى سويف فى حدود 120 كيلو وطبعا على سرعة ماعدتش 100 على حسب تنبيهاتهم والعربية بأمانة زى الفل فى كل حاجة حتى الان بدون اى مشاكل نهائى حتى الان والصراحة محستش اوى بالفجوة اللى بيتكلموا عليها معئنى طول الطريق اقل من 3 ار بى ام اللهم ان الفتيس تقيل اوى فى نقالاته عايز مجهود شوية وان شاء الله بعد ماعمل بيها مدة اطول هعمل تقرير عن اخباراها معايا بس الحمدالله مفيش اى مشاكل ظهرت حتى الان وعلى فكرة الناس فى التوكيل المعاملة كانت تمام جدا

                      أولا مبروك يا أستاذ أحمد عربيتك الجديدة
                      أحنا لازم نصرفلك كارت العضوية الذهبي لأعضاء نادي بروتون الملكي :arghh: :arghh:

                      الفتيس تقيل علشان لسة في الأول .......... لما تعدي فترة التليين بتلاقيه خف شوية
                      و بعدين أصل فتحة النقلات صغيرة فمحتاج حضرتك تتعود عليها علشان هتلاقي إن المسافة بين النقلات مش كبيرة و ده راجع إن التصميم بتاعة رياضي
                      و تحياتي لك .......... و مبروك .......... و خلي بالك في فترة التليين
                      بلاش تكييف خالص .......... و بلاش تسارع بالعربية
                      [img2]http://i59.tinypic.com/2vxpukz.jpg[/img2]

                      Comment


                      • #12
                        انا بس حبيت اقول كلمتين ان انا حبيت جين 2 عشان خاطر كلام الاستاذ توت عنخ امون عن السياره و اد ايه هو بيحبها و بيدافع ضد اي هجوم عليها
                        تاني حاجه من زمان عاوز اقوله ان بحب التوقيع بتاعه جدا بس انت زودت الماتركس مش فاهم قصدك ايه
                        وبعدين انا عاوزك تقولي الماركه بتفرق جامد يعني بروتون مش معروفه زي بيجو اوبل
                        هل بتفرق معاك اسم الماركه لانها فارقه معايا جدا لان اسم ماركه مثلا زي البيجو ليها تاريخ و سمعه و عربيات اعتماديتها عاليه جدا لكن البروتون مين بس اللي سمع عنها
                        تقبل تحياتي ليك
                        [COLOR=RED] [CENTER][SIGPIC][/SIGPIC]

                        [/CENTER]
                        [/COLOR]

                        Comment


                        • #13
                          الاخ ASD peugeot
                          طبعا الماركات اللى انت بتتكلم عنها و خاصة البيجو ليها احترامها و اعتماديتها بس حط فى اعتبارك ان بروتون فى سنوات قليلة عملت عربيات محترمة جدا و لسه بتاخد فرصتها و ان كانت اثبتت بجدارة انها هايكون لها باع طويل جدا فى مجال صناعة السيارات

                          الاخ ahmedmokhtar

                          الف مبروك يا ابو حميد و ربنا يكرمك ان شاء الله
                          انا بس مستغرب كلامك على موضوع التليين لان الاخ اللى سلمنى العربية قالى اعمل اللى نفسك فيه العربية متلينة و جاهزة على الشغل العالى
                          و مع ذلك انا ماقرصتش خالص على العربية بس استدخمت التكييف عادى و طبعا مع الاستخدام ظهر العيوب اللى فيه و ده الكلام اللى قاله الراجل بتاع المبيعات
                          قالى استخدم التكييف و العربية عادى جدا علشان و انت بتعمل صيانة الـ 1000 تقدر تراجع المشاكل اللى فى عربيتك زيى مايكون الراجل كان قلبه حاسس
                          عموما اى حد و هو بيبيع هايبقى حلو و شيك جدا بس و انت بتعمل الصيانة هتلاقى حاجة تانية و نصيحة يا ابن الحلال ابقى حمرلهم عنيك شوية علشان حقك مايروحش
                          و ان شاء الله العربية تطلع زيى الفل زيك كده و تروح تعمل صيانة الـ 1000 العادية بدون ملاحظات

                          الاخ توت

                          انا فعلا هاستنى لحد لما اعمل صيانة الـ 5000 و اقيم العربية من اول و جديد و تقريبا انا موش هاصوت بس انا هاصوت و الم الناس كلها
                          [CENTER][SIZE="6"]لا اله الا انت سبحانك انى كنت من الظالمين[/SIZE][/CENTER]

                          Comment


                          • #14
                            المشاركة الأصلية كتبت بواسطة ASD peugeot مشاهدة المشاركة
                            انا بس حبيت اقول كلمتين ان انا حبيت جين 2 عشان خاطر كلام الاستاذ توت عنخ امون عن السياره و اد ايه هو بيحبها و بيدافع ضد اي هجوم عليها
                            تاني حاجه من زمان عاوز اقوله ان بحب التوقيع بتاعه جدا بس انت زودت الماتركس مش فاهم قصدك ايه
                            وبعدين انا عاوزك تقولي الماركه بتفرق جامد يعني بروتون مش معروفه زي بيجو اوبل
                            هل بتفرق معاك اسم الماركه لانها فارقه معايا جدا لان اسم ماركه مثلا زي البيجو ليها تاريخ و سمعه و عربيات اعتماديتها عاليه جدا لكن البروتون مين بس اللي سمع عنها
                            تقبل تحياتي ليك
                            أسد البيجو ............. منور و تحياتي لك
                            و الحمد لله إن حضرتك حبيت العربية بسبب كلامي ..بس هي تستاهل تتحب
                            و بالنسبة لتوقيعي ...... الماتركس دي يا سيدي هي : -
                            عارف فيلم ماتركس ......... بتاع الدكتور مورفيوس و البت ترينتي و الواد نيو ......... و نيو ده هو بطل الفيلم
                            و لو عايز تفاصيل أكتر ........ أقولك بس أكيد حضرتك أفتكرت الفيلم .... صح ؟
                            بالنسبة للماركات
                            بص يا أسد باشا
                            ماركة بيجو لها صولات و جولات في مصر و بتصنع سيارات ممتازة
                            و لكن هل موقعهم في السوق دلوقتي زي موقعهم في السوق في السبعينيات و الثمانينات ؟؟؟
                            طبعا لا
                            تعالى نرجع شوية سنين لورا
                            في الثمانينات و السبعينيات
                            مكنش فيه حاجة أسمها ياباني ........ و الناس كانت بتعتبره ورق و عربيات أي كلام
                            و بعدين دخل الكوري ....... و نفس القصة لم يكن له أي أسم
                            تعالى شوف دلوقتي
                            الياباني و الكوري مسيطيرين سيطرة تامة على سوق السيارات في مصر
                            و لو الناس مكنتش أديتها فرصة في الأول و جربت تشتري مكنتش هتلاقي حد في المنتدى هنا بيقول الكلمة المشهورة
                            دي ياباني ؟؟؟
                            و لو مشينا بالتاريخ بس
                            يبقى مش هاتلاقي في مصر غير فيات و بيجو ...... و اللي مقتدر هايجيب مرسيدس
                            و خلص الكلام
                            إنما علشان الناس بتجرب و تشوف الجديد بتلاقي حاجات جديدة بتظهر و بتثبت كفائتها و بتثبت إعتماديتها أو بتنافس في فئة سعرية كويسة و بتجذب الناس لها
                            نيجي بقى لبروتون
                            بروتون ماركة ماليزية تم بناء المصنع و بداية الإنتاج تقريبا عام 1981 أو 1983
                            المهم بدأ الإنتاج بعقد شراكة مع ميتسوبيشي اليابانية بعد أن تم تأسيس الشركة اليابانية عام 1973 و مكنش الفرق كبير بينهم فأشتركت ميتسوبيشي لتقديم موديلات تحت إسم بروتون و بتعاون كامل من ميتسوبيشي
                            و بدأ الإنتاج و كانت إتفاقية التعاون بين بروتون و ميتسوبيشي أنه لا يُسمح لليابانية بتصدير إي سيارة ميتسوبيشي إلى ماليزيا حتى يتسنى للمنتج الجديد المنافسة في السوق الماليزي المحلي
                            و مكان هذا التعاون مفيد جدا لبروتون خصوصا إن ميتسوبيشي شركة جديدة في عالم السيارات و لكن لها إمكانيات ضخمة و خبرة كبيرة في عالم الميكانيكا حيث أنها كانت أحد الصناعيني الأساسيين للطائرات الحربية للجيش الياباني في الحرب العالمية الثانية
                            و في بدايات الإنتاج كان يتم إستيراد كافة القطع و المكونات من اليابان و تدريجيا كان يتم إستبدال المكونات الياباني بمكونات ماليزي حتى تم ذلك في وقت قصير جدا و هو حوالي 8 سنوات
                            و أصبحت ماليزيا ( بروتون ) تنتج سيارات ميتسوبيشي تحت إسم مختلف و خاص ببروتون و مكونات ماليزية تماما
                            و جاءت لحظة الإنفصال عن ميتسوبيشي و لكن هذا الإنفصال لم يلاحقه إنفصال في التعاون التكنولوجي و استمر التعاون بينهم لمدة طويلة إلى أن أشترت بروتون شركة لوتس الإنجليزية لتصنيع المحركات الرياضية و السيارات الرياضية بوجه عام
                            و خرجت أول سيارة من تصميم بروتون بالتعاون مع لوتس و كانت الواجا و لكنهم كانوا في منتصف الطريق لصناعة محرك
                            فقاموا بشراء تصميم محرك من ميتسوبيشي و هو المحرك الخاص باللانسر
                            و طبعا أداء السيارة مختلف عن أداء اللانسر لأنها أثقل منها و صاجها أقوى
                            المهم و بعد إنهاء العمل في المحرك كامبروا مع لوتس الإنجليزية تم إنتاج و تصميم ثاني سيارة من بروتون و هي جين 2 و تم تقديم أول سيارة ماليزية بالكامل
                            و يتم بيع الإنتاج الماليزي من بروتون في المملكة المتحدة ( بريطانيا ) و أثبتت شركة بروتون جودة إنتاجها و عدم وجود أعطال ميكانيكية في سيارتها إطلاقا
                            فلم أسمع و لا شكوى واحدة من ناحية المحركات
                            و أنحصرت كل الشكاوى في التقفيل و ليس الصناعة
                            و لذلك هذه الماركة تستاهل و أنا بصراحة فرحان بهم جدا لسببين
                            أولا بينتجوا إنتاج كويس و لما بتشتريه مش بترمي فلوسك في الأرض
                            و ثانيا هما مسلمين و هي أول شركة إسلامية تقدم إنتاج سيارة من دولة إسلامية بالكامل و تعتبر الماركة الإسلامية الوحيدة الموجودة على وجه الكرة الأرضية و هذا بخلاف المصانع الموجودة في الدول الأخرى التي تقوم بالتجميع أو اعادة تقفيل سيارات قديمة الموديل مثل إيران و تركيا
                            و طبعا مصر و الدول العربية ........... إنسى يا عمرو ( على رأي اعلان جهينة )
                            و بالنسبة لسؤال حضرتك الأخير
                            هي البروتون بس مين اللي سمع عنها ؟؟
                            أنا هاجوبك
                            سنة 1990 ...... كان مين بس اللي سمع عن هيونداي و كيا و دايو

                            و أوائل الثمانيات ... هو كان مين اللي سمع عن الياباني كله ؟؟

                            و برضة في أوائل الثمانيات .... هو كان فيه حد بيثق في أوبل أو أي ماركة أوروبية غير .......... فيات و بيجو و مرسيدس و ممكن فولفو ............

                            و تدور عجلة الزمان ................. أخوك توت
                            [img2]http://i59.tinypic.com/2vxpukz.jpg[/img2]

                            Comment


                            • #15
                              المشاركة الأصلية كتبت بواسطة ahmedsiyam مشاهدة المشاركة
                              الاخ توت

                              انا فعلا هاستنى لحد لما اعمل صيانة الـ 5000 و اقيم العربية من اول و جديد و تقريبا انا موش هاصوت بس انا هاصوت و الم الناس كلها


                              ألوم عليك يا أستاذ أحمد الإنصياع وراء كلام الأخوة في معرض عز العرب
                              ازاي يعني العربية متلينة جاهز

                              في كتالوج السيارة ....... إذا حضرتك راجعته
                              هتلاقيهم كاتبين ......... فترة التليين هي أول 1000 كم
                              و كاتبين السرعات التي يجب أن تسير عليها و يجب عدم تجاوزها

                              المهم الحمد لله ............ و حصل خير
                              و إن شاء الله العربية تبقى زي الفل و متخافش
                              و النبي لما تيجي تصوت ......... أبقى صوت براحة .........

                              و تحياتي الحارة لك يا باشا
                              [img2]http://i59.tinypic.com/2vxpukz.jpg[/img2]

                              Comment

                              Working...
                              X