انا عندي جوليت

[ramysultan]

ياجماعه هو ليه مفيش حد جايب سيره عن العربيه دي خالص..........

علي العموم انا لسه شاريها موديل 2000 والحمدد لله حالتها حلوه بس اول ماشتريتها كان كل اللي مضايقني ان الكشافات بتاعتها ضعيفه جدا جدا جدا لدرجه اني ماكنتش بنورها اصلا.
لغايه لما رحت لكهربائي وركب كتاود وغير اللمبات ل 200 وات المهم اشتغلت حلو لفتره بس رجعت تضعف تاني مش زي الاول بس تعتبر ضعيفه غير ان في حاجه تاني انه ذراع ال Malti Function بيسخن جدا....
ياريت حد يفيدني ولو فيه عيوب تانيه عشان اقدر اتفاداها ..............

ولكم جزيل الشكر لاصحاب هذا المنتدي الجميل

[mina_ramsis]

ممكن الكاتاوت يكون باظ و ماتتأخرش عليه علشان مايبوظ الدراع علشان الدراع ده غالى

[الصاوي]

ممكن الكاتاوت يكون باظ

فعلا و ركب كتاوت كوري

[ramysultan]

اشكركم علي ردكم واهتمامكم

اشكركم علي ردكم واهتمامكم انا فعلا شكيت في كده لان التور رجع زي الاول ان شاء الله هاروح للكهربائي تاني ........

بس برده انا عاوز اعرف اذا كان في عيوب تاني ممكن اقدر اتفاداها ولا لا

[sab3aawy]

الجولييت هى اللانوس بكل مميزاتها وعيوبها، يسرى عليها ما يسرى على اللنوس وبالتالى كل الميزات وكل العيوب اللى هتقراها على اللانوس هى نفسها تسرى على الجولييت بدون استثاناءات، لو دورت فى المنتدى هنا هتلاقى آلاف المواضيع على الللانوس هتستفيد منها جدا

لا يوجد مسمار مختلف بين اللانوس وبين الجولييت من أول الإكصدام الامامى لحد باب الراكب الخلفى قبل الرفرف الخلفى، واللى يبتدى كلامه معاك بان الجوليت مختلفة عن اللانوس او لها تصميم لوحدها او ان نظام الحنجهور فيها مختلف عن نظام الترشنباح بتاع اللنوس ياريت متكملش استماع له لأنه بيفتى

[sherif Anton]

ان نظام الحنجهور فيها مختلف عن نظام الترشنباح بتاع اللنوس ياريت متكملش استماع له لأنه بيفتى

:mrgreen: :mrgreen: :mrgreen: :mrgreen: :mrgreen: :mrgreen:

[MMamdouh]

، واللى يبتدى كلامه معاك بان الجوليت مختلفة عن اللانوس او لها تصميم لوحدها او ان نظام الحنجهور فيها مختلف عن نظام الترشنباح بتاع اللنوس ياريت متكملش استماع له لأنه بيفتى

اختلف معاك يا سبعاوى

الجوليت من اول انتاج 1930 اتغير فيه نظام الحنجهور و بقى 3 فاز مش 2 و تم تعديل نظام الترشنباح و بقى فيه مشاحط اطول و تم تصغير حجم ترس الهوسة عشان ميعملش دوشة

كلام جد: الجوليت هى اللانوس تمام زى ما قال سبعاوى و بالتالى مش حتلاقى موضوع مخصوص للجوليت اللا اذا كان بخصوص حاجة فى الشنطة الخلفية... غير كدة كل حاجة فيها هى هى بتاعت اللانوس بالمللى

MMamdouh

[dragonsmith]

سبحان الله!
أنا فاكر كويس ساعة ما نزلوا السوق و كانت الإعلانات بتقول ان الجولييت أعلى في القدرة الحصانية. كان فرق بسيط أوي...5 حصان تقريبا.

حد تاني فاكر اعلانات الجرايد دي؟

[MMamdouh]

both got 86HP

MMamdouh

[dragonsmith]

both got 86HP

مفيش كلام بعد كلام حضرتك في الدايوو :-)

[GalaxyMan]

ماهي الجولييت هي لانوس هاتش باك

وأعتقد أن الأسم دا أساساً مصري ومش موجود في أي حتة تانية

[MMamdouh]

ماهي الجولييت هي لانوس هاتش باك

وأعتقد أن الأسم دا أساساً مصري ومش موجود في أي حتة تانية

1+

MMamdouh

[Abdallah]

فعلا انا لاحظت ان اسم الجولييت دة شرق اوسطى فقط يعنى مش هتلاقيه فى اوروبا بالرغم من انى شفت عربيات كورى مكتوب عليها جولييت !

[wildwest100]

بص يا باشا الفرق الوحيد بين اللانوس والجوليت هوا ان الجوليت تقفيل كورى من الالف الى الياء حتى اخر موديل نزل فيها
اما اللانوس تقفيل مصرى واكيد الفرق واضح حتى فى سعر الزيرو
لان الجوليت اغلى من اللانوس فى الزيرو