تعديل فرامل الانوس كامل( امامى + خلفى ) مكونات+اسعار+تجربه

[Abdelrahman.H]

السلام عليكم ورحمة الله وبركاته

انا معدل الفرامل أمامي و خلفي بقالي 4 شهور تقريبا .... ومن ساعتها ماعنديش فرامل يد ... حضرتك مركب عندك الوايرات الأصلية على الجنبين بتوع العربية و لا معدل في الوايرات و لا مركب وايرات الأوبل ؟؟؟


سؤال تاني من فضلك ....
لما بأكبس فرامل فجأة العربية بقت تحدف يمين و تلف من ورا ... يعني مش بتقف في خط مستقيم ... هل ده معناه إن في عجلة بتقفش قبل التانية ...؟؟؟؟

[عصام غنايم]

السلام عليكم ورحمة الله وبركاته

انا معدل الفرامل أمامي و خلفي بقالي 4 شهور تقريبا .... ومن ساعتها ماعنديش فرامل يد ... حضرتك مركب عندك الوايرات الأصلية على الجنبين بتوع العربية و لا معدل في الوايرات و لا مركب وايرات الأوبل ؟؟؟

انا مركب الويرات الأصليه

كل اللى حضرتك بتعمله انك بتلحم قاعدتين على الدنجل يمسكوا جراب فرملة اليد بس

سؤال تاني من فضلك ....
لما بأكبس فرامل فجأة العربية بقت تحدف يمين و تلف من ورا ... يعني مش بتقف في خط مستقيم ... هل ده معناه إن في عجلة بتقفش قبل التانية ...؟؟؟؟

كده فعلاٌ فرده بتمسك قبل التانيه

بس متقلقش حلها بسيط

هتحل تيل الفرامل فى الأربع فرد بس فرده فرده

هتدوس اربع دوسات فرامل للآخر والعربيه مطفيه

البستم هيخرج لبره

بس اوعى تخرجه لدرجة انه يوقع من مكانه

هترفع كاوتشة التراب اللى حوالين البستم

هترش wd40 تحت الكاوتشه

هتزق البستم بقوه لحد ما يرجع مكانه تانى جوه خالص

هتكرر العمليه دى 3 مرات لكل فرده لحد ما تحس ان البستم بقى بيتحرك بسهوله

هتقفل العجل تانى

اطلع جرب

وان شاء الله هتدعيلى

[m_arazik]

انا ملحمتش حاجة .. هوه الميكانيكى عمل قطعة حديدة حرف l وثبنها مع اخر صامولة ماسكة الوير وزى الفل

[عصام غنايم]

انا ملحمتش حاجة .. هوه الميكانيكى عمل قطعة حديدة حرف l وثبنها مع اخر صامولة ماسكة الوير وزى الفل

برده زى الفل بس انا اظن ان اللحام اقوى

[lost2008]

مفيش حد زى استاذ عصام يفكر فى تعديل فرامل الفيرنا :)

[asd21012101]

شغل الله ينور علية \
ربنا يكرمك ويرزقك رزق واسع ويشفى زوجتك

انت لصراحة اخ كبير لينا وشخصية محترمة وربنا يجزيك خير

[عصام غنايم]

مفيش حد زى استاذ عصام يفكر فى تعديل فرامل الفيرنا :)

اصبر لما اشترى فيرنا

شغل الله ينور علية \
ربنا يكرمك ويرزقك رزق واسع ويشفى زوجتك

انت لصراحة اخ كبير لينا وشخصية محترمة وربنا يجزيك خير

ده بس من ذوقك

[alsakr]

يا جماعه يعنى اللانوس زيرو الناس تشتريها وتطلع على من المعرض على الميكانيكى بعد كده المرور
بالذمه دا كلام
طيب ليه ساكتين على الشركه <المنصور> ما هو مسؤل عن السياره
ما هو ينزل العربيه فراملها سليمه .........شىء يخنق...............
قاطعوا العربيه علشان تنزل عدل

[عصام غنايم]

قاطعوا العربيه علشان تنزل عدل

لو مشينا بالمبدأ ده فى البلد دى هنقاطع النفس اللى بنتنفسه

[awad4]

اخى الفاضل /
مبدئيا ارجو الشفاء العاجل لزوجتكم الفاضلة و يارب تقوم بالسلامة وتساعدك على طاعة ربنا
ثانيا/ بجد حضرتك وضحت كل التعديلات بصورة جميلة بس عندى سؤال
انا عندى عربية اوبترا 2009 مانيول /
ايه التعديلات اللى ممكن اعملها لها مثلا لتعديل الفرامل /
هل ممكن كمان اركب رشاشات ام 40 بتاعة ال بى ام دبليو /
هل فى تعديل تانى مثلا لتحسين العفشة
اخيرا اسف على الاطالة
و جزاكم الله خيرا و اسال الله الشافى المعافى ان يعافى زوجتك شفاءا لا يغادر سقما

[mostafablidy]

مبروك عليك الفرامل ياباشا فعلا اللانوس الفرامل فيها ضعيفة عامة

[mero100]

نفسي تجييلي الجرأه و التكلفه الماديه و اعمل تعديل الفرامل بتاع عصام .... لان فعلا فرامل اللانوس سيئه جدا بالنسبه لي

امبارح بالليل قولت افوق العربيه ..... و في شارع طويل فاضي جنب البيت ....طلعت اول في تاني و عالتالت دوست بنزين و وصلت ال rpm ل 5 .......طبعا حسيت اني طاير .....وو قفت عالدواسه بتاعه الفرامل زي ما قال عصام .....و العربيه يا دوبك هدت ...... و فيييييين وفيييييييين لما وقفت ........حمدت ربنا اني مععملتش الحكايه دي و فيه عربيات ادامي ....كنت لبست اكيد .

[unroi]

هل يمكن التعديل على النوبيرا وازاى

[عصام غنايم]

اخى الفاضل /
مبدئيا ارجو الشفاء العاجل لزوجتكم الفاضلة و يارب تقوم بالسلامة وتساعدك على طاعة ربنا
ثانيا/ بجد حضرتك وضحت كل التعديلات بصورة جميلة بس عندى سؤال
انا عندى عربية اوبترا 2009 مانيول /
ايه التعديلات اللى ممكن اعملها لها مثلا لتعديل الفرامل /
هل ممكن كمان اركب رشاشات ام 40 بتاعة ال بى ام دبليو /
هل فى تعديل تانى مثلا لتحسين العفشة
اخيرا اسف على الاطالة
و جزاكم الله خيرا و اسال الله الشافى المعافى ان يعافى زوجتك شفاءا لا يغادر سقما

ربنا يتقبل دعائك

الأوبترا مش محتاجه تغير رشاشات لأن فيها الرشاش الرفيع المعدل ( طالما مفيهومش مشكله )

والفرامل عندك سكاكين ورا وقدام ( فمش محتاج تغير طنابير )

كل اللى ممكن تعمله

فى العفشه

تربط العفشه وتظبط زوايا واتزان وترصيص

تركب تيل فرامل ورا وقدام gm اصلى

تركب جنوط اسبور محترمه + كاوتش عريض ماركه محترمه ( كده زودنا الثبات وآداء الفرامل )


بالنسبه للموتور

هتغسل المانفولد والبوابه وحساس الأيدل

هتحط زيت موبيل 10 آلاف + فلتر زيت اصلى + فلتر هواء + فلتر بنزين + طقم بوجيهات بلاتنيوم ngk المناسبين لموتور عربيتك


وكده كفايه اوى

وابقى ادعيلى

[عصام غنايم]

نفسي تجييلي الجرأه و التكلفه الماديه و اعمل تعديل الفرامل بتاع عصام .... لان فعلا فرامل اللانوس سيئه جدا بالنسبه لي

امبارح بالليل قولت افوق العربيه ..... و في شارع طويل فاضي جنب البيت ....طلعت اول في تاني و عالتالت دوست بنزين و وصلت ال rpm ل 5 .......طبعا حسيت اني طاير .....وو قفت عالدواسه بتاعه الفرامل زي ما قال عصام .....و العربيه يا دوبك هدت ...... و فيييييين وفيييييييين لما وقفت ........حمدت ربنا اني مععملتش الحكايه دي و فيه عربيات ادامي ....كنت لبست اكيد .

مبدئياٌ ممكن تركب ماستر نوبيرا ( ال 22 )

هيفرق معاك جامد وتكلفته استعمال من 150 الى 200 جنيه بس بتركيبه