طريقه تغير جوان التاكيهات

[jojowork1]

معلش يا جماعه انا كنت عاوز اغير جوان التاكيهات انا جبته فعلا بس بقلب في المواضيع القديمه عشان افتكر الطريق لقيت ناس بتقول انها بتحطله سيليكون وناس بتقول جمالكه ممكن حد يقولي الصح واذا كانت جمالكه ديه تتجاب منين وبكام عشان انا معرفش غير الجمالكه اللي بيدهن بيها الخشب هل هي ديه وياريت حد يفكرني بطريقه ربط الوش يعني قصدي ترتيب المسامير في الربط
شكرا ليكم مقدما

[n_nabil76]

انا على حسب معلوماتي سلكن حراري لونة بيكون احمر والأنبوبة اعتقد في رنج 10-12 جنية وممكن لو الجوان راكب باحكام مع عطاء التاكيهات متحطش سلكن

[ahmatar]

تسبيت مسمار مسمار ثم ربط واحد واحد مع بعد سنه سنه

[jojowork1]

تسبيت مسمار مسمار ثم ربط واحد واحد مع بعد سنه سنه

غلط خالص علي ما افتكر بتربط علي شكل حرف اكس يعني قدام يمين يبقي شمال ورا وهكذا سنه سنه بالتبادل
بس مش فاكر اللي في النص نفس الطريق ولا ايه ياريت حد يفدنا

[jojowork1]

اه يا جماعه هو الموضع تافه للدرجادي

[samirayad]

ياباشا
دول 8 مسامير
أربطهم نظام صليبه أو مقص للأربعه اللى فى النص
وبعد كده خش على الأطراف بنفس النظام بدون تحميل على المسامير
وبعد كده أديها دورة تحميل بالمفتاح بنفس الترتيب السابق
وركب جوان تاكيهات تخين من غير سيلكون أحمر
لو قطع يبقى خير وبركه
مقطعش ....أديها لحسة سيلكون على مستطيل الغطاء من بره
أنما لو دخلنا فى التفاصيل الهندسيه
ففيه ترتيب رباط برضه وعزوم رباط للمسامير
وأفتكر معندكش مفتاح عزم للرباط بيه
بالرنج وتوكل على الله

[samirayad]

متنساش تبقى تنضف مكان الجوان القديم على الغطاء من تحت وعلى مكان تركيبه على حوض التاكيهات
وخللى بالك من أى حاجه تقع جوه الحوض وأنت بتنضف

[Sherif Khalifa]

اهم حاجة نوع الجوان
عربيتك نوعها اية؟

[jojowork1]

عربيتي لانوس 2000 وتم التغير بالاصلي وشكرا ليكم علي تعبكم

[Sherif Khalifa]

الانوس ليها جوان تخين و اخر رفيع

التخين هوا الى كان بيعيش و الرفيع مكنش بيكمل 5000 كم

[samirayad]

ok

انا مش فاهم اية ok الى حضرتك كاتبها فى كل الموضيع دى !!!

تانى
ههههههههههههه

يرجى من الساده الأعضاء
الألتزام بسياق المواضيع
وكتابة ردود ذات معنى

مشرف القسم

[ahmatar]

تانى
ههههههههههههه

يرجى من الساده الأعضاء
الألتزام بسياق المواضيع
وكتابة ردود ذات معنى

مشرف القسم

شكرا على التعامل وكلمه هههههه
ok اسرع من الغه العربيهEngliah or arabic

[samirayad]

شكرا على التعامل وكلمه هههههه
ok اسرع من الغه العربيهengliah or arabic

أنت قصدك أنا ولا السيد المشرف
وبعدين المفروض توضح أنت قصدك أيه ب ok
دى
يعنى خللى البساط أحمدى
وقول رأيك بالعربى على بلاطه
علشان نفهم قصدك من ok
اللى متكرره كتير أوى

[ahmatar]

انا اسف عضو جديد

[samirayad]

ولا يهمك ياباشا
وأهلا بيك وسط أخواتك فى الدايو