اكتشاف في الايديل ليرن

[jojowork1]

بصوا يا جاعه انا مش قصدي اعدل علي حد ولا حاجه انا بس جربت حاجه كده ياريت الاساتذه بتاعتنا تشوفه وتجربه وتقولنا
انا كنت بدور علي الايديل ليرن لقيت الاول موضوع قديم شويه لاحد الاعضاء بيقول فيه انك بتفتح Acc يعني التكه التانيه وبعدين بتشيل الكابل بتاع الايديل وتطفي وترجع تركبه تاني وتكرر العمليه ده 4 مرات وبعدين برده احد الاعضاء عدل الموضوع وكتب الطريقه اللي احنا عرفنها بتاعت انك تفتح التكه التانيه لمده خمس سواني وتكرر الموضوع ده خمس مرات وبعدين ترجع تدور العربيه خمس دقايق
المهم انا نزلت حبيت اجرب بعد النظافه جربت الطريقتين وانا بعمل الطريق الاوله اكتشفت حاجه غريبه اني لما اشيل الكابل وافتح التكه التانيه واطفي وارجع اركبه بيديني صوت في الايديل زي مايكون فيه حاجه بتلف كده انا حسيت ان ممكن يكون تكرار الحكايه ديه يعني مثلا بيرجعه لنقطه الصفر ويبتدي يظبطه من جديد فهل ممكن تكون الحكايه ديه صح او بتعمل حاجه فعلا او حد يافهمنا ايه الصوت ده وانا بجد مش قصدي اعدل علي اي حد انا بس حبيت اقول حاجه اخدت بالي منها للفيده والله واعلم اه الصح
شكرا ليكم

[jojowork1]

اخدت صهره معاه كده واكتشفت حاجت تاني
اولا الطريقه التانيه وهي انك تفتح الكونتاكت وقفليه لمده خمس ثواني برده بتحرك في الايديل المره دي خليت واحد صحبي هو اللي يفتح ويقفل وانا كنت بسمع الايديل حبيت افهم اكتر رحت فاكك الايديل وعمل الحكايه ديه وهو بره لقيت فكرته كالاتي
اولا هو شكل مخروط داخل في شكل مخروطي عكسه يعني عاشق ومعشوق وبعدين بيطلع للاخر خالص لدرجه انك ممكن تفك الجزئ اللي فيه السسته خالص وبعد ما بيطلع بره خالص بيرجع تاني لجوه خالص يعني كانه بيعمل دوره كامله
طيب هنا ويجي السؤال هو المفروض انه بيكون مفتوح علي الاخر او مقفول علي الاخر وبعدين يبتدي يتظبت مع تدوير العربيه علي السلانسيه زي ما احنا فاهمين طيب لما انا بفتح الكونتاكت هو بيطلع وبيدخل للاخر انا اعرف منين هو كده فاتح خالص ولا قافل خالص كده بقت عمليه عشوائيه وانا بصراحه مش فاهم
مستني لو حد عنده معلومات
شكرا

[samirayad]

بلف الأيدل كنترولر عباره عن موتور بتجيله أشاره من وحدة التحكم
الموتور ده عباره عن الآتى
1- جزء ثابت (زى مخدات المارش ) ودول أربع أقطاب كهربيه
2- جزء متحرك وده عباره عن أبرة البلف العموديه اللى فى وسط الأقطاب
كل مابتروح نبضة كهربيه من وحدة التحكم لقطب من أقطاب العضو الثابت الأربعه بتروح شده أو محركه الأبره للخلف خطوه واحده
اللى هى التكه اللى بتسمعها
وهكذا مع باقى أقطاب الجزء الثابت
علشان كده بيطلق على موتور بلف الأيدل stepper motor
يعنى موتور تدرجى يعمل فى صورة خطوات محوريه
وليس فى صورة دوران مستمر
زى ماتكون بتفتح مسمار بمفك سنه سنه
ولكن مسمار أو أبرة البلف بيتم فتحها سنه سنه بواسطة النظريه الكهربيه للعالم فلمنج فى صورة موتور خطى

[samirayad]

ليه بأه أحنا بنظف بلف الأيدل .....هنا السؤال
لما بيليس الخلوص اللى بين الأبره بتاعة البلف والأقطاب
قوة الأقطاب مبتقدرش تشد الأبره بكفاءه زى ماتكون العمليه رايقه بين الأبره والأقطاب
هو ده الهدف من عملية النظافه للبلف

[abou_sama]

معلومه مفيده

[samirayad]

الله يخليك

[jojowork1]

تمام يا باشا انا فهمت دول بس ممكن شرح عملي شويه للايديل ليرن عشان نتخيل كده اه اللي بيحصل

[samirayad]

يعنى أنت عاوز خطوات الأيدل ليرن
ولا معنى الأيدل ليرن

[afandeena]

اخدت صهره معاه كده واكتشفت حاجت تاني
اولا الطريقه التانيه وهي انك تفتح الكونتاكت وقفليه لمده خمس ثواني برده بتحرك في الايديل المره دي خليت واحد صحبي هو اللي يفتح ويقفل وانا كنت بسمع الايديل حبيت افهم اكتر رحت فاكك الايديل وعمل الحكايه ديه وهو بره لقيت فكرته كالاتي
ياخسارة شبابك يا مصر
حتى الكتابة مش متخيل واحد عنده كمبيوتر وبيكتب كم الاخطاء الاملائية دى اللى لو عملها طفل معاه ابتدائية مفروض يرجعوه حضانة مش واحد معاه عربية وكمبيوتر ونت عليه العوض ومنه العوض فيكى يامصر

لقد قمت بالتحدث مع زميلك بأسلوب غير لائق
وجارى أتخاذ القرار المناسب من قبل الأداره
وتطبيق لائحة المنتدى على تعليقك

مشرف القسم

[jojowork1]

ميرسي بس انا اكبر من اني ارد عليك

[jojowork1]

علي فكره انا اساسا لسه راجع من فينا السنه دي وان شاء الله مش قاعد كتير وانا مش بكتب عربي اصلا هناك ويادوبك انا رجعت اكتب عربي تاني من كام شهر واللاب اللي بكتب عليه مفهوش حروف عربي اصلا وبكتب بسرعه جدا ومش براجع الكلام اللي بكتبه مش ببص علي حرف اصلا لانها مش عندي وعلي فكره انا سرعتي في الكتابه عربي 68 كلمه في الديقيقه والانجلش 84 في الدقيقه ولو تعرف حضرتك تكتب 3 لغات وتتكلم 3 لغات ابقي تعلي اتريق علي اللي يعجبك ده غير اني اصل مهندس في ic & pcb designer يعني مش بكتب اي حاجه خالص غير مجموعه رموز والمخطات اللي بشتغل بيها وكفايه اني بارع في مهنتي والحمدل الله انا اترقيت 6 ترقيات في 3 سنين لغايه ما بقيت المانيجر لكست العمل معايا وحاجه ماتشرفنيش اني اكتب عربي صح طلما ان العيل اللي في حضانه بيكتبه صح لاكن يشرفني اني اكون بارع في مجالي وعملي وشكرا لحضرتك
بس لو سمحت من الاسلوب العملي والعلمي المتحضر ان لما حضرتك تدخل موضوع فيه سؤال محدد لو تعرف تجاوب لو ماتعرفش ماتجاوبش ومتحاولش تشتت الناس عن الهدف الرئيسي من التوبيك ده وبعدين مش كل من ركب عربيه ومعاه كمبيوتر ونت بقي بروف فيه عربجيه بيركبوا عربيات وده باين خالص في الشوارع واحنا بنسوق الغباء وقلت الزوق بتاعت السواقين اللي راكبين احدث انواع العربيات

[jojowork1]

معلش يا بش مهندس نرجع لموضعونا الاساسي
اللي انا اعتقد ان اللي مش فاهمه بيحاولي يكتب ردود بره الموضوع وخلاص
انا مش عاوز اعرف الخطواط انا عاوز اعرف الخطوات بتعمل ايه
شكرا لي يا بش مهندس سمير

[samirayad]

معلش يا بش مهندس نرجع لموضعونا الاساسي
اللي انا اعتقد ان اللي مش فاهمه بيحاولي يكتب ردود بره الموضوع وخلاص
انا مش عاوز اعرف الخطواط انا عاوز اعرف الخطوات بتعمل ايه
شكرا لي يا بش مهندس سمير

الأول يابشمهندس
أنا عاوزك توحد الله أنت وجميع المطلعين على الموضوع
ثانيا
معنى الأيدل ليرن هو الآتى
يعنى أصلاح ذاكرة وحدة تحكم المحرك .....وعاوزينها تفتكر اللى حصل وأيه وضع بلف الأيدل قبل مافصلنا البطاريه أو الفيوز أو شيلناها هى حتى
طيب ليه الكلام ده .....وليه أحنا عاوزين نعلمها اللى هى نسيته ....أأقولك ياسيدى
أحنا عرفنا أن البلف عباره عن موتور بتصميم معين كما فى تعليقى السابق
لما البلف بتكون حالته أدهورت شويه وأتسد الخلوص اللى بين الأبره والمخدات
ده بيتقل قوة الشد الكهربى لأبرة البلف

ولكن عندنا حاجه مهمه أوى
وحدة التحكم وهى لسه معمول لها سوفت وير
بتبقى متبرمجه على بلف لسه زيرو
طيب البلف بتاعنا دلوقتى بأه ملوث ومش تمام أوى فى كفاءته
بس الوحده كانت واخده عليه قبل نزع الكهرباء عنها
وحنبدأ نوصل من جديد .....ولكن دى ذاكره ومصممه على بلف زيرو
بنضطر نعمل الأيدل ليرن فى الأحوال دى ....علشان نفكرها باللى كان
وهى (وحدة التحكم يعنى ) كانت هى والبلف أصحاب أزاى وفاهمين بعض .......وعارفين لون بعض وظروف بعض

علشان كده
لسه دلوقتى ...قدرت أجاوب على سؤال كنت بأسأله لنفسى (لأنه حصل معايا فعلا )
كانت البطاريه نامت عندى وشيلتها وجبت بطاريه تانيه ودورت بدون ما أعمل أيدل ليرن
ورجع حمل السلانسيه زى ماكان بدون أى تغييرات .....ليه
لأن البلف عندى لسه جديد ....والعربيه مشتغلتش كتير

[jojowork1]

شكرا لرد سعتك بس برده انا مش قصدي كده انا قصد نمسك خطوه خطوه يعني مثلا لما بنفتح الكونتاكت ونقفله خمس ثواني اه اللي بيحصل وبعدين لما بندور 3 دقايق من غير تكيف و2 بالتكيف اه بدره اللي بيحصل انا عاوز افهم الخطوات بتعمل اه مش النتيجه النهائيه
شكرا لاهتمامك

[jojowork1]

شكرا لاداره المنتدي لحفاظها علي الاحترام بين الاعضاء