تأثير المياه على اللانوس

[mohsen]

لو سمحتوا

انا كنت فى مشوار طويل وفى اخره كان فى ماسورة مياه كبيرة ضربت وخلت ارتفاع المياه فى الشارع حوالى 70 سم واطريت امشى بالعربية زى باقى الناس فى مياه عميقة كانت مغطية فردة الكاوتش الامامية تقريبا (مرة لمسافة 50 متر ومرة بعدها مباشرة لمسافة 80 متر) وانا كنت بمشى فيهم على الاول وبالراحة جدا والعربية مبتطلتش منى بفضل الله

هل الموضوع ده ممكن يكون اثر على حاجة فى العربية لان احتمال كبير المياه وصلت لحساسات كتير فى العربية (حساس البلوك-حساس الكرنك-حساس الاكسجين)

انا كل اللى حاسس بيه ان فى زى خشونة فى السرعات البطيئة

اسف للطالة ولكم جزيل الشكر

[ibmtop]

متابع باهتمام

[samirayad]

طالما العربيه تمام من ناحية آداء المحرك
يبقى مفيش مشكله فى المكنه
وبرضه أطمن على الزيت من مقاس الزيت

وموضوع الخشونه دى ممكن يكون سببها بلى العجل
لو صوت المكنه كان طبيعى والعربيه واقفه بمكوناتها
وكده حنطلع طلمبة الباور والكمبروسور بره الموضوع بتاع الميه

[mohsen]

طالما العربيه تمام من ناحية آداء المحرك
يبقى مفيش مشكله فى المكنه
وبرضه أطمن على الزيت من مقاس الزيت

وموضوع الخشونه دى ممكن يكون سببها بلى العجل
لو صوت المكنه كان طبيعى والعربيه واقفه بمكوناتها
وكده حنطلع طلمبة الباور والكمبروسور بره الموضوع بتاع الميه

طب الخشونة دى هتستمر وهل بلى العجل الامامى بيتشحم زى الخلفى

[samirayad]

لا الأمامى ميبتشحمش لأنه بلى بلحى أو أبرى مقفول وجواه شحمه
أما الخلفى ده اللى بلى مخروطى مفتوح وبيتشحم وقت التركيب
وعلشان تتأكد من حالة البلى
أعمل ترصيص للعجل على جهاز الموتوسيكل

[zocor742]

هو جهاز الموتوسيكل دة بيبقى موجود فين

[samirayad]

حتلاقيه موجود فى بنزينات معينه
ولازم من السؤال طبعا
حاجه زى كده

[mohsen]

لا الأمامى ميبتشحمش لأنه بلى بلحى أو أبرى مقفول وجواه شحمه
أما الخلفى ده اللى بلى مخروطى مفتوح وبيتشحم وقت التركيب
وعلشان تتأكد من حالة البلى
أعمل ترصيص للعجل على جهاز الموتوسيكل

سمير باشا ممكن حضرتك توضح ترصيص الفردة على جهاز الموتوسيكل هيبين حالة البلى كويسة ولا وحشة ازاى

[mahdyez]

ممكن تبسطلنا شرح الظبط على الموتوسيكل

[samirayad]

جهاز الموتوسيكل
ده جهاز أتزان ديناميكى
بيتم وضعه فى ملامسة أى فرده وهى مرفوعه وتدويرها بسرعات عاليه (بالجهاز نفسه )
لأختبار وجود أى أختلال فى أتزان الفرده عند أى نقطه على محور الجنط
وبيقوم بحساب الوزن التعويضى (الرصاصه )
اللى حيتم وضعها على حرف الجنط فى نقطه محدده تماما
وبالتالى ضبط أنتظام دوران الفرده المختبره وهكذا

لما بنيجى بأه ندور الفرده على سرعه بيبان صوت البلى أثناء دوران الفرده على سرعه
وبكده بنعرف حالة البلى
لأن الفرده بتلف على أيه .....البليه بتاعتها طبعا
ده الهدف من كلامى بأختبار البلى على جهاز الأ تزان الديناميكى ( المسمى فى لغة السوق بالموتو سيكل )

[zocor742]

حتلاقيه موجود فى بنزينات معينه
ولازم من السؤال طبعا
حاجه زى كده

انا مرة شوفت بنزينة فيها اتوبيس بيرصص بنفس الطريقة اللى فى الصورة بالظبت
يبقى كدة بيرصص موتوسيكل بقى
بس اكيد بتاع النقل والاتوبيسات غير الملاكى صح
بس بدال الاوزان التقيلة بترصص موتوسيكل يبقى من المنتظر ان النتجيجة على الملاكى افضل بكتير من جهاز الترصيص العادى خصوصا انة بيرصص والعجلة راكبة مكانها وعلى وضعها
شكرا ياباشمهندس على التوضيح الجميل دة

وبعد كدة الواحد يحاول يرصص موتوسيكل افضل