باركوللى يا لانوساوية ... بقيت واحد منكم

[kiroo]

طبعا انا ليا الشرف انى اكون واحد منكم ..... لانى اشتريتها النهاردة الانوس اللى كنت عامل ليها موضوع قبل كدة بس المشكلة ان تكيفها مش بيسقع بس بيسخن حلو
بصوا هو انا دفعت العربون فأنتو اية رأيوكو لأنى بجد خايف من التكيف اويييييييييييييييييى
بلييز يا جماعة طمنونى و ارشدونى اعمل اية لانى متضايق اوى ؟؟؟؟
علما بأن صاحبة العربية مش عايزة تحركها من مكانها

[elwad_crazy]

اولا مبروك عليك

بس التكيف ليه حاجات كتيره ممكن توقفه

بس اللى مضايقنى بجد يعنى ايه مش عاوزه تحركها من مكانها

قولها عاوز اجربها
عاوز اشوف لعفشه بتاعتها
و حتى قولها تعالى انتى سوقيها واقعد جنبه وشوف العربيه فيها صوت

[samirayad]

مينفعش تشترى عربيه من غير ماتجربها
وبالذات الأستعمال
طيب هى مش عاوزه تحركها ليه .........؟

[alexcdx]

لازم تجرب العربيه وترفعها وتشوف كل حاجه فيها أنت معاك كام 40 ألف ؟ لازم تعمل بنصيحه الزملاء وراجع الى أتكتب قبل كده كويس.
وبناء على أيه دفعت العربون ؟
ماتبقاش طيب أوى كده يا كيرو

[A.Saad]

انا كنت بنزل السوق لوحدى معاييش حد
بقلب وادور وابص تحت المساعدين واشيل فرش الشنطة
لدرجة ان ناس كانت بتفتكرنى تاجر
وعلى فكرة دى مش اخر عربية فى السوق يعنى
لازم تكشف
انا مرة شفت عربية مفيهاش خربوش
ورحت التوكيل اتعمل لها مقايسة ب 5000 جنيه
واما هيا مش عايزة تحركها امال كانت بتعمل بيها ايه

http://www.nilemotors.net/Nile/20244-a.html

[amegoo75]

مبروووووووووووك لو اشتريتها خلاص روح بقى ارفعها واعرف اللى فيها ولعملة لو لسة لازم تتاكد انها عربية سليمة شاسية وقوايم وموتور ؟ ربنا معاك

[bondjames]

التكييف ممكن يوصلك لبعيد جدا إعمل حسايك ممكن تتكلف ألف للتكييف بس

[hhhh20078]

اولا مبرووووووووووووووووووووووووووووك ياكبير
بس لاززززززززززززم تمشي بالعربيه وتجربها انتا هتدفع فلوس مش ورق كوتشينه
لازم تركب العربيه وتستريحلها والا لو فيها حاجه هتكرها بعد الشراء

[mahgary]

اولا مبروك بس لزم تكشف على العربيه هو انت بتشترى سمك فى مياه

[mohd2]

لازم الكشف مع المستعمل
وهل صاحبها قالك المكيف محتاج شحن ولا قالك عليه ايه

[bondjames]

ان تكيفها مش بيسقع بس بيسخن حلو
ده بجد ولا تريقة؟
التكييف بيسقع لكن السخونة ممكن تاخدها من دخول الهواء على الموتور

[kiroo]

بصوا يا جماعة الست قالتلى ان التكييف عايز شحن بس طبعا اكييد مش حاخد كلامها بثقة و اقول طيب حلو... ماهو كل اللى تكيفة بايظ يقوللى ان التكييف عاوز شحن بس و حيبقى معاك ثلاجة و لكن بالنسبة للميكانيكى اللى شافها فهو انا متأكد انو شاطر اوى اوى اوى و قالى انا بقوللك ان التكييف عايز شحن بس قلتوا انت تعرف منين, هل انت خبيير تكيفات ؟!!! قالى العربية ماشية 60 الف و مستحييل يكون عييب كبير دة اخرة شحن فريون و قالى عربية زى دى لو سبتها انا حخدها دلوقتى (هو اصلا تاجر محترف)
بس انا عندى ملاحظة التكيف هو اول ما شغلة و هو جوة كنت انا برة و سمعت صووت كدة ذى مايكون حمل على الموتور و رعشة بسيطة(كأن موتور العربية بيدور من اول) بس و بعد كدة هدييت و لكن طبعا صوت الموتور اعلى من الاول
و الست مش بتقول مش عايزة تحركها من مكانها , لاء دى طلعتها من الجراج و جربنا العفشة و الميكانيى قسى اوى على الموتور و عجبة اوييييى (هو قالى كدة) قالى العربية دى مش زى باقى العربيات اللى كنت بتوريهانى
و شكرا لكل من ساعد و مستنى ارأكم بعد هذة المشاركة علما بأن انا خدتها ب 42 الف و دفعت عربون و ف ايدى اسحبو لو انتو شايفيين كدة او تنصحونى بكدة (هو انا بصراحة مانفسيش اسحب الفلوس خالص) بس انا على نصيحتكم

[kiroo]

اولا مبروك عليك

بس التكيف ليه حاجات كتيره ممكن توقفه

بس اللى مضايقنى بجد يعنى ايه مش عاوزه تحركها من مكانها

قولها عاوز اجربها
عاوز اشوف لعفشه بتاعتها
و حتى قولها تعالى انتى سوقيها واقعد جنبه وشوف العربيه فيها صوت
_

ماهى المشكلة انها مش بتسوق دى بتاعت بنتها

مينفعش تشترى عربيه من غير ماتجربها
وبالذات الأستعمال
طيب هى مش عاوزه تحركها ليه .........؟

ماهى طلعتهالى برة الجراج و شفنا العفشة و المتور و الحديد كويس

لازم تجرب العربيه وترفعها وتشوف كل حاجه فيها أنت معاك كام 40 ألف ؟ لازم تعمل بنصيحه الزملاء وراجع الى أتكتب قبل كده كويس.
وبناء على أيه دفعت العربون ؟
ماتبقاش طيب أوى كده يا كيرو

باشا اول حاجة بس انا مش عيزك تكون لسة زعلان منى و لو لسة زعلان : انا بجد اسف
و بالنسبة للعربية دى فأنا خدت معايا التاجر الشاطر اللى بتقولى علية و هو اللى اشترهالى و دفعت العربون بناء على كلامة (شوف المشاركة اللى قبل دى)

انا كنت بنزل السوق لوحدى معاييش حد
بقلب وادور وابص تحت المساعدين واشيل فرش الشنطة
لدرجة ان ناس كانت بتفتكرنى تاجر
وعلى فكرة دى مش اخر عربية فى السوق يعنى
لازم تكشف
انا مرة شفت عربية مفيهاش خربوش
ورحت التوكيل اتعمل لها مقايسة ب 5000 جنيه
واما هيا مش عايزة تحركها امال كانت بتعمل بيها ايه

ماهى طلعتها برة الجراج بس و انا شايف دة كفاية حتى الميكانيكى كمان شايف كدة

مبروووووووووووك لو اشتريتها خلاص روح بقى ارفعها واعرف اللى فيها ولعملة لو لسة لازم تتاكد انها عربية سليمة شاسية وقوايم وموتور ؟ ربنا معاك

اكيييد يا باشا و شكرا لاهتمامك

التكييف ممكن يوصلك لبعيد جدا إعمل حسايك ممكن تتكلف ألف للتكييف بس

باشا انا شايف لو لحد الف جنية انا ممكن ادوس لان العربية انا مستخسرها تروح من ايدى و مش حستخسر فيها اى حاجة و انا شايف انى حتى لو حدفع الالف جنية مثلا يبقى مش حتكلفنى تانى

اولا مبرووووووووووووووووووووووووووووك ياكبير
بس لاززززززززززززم تمشي بالعربيه وتجربها انتا هتدفع فلوس مش ورق كوتشينه
لازم تركب العربيه وتستريحلها والا لو فيها حاجه هتكرها بعد الشراء

عندك حق

اولا مبروك بس لزم تكشف على العربيه هو انت بتشترى سمك فى مياه

طب تنصحنى اعمل اية ؟؟

ان تكيفها مش بيسقع بس بيسخن حلو
ده بجد ولا تريقة؟
التكييف بيسقع لكن السخونة ممكن تاخدها من دخول الهواء على الموتور

انا مكنتش اعرف كدة انا كنت فاكر ان دى فيها ميزة ان تكيفها سخن و ساقع


انا بشكر كل اللى ساعدنى

[alexcdx]

و بالنسبة للعربية دى فأنا خدت معايا التاجر الشاطر اللى بتقولى علية و هو اللى اشترهالى و دفعت العربون بناء على كلامة (شوف المشاركة اللى قبل دى)

الف مبروك الله يباركلك فيها و يبعد عنك شرها
بالنسبه للتكييف فى فشارع 45 ثالث شارع بعد النفق ورشه سامح أو أحمد موسى عندهم جهاز تكسا
للتكيف حيظبطوهالك ألف مبروك

[maka]

مينفعش تشترى عربيه من غير ماتجربها
وبالذات الأستعمال
طيب هى مش عاوزه تحركها ليه .........؟

+1

مينفعش طبعا , ولازم تاخد العربية تكشف على التكييف ممكن يكون فيه مشكلة اكتر من الشحن