مطلوب تسعير لانوس 2 موديل 2000

[elwad_crazy]

ياجماعه انا عاوز اعرض عربيتى للبيع عشان هغير وهجيب دايو برضو
فعاوز اعرف يوم مهبيعها اطلب كام فيها

المهم
العربيه موديل 2000
لانوس 2

كامله تكيف وازاز كهربا وسنتر وانذار

عليها ماتور 1600 واتثبت على الرخصه وانا لسه مرخصها فى شهر 10
عفشه 14 بجنوط 14 كاوتش جديد لسه

العربيه راشه بره نظافه والدواخل فبريكا
بس فى طبعا خدوش بس مش كتيره
ارضيه العربيه مفروشه جلد
والحمدلله العربيه مش محتاجه مصاريف ومش ببخل عليها بحاجه
فياريت تقولولى هتجيب كام

[elwad_crazy]

طب حد يرد السلام:d

[medo_8]

يعنى يا باشا ممكن تجيب فى حوالى 44 الف وربنا يبارلك فيها

[ambasador81]

عندنا فى بورسعيد تجيب 30000 جم منطقه حره

[ahmatar]

مدام مشيه ليه تبيع دائما" البائع خصران
1-ماتور متغير :ممكن التجار يقولو مشيه كتير ده عمر أفترادى للعربيه .
2- العداد : عامل كام كيلو لم تذكر ذلك .

----------------------- الدكتور

[medo_8]

يا باشا اولا العربيه 2000 عاديه بتبقى فى حدود 40 والفول اوبشن بيزيد حوالى 4الاف جنيه عن الهاف وثانيا فى ناس متخصصه بتشترى الحاجات دى ومش بيهمها متور متغير او عداد عامل كام وبعدين الأستاذ الى عارض الأعلان كان طالب جوليت ومش هامه متور ولا عفشه وواحد تانى عربيه بايظه يقول ملهاش بيعه بس فعلا كل واحد بيبقى ليه مزاج فى حاجه انا ممكن اروح اجيب عربيه من شاب عامل فيها كل حاجه تتخيلها مش هتفرق معايا تفرق بقى مع ناس تانيه وليكم جزيل الشكر بس انا حكنت بقول وجهه نظرى

[msobhy]

اولا ربنا يوفقك فى بيعها وان كنت مستغرب لأنى متابع خطوه بخطوه كل حاجة انت عملتها فى العربية - يبقى ليه تبيعها قبل ما تتمتع باللى انت عملته
ثانيا وانا عارف ان ده هايكون شئ محبط مفيش اى حد هايقدر اللى انت عملته فى العربية - (فى ناس اغبياء هاتشوف ان اللى انت عملته ده حاجة تعيب العربية)
ثالثا اعتقد ان العربية على احسن تقدير هاتجيب 42 الى 43 الا لو بيعتها لشخص فاهم

[elwad_crazy]

يعنى يا باشا ممكن تجيب فى حوالى 44 الف وربنا يبارلك فيها

شكرا ليك يا باشا

مدام مشيه ليه تبيع دائما" البائع خصران
1-ماتور متغير :ممكن التجار يقولو مشيه كتير ده عمر أفترادى للعربيه .
2- العداد : عامل كام كيلو لم تذكر ذلك .

اولا احب اوضحلك حاجه قد كده

انا بقعد فى الورشه عندنا فى الحرفيين بلاقى عربيات زيروا بتغير مكن
وبتكون موديلات 2008
ثانيا ياباشا العربيه لما فكيت المكنه القديمه عاوز اقولك الوش بتعها نفسه متفتحش قبل كده
وحكايه تغير المكنه ده كان افضل حل ليا ساعتها

يا باشا اولا العربيه 2000 عاديه بتبقى فى حدود 40 والفول اوبشن بيزيد حوالى 4الاف جنيه عن الهاف وثانيا فى ناس متخصصه بتشترى الحاجات دى ومش بيهمها متور متغير او عداد عامل كام وبعدين الأستاذ الى عارض الأعلان كان طالب جوليت ومش هامه متور ولا عفشه وواحد تانى عربيه بايظه يقول ملهاش بيعه بس فعلا كل واحد بيبقى ليه مزاج فى حاجه انا ممكن اروح اجيب عربيه من شاب عامل فيها كل حاجه تتخيلها مش هتفرق معايا تفرق بقى مع ناس تانيه وليكم جزيل الشكر بس انا حكنت بقول وجهه نظرى

العربيه فل اوبشن الحمدلله وانا الاستاذ اللى كنت طالب الجوليت :d
عشان لو جبت جوليت هركب فيها مكنه 1800 وهغير العفشه
وشكرا لوجهه نظرك

اولا ربنا يوفقك فى بيعها وان كنت مستغرب لأنى متابع خطوه بخطوه كل حاجة انت عملتها فى العربية - يبقى ليه تبيعها قبل ما تتمتع باللى انت عملته
ثانيا وانا عارف ان ده هايكون شئ محبط مفيش اى حد هايقدر اللى انت عملته فى العربية - (فى ناس اغبياء هاتشوف ان اللى انت عملته ده حاجة تعيب العربية)
ثالثا اعتقد ان العربية على احسن تقدير هاتجيب 42 الى 43 الا لو بيعتها لشخص فاهم

انا سعيد بحضرتك جدا
بس انا مقررتش بجد انى ابيع لانى سمعت اسعار بجد تخلينى اتنرفز واقول كلام مش حلو
لدرجه انى زهقت من فكره البيع وقولت لما يجي واحد ويقدرها هبقي ابيع

وكمان والله انهارده فكيت الجنط اللى كان فيها وركبت واحد تانى بتاع النوبيرا الاسبور
والدنيا زي الفل

[hosar]

ربنا يوفقك