شباك التكييف

[mohelmy]

شباك التكييف الشمال اللى فوق التابلوه فوجئت ان الريشة العلوية منه وقعت خالص وباقى الريش سابت من المفتاح اللى بيحركها فوق وتحت ويمين وشمال!!!!!!! ركبت الريشة العلوية وحاولت اثبت المفتاح مع الريش زى الشباك اليمين ولكن لا نتيجة
قولولى الحل يكون ايه وهل الشباك دة ممكن يتغير كله ولا لا؟ ولو يتغير يبقى منين وفى حدود كام؟؟؟ السيارة لانوس 2 2008

ولكل من يفيدنى جزيل الشكر

[zocor742]

بصراحة حركة رخمة اوى وتخليك متكدر كل لما تبص عاليها

[احمد المصرى]

حصلت عندى مره برضوا اول لما جبت العربيه اقولك عملت ايه


مره كنت عند بتاع التكييف بجوار البيت عندى المهم لقيته شافها وهيا مخلوعه كدا راح جاب بنسه رفيعه ومسك الريشه وراح مركبها تانى بدون فك ولا تغيير اى حاجه ومخدتش غير دقيقه

[mohelmy]

الحمد لله
تم تغيير الشباك بالكامل بالتوكيل بس طبعا كالمعتاد الاسعار خرافية
سعر الشباك 80 جم ومصنعية 20 جم وضريبة 10 جم الاجمالى =110 جم
بس للامانة ولا يساووا عكننة الواحد كل لما يبص للتابلوه

[maka]

طاب هو الشباك مبيتبعش بره او عند بتوع الاستيراد

[mohelmy]

طاب هو الشباك مبيتبعش بره او عند بتوع الاستيراد

لو تلاحظ انى سالت فى اول المشاركة ولكن مفيش حد فادنى فقلت اختصر الوقت واروح التوكيل وفعلا ماعرفش ان كان كان موجود برة ولا لا

[maka]

لو تلاحظ انى سالت فى اول المشاركة ولكن مفيش حد فادنى فقلت اختصر الوقت واروح التوكيل وفعلا ماعرفش ان كان كان موجود برة ولا لا

وانا باذن الله هحاول اسال عند ابو الحسن والخواجة , يمكن نلاقى

[zocor742]

طيب حضرتك مأخدش لفة عند التجار الجديد والاستيراد قبل ماتروح التوكيل لية