حد يعرف ازاى افك جزء من تابلوه الانوس

[m_arazik]

السلام عليكم

الجزء الاوسط بتاع فتحات التكييف وقع منه ريش عندى واتزحلقت لجوة .. حد يعرف ازاى اشيل فتحة التكييف عشان امد ايى اجيب الريش اللى وقعت ولكم جزيل الشكر

[jojowork1]

ممكن تحط موديل العربيه وصوره للحته اللي فيها المشكله وانا احاول اساعدك

[m_arazik]

هوه الجزء اللى فية ريش التكييف اللى فى نص التابلوة عاوز بس اعرف ازاى افكة والمشكلة هتتحل ان شاء الله

[jojowork1]

عامتا لو عربيتك دايوا لانوس هتلاقي اطار حوالين الكاسيت الراك اللي تحته حط فيه مفك براحه وشده لبره هايطلع معاك باربع كلبسات ماتخفش مفهمش حاجه تتكسر بس المهم براحه وبعدين هتلاقي مسمارين ماسكين الوش اللي فيه مفاتيح التكيف فكهم واسحب الوش براحه لبره بس مش كتير عشان الويرات اللي وراه وبعدين هتلاقي مسمارين مربوطين في التبلوه فوق وش التكيف علطول فكهم وبعدين هتلاقي علي الشمال ورا دراع النور علبه ممكن لو عندك مريات كهربا بتكون راكب مفتحا فيها لو معندكش اسحب العلبه ديه جامد لبره هتلاقي ورها مسمار فكه وبعدين بص تحت علبه الدركسيون هتلاقي مسمارين من تحت لفوق فكهم هتلاقي العلبه ديه طلعت نوصين نوص من فوق ونص من تحت انت ممكن متفكهاش بس هاتتعب وانت بطلع التبلوه فكها احسن وبعدين هتلاقي فوق العدادات من تحت لفوق فكهم كده هتلاقي الجزء اللي فوق العدادت وعلي الشمال كله اتفك معاك اسحبه لبره براحه وبعدين مد ايدك واخلع فيش الانتظار والفوج وا لساعه هتلاقي الجزء ده كله طلع معاك

[Akram]

هو الموضوع سهل بس بيبقى لازم تشوفه على الأقل مرة واحدة ,
و على فكرة انا مش بفك المسامير اللي تحت علبة الدركسيون .

[dr.hany]

انصحك بلاش تفكه لوحدك لانه مقرف.ممكن تجيب واحده تانيه وخلاص ولو حتى يوسد

[tompina]

يا باشا الحكاية سهلة .. بس عاوزة صبر وتفتيح دماغ ومسايسة .. وأهو بالمرة يفك العدادات وينضفها من جوة ويروق الدنيا