Tweet
يا رجاله النهارده قلت افك البوابه و انظفها و فكيتها و نظفتها بالبنزين و مسحتها بالفوطه وسيبتها شويه ونظفت المنافولد بسائل التنظيف و مسحته بفوطه ولما جيت اركب البوابه الجوان اللى بينها و بين المنافولد انكسر جزء من الاسفل بس المهم انى ركبتها و لما جيت ادور وجدت العربيه صوتها عالى جدا وفوجئت ان ال rpm على اعلى حاجه (7000) بطلت العربيه ودورتها تانى برده نفس المشكله اتاكدت من التوصيلات وفكيت ال idle conrtol & tps وركبتهم تانى برده مفيش فايده العربيه بتدور على اعلى rpm ومش بينزل خالص و عربيتى لانوس 2 موديل 2000 فول اوبشن مانيوال و لكم جزيل الشكر
-
-
أنت ركبت الtps أزاى
المفروض يركب على نفس الوضع اللى حليته بيه
وقرص البوابه مقفول
ممكن دلوقتى يكون راكب والقرص مفتوح فتحه كامله
حل الخرطوم اللى على وش البوابه وشوفها عامله أزاى
لو لقيت القرص مفتوح على آخره
يبقى أنت ركبت ال tps مش مظبوط
وهو ده اللى رافع السرعه عندك
وبرضه راجع على وضع واير الأكسراتير
بحيث يكون راكب مظبوط ومش مخللى البوابه مفتوحه
المهم أنك تشوف شكل قرص البوابه وأنت شايل الخرطوم من على البوابه -
لازم يكون شكل القرص قدامك بالشكل ده قبل ماتركب الخرطوم اللى جاى من فلتر الهواء
يعنى البوابه تبقى مقفولهComment
-
انا فعلا شوفت الشكل وقرص البوابه مقفول زى الى فى الصورهComment
-
هل ممكن يكون بسبب ان الجزء السفلى من الجوان اللى راكب بين البوابه و المنافولد انكسرComment
-
انا متشكر جدا يا بشمهندس سمير انت فعلا نبهتنى انقطه مهمه جدا وهو وضع حساس tps انا كان عندى حساس قديم المفروض انه غير سليم ركبته وجدت ان المشكله اتحلت تماما والعربيه بقت تمام ولاحظت انه بيركب على طول اما الحساس الى فى العربيه اصلا لازم يركب بزاوية ميل بسيطه وبعد كده تعمله دوران بسيط علشان يظبط على
وضع تركيب المسامير ولما قارنت الحساسين ببعض وجدت انه يوجد شفتين من الداخل ووضعهم فى الاتنين مختلف حاولت اخلى الوضعين زى بعض معرفتش لان الشفتين دول بيلفوا و يرجعو تانى
المهم ركبت حساس العربيه الى كان فيها تانى ومربطش المسامير و فضلت الفه بسيط جدا لحد ما ظبط على وضع ربط المسامير والعربيه مظبوطه وتمام وربط على كده وجربت العربيه اكتر من مره وجدتها الحمد لله تمام
ولكن دلوقتى عايز اجيب الجوان بتاع البوابه هل موجود وفين ؟
ولك جزيل الشكر والاحترام يا بشمهندس سمير ولجميع اعضاء المنتدى الكرامComment
-
ألف مبروك
والجوان حتلاقيه عند أى حد بتاع قطع غيار دايو
ولو فرض وملقيتهوش (ممكن تصنعه ) من الجرنجريتComment
Comment