هل كل اللانوس سيء فى استهلاك البنزين

[mahmoudysf]

السلام عليكم
انا معايا اللانوس 99 كوري
140 الف كيلو -- مغير موبينة اصلى - عامل طقم سرفيس قريب زيوت فلاتر بوحيهات سلوك بوجيها
العربيه ما شاء الله ماشية كويس وريحانى بعد تغيير الموبينة وانا مقتنع بيها جدا
لاكن المشكلة الكبيرة انها بستهلك بنزين بشكل فظيع بتعمل 150 كيلو فى الصفيحة
وبالمناسبة العربية بدور والحمد لله من اول تكة فى اى وقت والبوجيهات مش مهببه
وظروف السواقة عادى بدون حرق وداخل البلد زى اى حد شوية الطريق ماشى وشوية اشارات وكدة
هل معقول سيارة 1500 cc وانجكشن وحالة المتور جيدة تستهلك بنزين بالشكل ده
وهل ده عيب فى اللانوس
ولو مش عيب فى اللانوس تفتكرو الاستهلاك ده يكون من ايه

[Michael_Lanos]

انا معايا لانوس موديل 99 عامله 82.000 بتستهلك من 8 الى 10 فى اللتر جوه البلد وبحرق ساعات عالموتور

بس انا بحس ان لانوس عموما استهلاكها مش موفر زي باقى الكورى

[megosoft]

ممكن يكون حساس الشكمان- حطها على سكانر عشان تتاكد من كفاءة الحساسات..

[jojowork1]

عن تجربه حساس طالمه كل حاجه تاني مظبوطه حساس الشكمان والرشاشات حتي لو بدور من اول تكه لان ليها مقايس تاين كتيره

[Michael_Lanos]

هو تكلفه حط العربيه على سكانر كام علشان الواحد يطمن عليها

[mahmoudysf]

ممكن يكون حساس الشكمان- حطها على سكانر عشان تتاكد من كفاءة الحساسات..

انا حطيت العربيه على الاسكانر وكل الحساسات تمام
ومرة كنت عند محمد هاشم وقولتله قالي ده استهلاك طبيعى فى اللانوس
فياريت اكبر عدد من مالكى اللانوس يقول استهلاكة كام جوه البلد عشان كدة اللانوس مفجعوة بنزين

[MMamdouh]

جوة البلد مش مقياس للاسنهلاك... مينفعش تبقى زى حالاتى مثلا بتفضل مدور العربية ساعة عشان تقطع 9.5 كيلو و بعدها تشتكى من الاستهلاك... اصلا اكتر من نص الوقت لعربية بتبقى دايرة وواقفة مكانها او ماشية بسرعة 10 كيلو مثلا...دةحينعكس على الاستهلاك بدون ما يضيف للكيلومترات المقطوعة بالتالى حتلاقى معدل استهلاك البنزين خرابة

فول عربيتك و اعمل بتاع 50 الى 100 كيلو على الدائرى بسرعة ثابتة 90 كيلو بدون حرق او شد او تشغيل تكييف و بعدها فول تانى و احسب كمية البنزين بتاعت التفويلة التانية و اقسم عليها الكيلومترات اللى قطعتها.... بعد ما توصل للنتيجة نتكلم فى الاستهلاك

MMamdouh

[tompina]

بص يا أخ محمود .. أنا بقطع مسافة 250 كم أو أكتر بكام لتر في رأيك ؟؟
تلت التانك بالضبط !
تخيل !
بس الكلام دا كان من المنيا لمصر على الطريق الصحراوي الغربي ..

[samirayad]

جوة البلد مش مقياس للاسنهلاك

تلك هى الخلاصه

[mahmoudysf]

جوة البلد مش مقياس للاسنهلاك... مينفعش تبقى زى حالاتى مثلا بتفضل مدور العربية ساعة عشان تقطع 9.5 كيلو و بعدها تشتكى من الاستهلاك... اصلا اكتر من نص الوقت لعربية بتبقى دايرة وواقفة مكانها او ماشية بسرعة 10 كيلو مثلا...دةحينعكس على الاستهلاك بدون ما يضيف للكيلومترات المقطوعة بالتالى حتلاقى معدل استهلاك البنزين خرابة

فول عربيتك و اعمل بتاع 50 الى 100 كيلو على الدائرى بسرعة ثابتة 90 كيلو بدون حرق او شد او تشغيل تكييف و بعدها فول تانى و احسب كمية البنزين بتاعت التفويلة التانية و اقسم عليها الكيلومترات اللى قطعتها.... بعد ما توصل للنتيجة نتكلم فى الاستهلاك

MMamdouh

انا عارف ان الاستهلاك جوا البلد مش مقياس لاكن تقريبا انا بعمل مشوار للمدرسه رايح جاى حوالي 16 كيلو وانا رايح ممكن اخد من 25 الى 35 دقيقة وانا راجع حواى 20 دقيقة وده مش وقت كبير بالنسبه للمسافة ورغم حبى للانوس لاكن انا اعرف من ناس بيمشو فى نفس ظروف الطريق ومعاهم عربيات 1600 cc انهم بيعملو فى نفس ظروف التشغيل من 180 الى 200 كيلو يعنى يا استاذ محمد انا حاولت اقارن بينا لاقيت ان الاستهلاك افضل كتير عنده فى نفس ظروف التشغيل يعنى هنا انا ما كنتش بقلرن بين استهلاك اللانوس فى السريع وداخل البلد انا كنت بقارن بين عربية صاحبى وعربيتى فى نفس ظروف التشغيل نفس الاشارات نفس الطريق والاستهلاك افضل عنده بكتير

[mahmoudysf]

بص يا أخ محمود .. أنا بقطع مسافة 250 كم أو أكتر بكام لتر في رأيك ؟؟
تلت التانك بالضبط !
تخيل !
بس الكلام دا كان من المنيا لمصر على الطريق الصحراوي الغربي ..

ربنا يباركلك فيها
لاكن المشكلة عندى فى الاستهلاك داخل البلد لانى نادر ما بسافر بيها
واعتقد ان 15 و 160 كيلو فى الصفيحة بيعادل استهلاك عربيا 2000 cc وهو ده اللي مزعلنى كتير من اللانوس بعد ما تعايشت مع مشكلة الفرامل

[kimoo2002]

انا معايا نوبيرا كورى 97 بتعمل نفس الاستهلاك حوالى 150 كم داخل البلد ولسة مغير رشاشات هيونداى وحساس شكمان اصلى ودورة صيانة شاملة زيوت وفلاتر وعفشة بالمرة والاستهلاك داخل البلد من 150 الى 160 ولكن على السريع ممكن تعمل 13 كم لكل لتر ولو كل التفويلة سفر مابين 14 الى 15 لتر وحتى ب بنزين 80 مش 90 زى دلوقتى سالت الميكانيكى قالى متحكمشى عليها جوة البلد خالص

[أبو ياسين]

شوف الموضوع ده

http://www.nilemotors.net/Nile/68336-a.html

[bakroov]

انا معايا لانوس 99 اتوماتيك بتعمل 130 فى الصفيحة وغيرت الرشاشات والحساس دون جدوى انما لما جربت الطوالى وصلت 170 فممكن توصل معاك 200 وعموما العربية كويسة وماتخليش حد يلعب فيها كتير ولو وصلت لحاجة ياريت تقولنا لان دى فعلا مشكلةشائعة

[zocor742]

انا معايا نوبيرا كورى 97 بتعمل نفس الاستهلاك حوالى 150 كم داخل البلد ولسة مغير رشاشات هيونداى وحساس شكمان اصلى ودورة صيانة شاملة زيوت وفلاتر وعفشة بالمرة والاستهلاك داخل البلد من 150 الى 160 ولكن على السريع ممكن تعمل 13 كم لكل لتر ولو كل التفويلة سفر مابين 14 الى 15 لتر وحتى ب بنزين 80 مش 90 زى دلوقتى سالت الميكانيكى قالى متحكمشى عليها جوة البلد خالص

بما ان حضرتك معاك اخت عربيتى ربنا يباركلك فيها ويحفظهالك
عايز اسئلك على كذا حاجة كدة يمكن استفاد منك ولو فى حاجة عايز تستفسرها منى لو اعرفها اكيد مش هبخل عليك باى معلومة

انا دلوقتى بشتكى من موضوع تأخير الدوارة اللى بعمل المستحيل عشان العربية تدور من اول تكة
بعد تغيير موبينا وبوجيهات وسلوك جداد اداء العربية الحمد لله بقى الطبيعى ولما بحتاج العربية بلاقيها فى اى لحظة... برغم كل دة لسة الدوارة بتغيب معايا بس الحق يتقال اتظبتط عن الاول بكتير فى الدوارة ووقت التأخير قل النص عن الاول .. بس بردو مش هيا دى الدوارة الطبيعية
قولت احط العربية على اسكانر اكشف على الحساسات وكدة... الحمد لله مفيش اعطال متسجلة وجميع الحساسات تعمل بكفائة عالية وكفائة الرشاشات كويسة على الاسكانر . مع انى حاسس ان الرشاشات هيا السبب الله اعلم
هو ممكن الرشاشات تطلع قرايات كويسة على الاسكانر وهيا مثلا بتسيل او حاجة او فيها اى تقصير

المهم بقى حضرتك لما غيرت لرشاشات هيونداى هل المشكلة دى اختفت من عندك ولو مكنتش عندك مش بتواجهك . الرشاشات بتوع عربية اية . وهل فية اختلاف فى سحب العربية يعنى حاسسها مخنوقة شوية ولا نفس الاداء ولا الاداء بقى افضل عن الاول

ومليون شكر لحضرتك ولجميع الاعضاء