السلانسية بيعلى وبيوطى لوحده

[abo_lamar]

السلام عليكم ورحمه الله و بركاته يا رجالة المنتدى

امبارح بدور العربية لقيت عداد ال rpm على 500 لفة في الدقيقة والعربية بتترج جامد روحت مزود بنزين شوية فالعربية اتظبطت مشيت شوية وكررت الحكاية يعني طفيت العربية ودورتها تاني عملت نفس الموضوع .. ده بس لما بكون لسه بدور العربية انما لو واقف في اشارة ولا حاجة بتكون طبيعية يعني تقريبا على 750 لفة في الدقيقة ...
النهاردة بقى حصل العكس تماماً .. لسه جاي ادور العربية لقيت مؤشر العداد وصل لوحده على 2500 لفة في الدقيقة بعدين رجع تاني للطبيعي .. كررت العملية تاني حصل نفس الموضوع .. رحت موديها للميكانيكي على طول هرش في راسه وقالي ممكن يكون الكونترول اللي تحت الكرسي .. وانا عنده لقيت العداد بعد مادورت العربية قادمه مرة وصل ل2500 لفة ومرة تانية 1500 وبيرجع للطبيعي بعد شوية .
اسف جدا للأطالة بس بجد ياريت حد من أساتذتنا يفيدوني أعمل ايه ؟؟
وشكرا جزيلاً

[MMamdouh]

اخر مرة راجعت على الايدل كونترولر و نضافتة كانت امتى؟

MMamdouh

[abo_lamar]

من حوالي 3 اسابيع و عملت ايدل ليرن

[samirayad]

أعمل أسكانر
لأن شكلها كده فيها tps

وياريت تنظف البوابه وتزيتها كويس بما يرضى الله وتجرب
قبل موضوع الtps

وربنا يستر عللى البوابه وتكون تمام أن شاء الله

[zocor742]

حضرتك بتغسل العربية كتير بمسدس مياة ضغطة عالى شوية
انا سبب الموضوع دة العامل وهو فاتح ابواب العربية وبيغسل الدواخل العتب وناحية المفصلات وكدة
المياة حصلت الكارتة ومجرد مادورت العربية بعديها حصلت معايا نفس اللخبطة بس كان الار بى ام بيطلع وينزل على طول

[abo_lamar]

انا غيرت الtps من شوية عند الميكانيكي والحمد لله كله تمام بس كنت عايز اعرف هو في مشكلة لو ال rpm في بداية تشغيل السيارة كان عالي وبعدين بيوطى على طول ؟؟ يعنى مثلا بيأثر على الموتور اوي أي حاجة في العربية ؟؟

[samirayad]

مبروك يا أبو حميد
والحمد لله أنها جات على كده

قوللى بأه نظام السرعه عندك بتعلى لكام أول ماتدور وبتنزل لكام

[abo_lamar]

شكرا لحضرتك يا باشمهندس سمير
ما بدور السرعة بتكون على 1500 وبتنزل لغاية 1000 او 750

[abo_lamar]

كنت عايز اعرف هو في مشكلة لو ال rpm في بداية تشغيل السيارة كان عالي وبعدين بيوطى على طول ؟؟ يعنى مثلا بيأثر على الموتور اوي أي حاجة في العربية ؟؟

[samirayad]

شكرا لحضرتك يا باشمهندس سمير
ما بدور السرعة بتكون على 1500 وبتنزل لغاية 1000 او 750

كده تمام

كنت عايز اعرف هو في مشكلة لو ال rpm في بداية تشغيل السيارة كان عالي وبعدين بيوطى على طول ؟؟ يعنى مثلا بيأثر على الموتور اوي أي حاجة في العربية ؟؟

طالما بالوضع اللى فوق
فلاتقلق ....هو ده الطبيعى
بيطلع عندى فى بداية الدواره زيك كده ....وبعد يمكن 5 أو 6 ثوان بينزل على 800 تقريبا

[theoldwiseking]

العربيات الجديدة السخان فيها اوتوماتيك، بيشتغل لوحده لما العربية تبقى باردة وده بيعلى الrpm شوية وبعدين بيبتدي ينزل لوحدة.

وملحوظة مهمة، فيه عربيات اول ما تدور الrpm بيروح لأخر العداد تقريبا وبعدين يرجع تانى، وده نوع من الcheck. انا عرفت الموضوع ده من واحد عنده سوبارو

[hosamdaewoo]

كنت عايز اعرف سعرة لو سمحت

[batviser]

كده تمام
طالما بالوضع اللى فوق
فلاتقلق ....هو ده الطبيعى
بيطلع عندى فى بداية الدواره زيك كده ....وبعد يمكن 5 أو 6 ثوان بينزل على 800 تقريبا

+1111111
بالظبط كده ... و ده فى حالة ان العربيه سخنه ...
انما لو بارده هينزل لحوالى 1100 و على مدار الدقيقه التاليه هينزل لحد 750 ...

ارجو ان حضرتك تعرفنا سعر الحساس كام ...