استحالة حل هذه المشكلة في nubira

[modynar]

لو سمحتم يا أهل الخبرة ممكن حل لهذه المشكله

عندي سيارة daewoo nubira و عملت حادث في الماء و للآن لم تعمل بعد وبسبب ان الموبينا لا تخرج كهرباء علما اني غيرتها بجديدة و غيرت ضفيرة الموتور (الأسلاك) و عند اعطاء الموبينا خط + كهرباء مباشر تخرج كهرباء فارجو الرد السريع معلومات السيارة daewoo nubira 2005 automatic كاملة 1600 مع العلم اني غيرت الكمبيوتر بتعها بــ 6 اخرى و مع التجربة نفس المشكلة و غيرت 4 ضفائر للموتور و نفس المشكلة و انا رايح القاهرة يوم الأحد أشتري ضفيرة كاملة .

العضو الفاضل
يرجى التكرم بعدم طرح مشكلتك فى أكثر من موضوع
لعدم إغراق القسم بمشاركات متكرره
مع أمنيات الإداره بإيجاد حل لمشكلتك قريبا

مشرف القسم

[samirayad]

نحمد الله على سلامتك قبل أى شىء
ياترى عملت حاجه فى الحساسات وخصوصا حساس الكرنك
والدينامو والمارش نظامهم أيه
وموقف علب الفيوزات
هل دخلها ماء وماذا تم معها
يعنى أحكيلنا شويه عن اللى تم مع المحرك من أعمال تجفيف ونظافه
بعد أستخراج السياره من الماء

[modynar]

نحمد الله على سلامتك قبل أى شىء
ياترى عملت حاجه فى الحساسات وخصوصا حساس الكرنك
والدينامو والمارش نظامهم أيه
وموقف علب الفيوزات
هل دخلها ماء وماذا تم معها
يعنى أحكيلنا شويه عن اللى تم مع المحرك من أعمال تجفيف ونظافه
بعد أستخراج السياره من الماء

الله يسلمك يا باشمهندس سمير
اولا :الف شكر على اهتمامك بالموضوع
2-عملت عمرة للموتور
3-جربت كل الحساسات و كانو شغالين
4-كل ضفيرة جبتها بعلبة فيوزاتها
ده كل اللي غيرته
و بعدين جه اول كهربائي يشتغل
و بالطبع مفيش اي حاجة
جه التاني و قال (العربية دي مش نافعة بعها احسنلك)
و جه الثالث و قال لازم تجبها الورشة
جه بقى الرابع و قال لازم تجيب ضفيرة كاملة
وبعدين قلتله جرب كدة فقعد يجرب يومين و بعدين قالي الموبينة عطلانة جبتله عربية واحد صاحبي و جربنا الموبينا فاشتغلت و فضل يجرب بلمبة البيان و في الاخر قال الكهربا اللي داخلة الموبينا ضعيفة فدخل كهربا مباشر مع الفيشة فطلعت الشرارة بتاعتها و بعدين كان بيدور العربية مباشر مش من الكونتاك و جيت اجرب المفتاح دورت مرة و بعدين مفيش اي حاجة قالي حساس الفتيس عطلان و انا اسف على الاطالة.معلهش الدينامو اتصلح و جبت مارش جديد

[samirayad]

3-جربت كل الحساسات و كانو شغالين

طيب عرفتم أن الحساسات شغاله أزاى
وهل غيرت كارتة الفتيس وشوفت تظامه زى المكنه
هو عامة أنا بفكر فى دوارة المكنه الأول
علشان كده خلينا مع الحساسات
وأكيد أنتم أطمنتم على نظام الفتيس أيضا

[modynar]

جربنا الحساسات على سيارة تانية و اشتغلت تمام و الحساس بتاع الفتيس ملوش اي لازمة و انا بادورها مباشر
و الفتيس فكينا كارتيرة الزيت بتاعته و نضفناها بالجاز الابيض و البنزين
و ياريت لو سمحت تكتشفلي المشكلة دي

[samirayad]

أنما أمره أذا أراد شيئا أن يقول له كن فيكون
صدق الله العظيم

والتوفيق من عند الله

وعوده مره أخرى للنقاش
طيب مجربتش تأخد حساسات العربيه اللى كونتوا بتجربوا عليها حساسات عربيتك
وجربت بيها عندك
وبالذات حساس الكرنك
لأن ده اللى يهمنى فعلا
عاوز أطمن أنه فعلا بيودى أشاره لوحدة التحكم
علشان البوبينا تطلع كهرباء دايركت من دايرة التغذيه الكهربيه
وأيه أخبار تنك البنزين والطلمبه
علشان العربيه كانت كلها فى الميه
وعملتوا حاجه مع الرشاشات أيضا

[zocor742]

حمدلله على سلامة حضرتك دى اهم من مليون نوبيرا
اقول لحضرتك رأى بصراحة
كنت حضرتك ريحت بالك من اول الموضوع وفكيت منها المكنة والضفيرة والكارتات والكلام دة
وجبتهم استيراد وسقطهم مكان اللى شيلتة والحاجات اللى فكيتها من العربية طلعت منها البايظ ورميتة وتبيع السليم او تخلية عندك اسبير لأى ظرف لاقدر الله

انا اعرف واحد جارى كانوا لسة جايبين عربية فولكس فاجن (كوروس فوكس) عالية شبة ال4*4 عمل كدة برغم ان حاجات الفولكس ناااار بس الحاجات اللى بعها سعتدتة بردو ومخسرش كتير وريح بالة من كل شوية يظهرلة عيب مفاجىء

[modynar]

شوف يا استاذ سمير انا غيرت كل حاجة في العربية مش شغال و اللي شغال سبته
تانك البنزين اتغسل و مضخة البنزين شغالة و بيطلع صوتها بس مش بتفصل (زززززززززززززززززززززززززززززززززززززززززززززز... ....)
و الرشاشات شغالة وبس فيه حاجة غريبة قوي ان فيه رشاشات بتضخ بنزين و مش بتفصلل خالص كأنك فاتح ماسورة ميه .
هو فيه حاجة هو لازم يكون فيش الطابلوه كلها متوصلة علما اني مش بدور بالمفتاح
و شكرا

[modynar]

حمدلله على سلامة حضرتك دى اهم من مليون نوبيرا
اقول لحضرتك رأى بصراحة
كنت حضرتك ريحت بالك من اول الموضوع وفكيت منها المكنة والضفيرة والكارتات والكلام دة
وجبتهم استيراد وسقطهم مكان اللى شيلتة والحاجات اللى فكيتها من العربية طلعت منها البايظ ورميتة وتبيع السليم او تخلية عندك اسبير لأى ظرف لاقدر الله

انا اعرف واحد جارى كانوا لسة جايبين عربية فولكس فاجن (كوروس فوكس) عالية شبة ال4*4 عمل كدة برغم ان حاجات الفولكس ناااار بس الحاجات اللى بعها سعتدتة بردو ومخسرش كتير وريح بالة من كل شوية يظهرلة عيب مفاجىء

الف شكر اخ zocor742 على اهتمامك بالموضوع هو كان من المفروض بس انا اشتغلت غلط من الاول اعمل ايه ؟
بعد عمرة الموتور ارميه ؟

[samirayad]

و الرشاشات شغالة وبس فيه حاجة غريبة قوي ان فيه رشاشات بتضخ بنزين و مش بتفصلل خالص كأنك فاتح ماسورة ميه

طيب وده عرفته أزاى
يعنى أيه رشاشات بتضخ بنزبن على طول
ومفتوحه على البحرى كده
وهل شوفتم شراره بتطلع من البوبينا بعد تغييرك لوحدة التحكم
اللى أشترتها بدل اللى كانت فى العربيه فى الميه

[samirayad]

مع العلم اني غيرت الكمبيوتر بتعها بــ 6 اخرى

وهل غيرت 6 كمبيوير ولسه مفيش شراره طالعه من البوبينا
وعاوزك تقوللى برضه
الكمبيوترات اللى غيرتها دى
كانت بتاعة نوبيرا أوتوماتيك

[modynar]

طيب وده عرفته أزاى
يعنى أيه رشاشات بتضخ بنزبن على طول
ومفتوحه على البحرى كده
وهل شوفتم شراره بتطلع من البوبينا بعد تغييرك لوحدة التحكم
اللى أشترتها بدل اللى كانت فى العربيه فى الميه

لما افك البوجيهات الاقي ان ظهر البستم مليان بنزين
و لم يخرج اي شرارة من الموبينا بعد تغيير لوحة التحكم

[modynar]

وهل غيرت 6 كمبيوير ولسه مفيش شراره طالعه من البوبينا
وعاوزك تقوللى برضه
الكمبيوترات اللى غيرتها دى
كانت بتاعة نوبيرا أوتوماتيك

ايوة فيه نفس الرقم بتاع القديم و فيه شبيه بيه bb\b2

[modynar]

طيب فيه استفسار بسيط ممكن تفهمني الكلام ده
(أخي خطوط البوبين و البخاخات ( الانجكترات ) إما: 12 فولت مباشر من الكونتاك (15) او: خط شاسية (31) سالب متقطع يكون موصول بالكمبيوتر ecu
فعليك بفحص هذه الخطوط بلمبة فحص او اوسيلو اسكوب
فإن كانت المشكلة بخط السالب المتقطع فافحص الخط الى وحدة التحكم حتى تحدد نقطة الاشكال
اما ان كانت المشكلة بخط 15 الموجب فما عليك الا ان توصل له كهرباء كونتاك (15)
بعد الفحص الاولي هذا نقرر ان العلة بسبب الاسلاك ام ريليه ام فيوز ام بسبب حساس ما ام بسبب ecu)و يعني ايه ((15)\(31))

[samirayad]

طيب فيه استفسار بسيط ممكن تفهمني الكلام ده
(أخي خطوط البوبين و البخاخات ( الانجكترات ) إما: 12 فولت مباشر من الكونتاك (15) او: خط شاسية (31) سالب متقطع يكون موصول بالكمبيوتر ecu
فعليك بفحص هذه الخطوط بلمبة فحص او اوسيلو اسكوب
فإن كانت المشكلة بخط السالب المتقطع فافحص الخط الى وحدة التحكم حتى تحدد نقطة الاشكال
اما ان كانت المشكلة بخط 15 الموجب فما عليك الا ان توصل له كهرباء كونتاك (15)
بعد الفحص الاولي هذا نقرر ان العلة بسبب الاسلاك ام ريليه ام فيوز ام بسبب حساس ما ام بسبب ecu)و يعني ايه ((15)\(31))

الكلام ده حضرتك جايبه منين
أحنا عاوزين نعرف الأول سبب عدم لف المكنه بالمارش
حتى لو مادارتش
المهم أن المارش يدور الفلام

وطمنى الأول الكونتاكت بيودى كهرباء للمارش
والمارش بيدور وأنت حاطط السيلكتور على ال p أو n