سوستة الإكسراتير ضعيفة

[tompina]

السلام عليكم

بكرة الإكسراتير عليها سوستة .. مش كده ؟
طيب عموما البكرة بتعلق ..يعني لو دوست على الإكسراتير في الغالب مش بترجع مكانها وبالتالي بتفضل فيها شعرة بنزين لو أنا ماشي ولو واقف بيبقى السلانسيه عالي ..
طيب .. جبت wd ورشيت البكرة والسلك والسوستة والمحاور بتاعة البوابة من جوة .. ومفاصل الدواسة وبرضه العملية زي ما هي ..
اللي أنا استنتجته إن السوستة هي اللي ضعيفة وبالتالي مش بتشد البكرة للآخر ..
ودا لاحظته لما كنت بفلت الدواسة على غفلة (بانطرها) فكان اسلانسيه يرجع لوضعه الطبيعي 900 لفة بعد ما كان بيتنطط عند الـ 1.5 والـ2 ..
المطلوب :
أعمل إيه ؟
السوستة دي بتتباع ؟ وبكام ؟ وبتتغير إزاي ؟
وهل دا ممكن يكون السبب الوحيد لعدم رجوع البكرة لسن المسمار وللا ممكن يكون في سبب تاني (مع العلم بأني زيتت كل حاجة ) ؟
ودمتم إخواني ويارب يارب يكرمكم ..

[samirayad]

يعني لو دوست على الإكسراتير في الغالب مش بترجع مكانها وبالتالي بتفضل فيها شعرة بنزين لو أنا ماشي ولو واقف بيبقى السلانسيه عالي ..

بيبقى كام ياحمو

هل على الرقم ده

بعد ما كان بيتنطط عند الـ 1.5 والـ2 ..

وهل حليت حساس البوابه قبل كده

[tompina]

يا باش مهندس صدقني .. الموضوع مالوش دعوة بالحساسات المرة دي .. بكرة الإكسراتير بتبقى فيها شعرة مارجعتش للمسمار فبرجعها بإيدي بلمسة بسيطة للبكرة .. صدقني الحكاية حكاية السوستة دي ضعيفة فمش بترجع البكرة لسن المسمار ..بس
وعموما على حسب السوستة برضه ممكن تشد البكرة لحد 1.5 وأعلى حاجة بتبقى 2000 .. لكن لما بنطر اللإكسراتير نطرة خفيفة بترجع 800 أو 900 بالكتير

[samirayad]

يا باش مهندس صدقني .. الموضوع مالوش دعوة بالحساسات المرة دي .. بكرة الإكسراتير بتبقى فيها شعرة مارجعتش للمسمار فبرجعها بإيدي بلمسة بسيطة للبكرة .. صدقني الحكاية حكاية السوستة دي ضعيفة فمش بترجع البكرة لسن المسمار ..بس

حاضر ياحمو
والله مصدقك
وعارف أنك أستاذ كبير

طيب ماتفكر أنك تلين حركة واير الأكسراتير فى الجراب بتاعه
يمكن تقيل فى حركته من التراب وخلافه
وعلشان كده لما بتنطر الدواسه وترد الواير سنه (بتساعد سوستة البكره فى الحاله دى )
وضع البوابه بينظبط والسرعه بتبقى تمام
ويمكن الواير يكون وحش
وفيه حته مهروشه وعاوز يتغير

وفى الحاله دى
يبقى أنت ظالم السوسته معاك ياحمو

[aymantop1]

حاضر ياحمو
والله مصدقك
وعارف أنك أستاذ كبير

طيب ماتفكر أنك تلين حركة واير الأكسراتير فى الجراب بتاعه
يمكن تقيل فى حركته من التراب وخلافه
وعلشان كده لما بتنطر الدواسه وترد الواير سنه (بتساعد سوستة البكره فى الحاله دى )
وضع البوابه بينظبط والسرعه بتبقى تمام
ويمكن الواير يكون وحش
وفيه حته مهروشه وعاوز يتغير

وفى الحاله دى
يبقى أنت ظالم السوسته معاك ياحمو

+ 1111111111
المشكلة دى كانت عند واحد زميلى وكان رايح يغير البوابة كلها .. المهم ربنا ألهمنى بفكرة الشك فى السلك . قولتله بطل العربية ونزلت فكيت السلك من على البكرة ودورنا العربية وزودت من البكرة نفسها وأسيب السلانسيه زى الفل روحنا غيرنا السلك والعربية بقت زى الساعة وبيدعيلى لغاية دلوقتى . جرب تعمل الموضوع ده قبل ما تظلم البوابة والسوستة (ومتنساش تدعى للباشمهندس سمير وتدعيلى)

[samirayad]

(ومتنساش تدعى للباشمهندس سمير وتدعيلى)

أنا بأدعيلك ياباشا
ربنا يكرمك على زوقك وشخصيتك المحترمه

[tompina]

والله يا اخواننا أحرجتوني ..
ربنا يكرمك يا باش مهندس سمير إنت وأستاذ أيمن ويبارك فيكم وفي أولادكم ويوسع عليكم ويلطف بيكم في أقداره ويرزقكم من حيث لا تحتسبون ويجعل الجنة مثواكم وينور قلوبكم بالإيمان ويمن عليكم بالغفران ..... آمين

طيب هو السلك دا بكام .. أغيره بالمره عشان العربية قديمة وكد إنتوا نبهتوني للنقطة دي إن السلك هو اللي ممكن يكون فيه تراب

[tompina]

حاضر ياحمو
والله مصدقك
وعارف أنك أستاذ كبير

يا باشا العفو .. دا إنت أستاذنا كلنا

[aymantop1]

أنا بأدعيلك ياباشا
ربنا يكرمك على زوقك وشخصيتك المحترمه

ربنا يخليك يا باشمهندس ويباركلك

طيب هو السلك دا بكام .. أغيره بالمره عشان العربية قديمة وكد إنتوا نبهتوني للنقطة دي إن السلك هو اللي ممكن يكون فيه تراب

شكراً ليك أخى فك السلك الاول وجرب من غيره قبل ما تشترى .

[tompina]

ماشي .. هاطلع أجربه وآجي

[JAM]

ياباشا انتا ممكن تركب سوستى من دواسة البنزين وتشبطها فى اى حاجة من تحت جنب الدواسات.. على فكرة انا كنت عاملها عندى وشغالة زى الفل

[tompina]

ماشي .. هاطلع أجربه وآجي

[tompina]

ماشي .. هاطلع أجربه وآجي