إعـــــــلان

Collapse

.

,
See more
See less

بظبت العفشة ومحتاج مشورتكم ضرورى جدا

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    بظبت العفشة ومحتاج مشورتكم ضرورى جدا

    السلام عليكم

    عاملين اية يا اخوانى.......
    دلوقتى انا من زمان اوى ونفسى اظبت عفشة العربية وعشان مكنتش اعرف مكان اتعامل معاة كويس.فاكنت مستنى لما اشوف حد معرفة يخدنى لصنايعى كويس.والحمد لله ربنا كرمنى بصديق معاة اوكتافيا ودانى للورشة اللى بيتعامل معاها فى شغل العفشة وكدة

    الاول بس عايز اوضحلكم الشكاوى اللى كانت عندى فى العفشة
    1- لما بعدى اول طلعت على مطب او عديت على نقرة بسمع صوت طقة جاى من العجلة الامامى يمين والشمال خفيفة اوى بس موجودة بردو فى الشمال.
    2_العربية لما اكون دايس بنزين واجى اشيل رجلى بحث زى ماتكون فى نتشة مصدرها من العجل تحتى زى ماتكون حاجة بتلق.
    3_ كنت بشتكى من عدم نعومة العفشة فى الطرق الغير ممهدة ومحتاج تربيط عفشة.
    *طبعا كل الاعراض دى لو ماشى فى طريق غير ممهد او غير مرصوف بسمع مزيكة بضايقنى وتقفلنى من العربية

    المهم روحنا الورشة وحطينا العربية على كوريك شكل اللى فى البنزينات بتاع الغسيل والتشحيم اللى بيرفع العربية لفوق... فانزل الراجل يكشف على العفشة بالكامل مقصات وبطاحات وشيك على المساعدين والكلام دة كلة . بعد كدة ندالى انا وصحبى نزلنا تحت العربية فى البير بتاع الكوريك

    وبدأ يشرح العفشة فيها اية.... قالى عندك اول حاجة جهازين الفرامل الحديدة اللى ماسكة الجهاز مش ثابتة وقالى امسك الجهاز كلة وهزة هيتحرك معاك ويلق فى ايدك ودة اللى بيعمل عندك صوت الطقة مع المطبات والنقر عشان الجهاز مش ثابت ومع الحركة بتسمع صوت الطقة والخبطة

    تانى حاجة المقصات الامامية عندك محتاجة بيض وجلب . ولقيتة طلع فوق ومسك العجلة اليمين والشمال قدام وكانوا محطوتين على حاجة اسمها صينية فى الكوريك وبدأ يحركهم العجل قدام ولورا ولقيت العجل بيتحرك معاة قالى العربية كنت بتحث ان فيها نتشة لما تبقى دايس بنزين وتسيب مرة واحدة قولتلة فعلا قالى دة عيب المقصات...... ياتجيب جلب وبيض مقصات يا تجيب مقصات جديد او استيراد نظاف وانا هظبتهملك

    وقالى كدة العفشة مفهاش حاجة غير تربيط والبطاحات سليمة عندك والمساعدين تمام واليايات تمام
    وبدأ يفك جهازين الفرامل وبص عاليهم قالى الحديدة اللى مثبتة الجهاز فى العجل عند خابورين التثبيت مبوشين
    اشترى حديتين زى دول بالخوابير بالمسامير بتوعهم ونركبهم .روحت اشتريتهم ب90 جنية وربهم تمام وطلعت جربت العربية الطقة اللى كان فى العجل راح رجعتلة قولتلة تمام العيب دة اختفى سيبنى بكرة ابص على المقصات فى السوق وابقى اجيبهم نركبهم واخد مصنعية 30 جنية كشف و تربيط وفك وتركب الحديتين والجهازين

    دلوقتى انا عايز خدمة منكم اعمل اية فى موضوع المقصات دة هل ممكن اشترى جلب وبيض مؤقتا والعيب هيختفى . ولا اريح نفسى واجيب مقصات وخلاص احسن واجيبهم جداد ولا استيراد نظاف
    انا سئلت عند بتوع الاستيراد لقيت المقصات حالات والمقص الواحد اللى حالتة تمام ب100 الى120 جنية وواحد من بتوع الاستيراد قالى عندى مقصين جداد فاككهم من عربية جديدة لسة متقطعة ورالى العربية وعدادها 3050كيلو بس وشوفت حالة المقصات جداد نوفى لسة بيلمعوا وعايز فيهم 160 ج اول كلمة

    اية رأيكم فى كلام الصنايعى وشيفين اعمل اية فى موضوع المقصات دة
    وشكرا لمرور حضرتكم للموضوع
    [B]لا اله الا الله محمد رسول الله[/B]
    [B] يارب احمى مصر[/B]
    الكلمات الدلالية (Tags): 20, 50, الاول, البنزين, العفشة, الي, ام, انا, انى, بس, بكرة, بنزين, بيع, تعبت, جدا, حل, خدمة, دى, سوق, شرح, صوت, ضرورى, عايز, عداد, عربية, عفشة, على, عن, عندى, فرامل, في, قطع, قطعة, كشف, كل, لكل, ما, مرور, مساعدين, مشورتكم, مع, من, موضوع, مية, مين, هل, هي, ورش, ورشة, ومحتاج, يا
  • #2
    هو المقصات ممكن تجيبهم استيراد بس الافضل انك تجيب مقصات اسبانى و دول تمنهم 440 جنيه.
    انا كان عندى جلب المقصات بايظة و غيرت الجلب بس مجبتش مقصات و تمنهم 60 جنيه و هما 4 جلب و نوعهم كورى.و العربيه بعدها ما شاء الله زى الفل.
    وعلى فكرة عيب جلب المقصات معروف اوى فى النوبيرا بس لو غيرت وجبت المقصات الاسبانى انسى العيب دة خالص.
    يا ريت تقولنا الورشه دية فين عشان نستفاد بردة.
    [SIZE=2][B]محمد محسن[/B][/SIZE]
    [sor2]http://www.nilemotors.net/Nile/members/2440-albums376-picture1702.jpg[/sor2]

    Comment

    • #3
      ممكن مكان الورشه
      [CENTER]في الماضي كان الخطر الكبير الذي يواجه المصريين النظام الفاسد[/CENTER]
      [CENTER]الان الخطر الاكبر الذي يواجه مصر والمصريين هو الجهل[/CENTER]

      Comment

      • #4
        شكرا ياجماعة على ردودكم
        الورشة دى فى الاسكندرية
        بجوار صينية المطافى بالسيوف
        [B]لا اله الا الله محمد رسول الله[/B]
        [B] يارب احمى مصر[/B]

        Comment

        • #5
          حد يعرف ورشة للعفشة كويسة فى القاهرة

          Comment

          • #6
            الباش مهندس سميرعياد وسيادة المستشار محمد ممدوح اية راى حضرتكم بالموضوع
            [B]لا اله الا الله محمد رسول الله[/B]
            [B] يارب احمى مصر[/B]

            Comment

            • #7
              لو سمحت الورشة فين في السيوف علشان انا ساكن في السيوف و عندي مشكلة في العفشة واسم الصنايعي اييييه.

              Comment

              • #8
                طيب حضرتك ممكن تكلمنى على الخاص وانا اشرحلك بالظبت المكان واسم الصنايعى ولو عايزنى اوصلك بنفسى مفيش مشاكل انا ساكن جنبك فى سيدى بشر فى شارع 15 يعنى بينى وبينك فردة كعب
                [B]لا اله الا الله محمد رسول الله[/B]
                [B] يارب احمى مصر[/B]

                Comment

                • #9
                  هات جوز مقصات اسبانى

                  MMamdouh
                  [CENTER]What is the difference between ignorance and apathy?...I don't know & I don't care[/CENTER]

                  [CENTER][SIGPIC][/SIGPIC][/CENTER]


                  [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                  [marq="Error"]what goes around... comes around[/marq]


                  [CENTER][URL="http://www.cardomain.com/ride/567267"]MMamdouh's Lanos on CarDomain
                  [/URL][/CENTER]

                  [URL="http://www.nilemotors.net/Nile/showthread.php?t=85421"]
                  [/URL]

                  Comment

                  • #10
                    المشاركة الأصلية كتبت بواسطة mmamdouh مشاهدة المشاركة
                    هات جوز مقصات اسبانى

                    mmamdouh
                    ودول اجيبهم منين وجداد ولا فى منهم استيراد وسعرهم كام
                    وهل هريح دماغى من موضوع بيض وجلب المقصات بعد كدة
                    وكل سنة وحضرتكم طيبين بمناسبة عيد الاضحى المبارك
                    [B]لا اله الا الله محمد رسول الله[/B]
                    [B] يارب احمى مصر[/B]

                    Comment

                    • #11
                      لو سمحتم انا عندي استفسار من مهندسين المنتدي الجامد

                      انا معايا جوليت 99 وفيها نفس مشكله المقصات دي
                      كنت عايز اشال هوا الافضل اشتري مقصات 160 جنيه ولا اشتري جلب للمقصات الي عندي
                      مع العلم ان المشكله الي عندي في الجلب
                      بس انا روحت لبتاع عفشه وقالي مشكله المقصات في الجلب بس
                      انا اسف علي الاطاله بس عندي استفسار تاني لو سمحتم
                      انا روحت اشتري جلب وانا بشتري الراجل قالي مانصحكش تشتري جلب
                      عشان مش حطول اسبوع وحيرجع الصوت التاني فهل الكلام دا مضبوط
                      متشكر جدا واسف علي الاطاله

                      Comment

                      السابق template التالي
                      Working...
                      X