رجرجة دواسة الفرامل

[bshndi]

السادة الأفاضل "كل عام وحضراتكم طيبين بمناسبة عيد الأضحي المبارك"
بعد التحية ، اليوم كنت أقود سيارة أحد الزملاء لانوس 2010 لإنه قالي إن فيها حاجة غريبة (علي إعتبار إني بقيت خبير في اللانوس من المنتدي "ربنا يبارك فيكم") فعلاً بعد ما تعدي السبعين وأدوس فرامل ألاقي في شبه رجرجة خفيفة في الدواسة أو الله أعلم في العجل الأمامي ومسمعه في الدواسه طبعاً فيه إلي قال طنابير وفيه إلي قال إنت بيتهيألك وأنا مستني من حضراتكم (إلي واجهته حاجة شبيه )أو من الخبراء القول الفصل ، مجدداً شاكر ليكم علي الإهتمام .
*سؤال صغير تاني علي الماشي -أخوكم طامع في كرمكم -في صوت غريب في ماكينة الزجاج بتاع باب السواق وأنا بنزل الزجاج كأن فيه حشرجة كده ولا حاجة ممكن ده يكون بتأثير درجة الحرارة والبرد ولا ده إيه خاصة إني لا أسمع هذا الصوت عند رفع الزجاج ؟

[bshndi]

منتظر!

لازلت أنتظر رأي الأشقاء (ولا بلاش كلمة الأشقاء دي علشان بتوع الجزائر ) خليها منتظر رأي الإخوة الأفاضل .

[samirayad]

بما أننى جزائرى
هههههههههه

من رأيى فيه مشكلة طنابير فعلا
والمفروض تعملوا زياره للتوكيل

هو يطمن على الطنابير
وأنت تطمن على جوانات الباب ومكنة رفع الأزاز

[MMamdouh]

من رأيى فيه مشكلة طنابير فعلا
والمفروض تعملوا زياره للتوكيل

+1

MMamdouh

[bshndi]

سيدي الفاضل مهندس سمير - السيد اللورد محمد ممدوح
دائماً ما نحرجونا بأدبكم البالغ وسرعة الرد وهذا يدلل علي أنكم لم تأخذوا ألقاب المنتدي من فراغ .
ألف شكر مجدداً سأقوم بزيارة أبو غالي (أعتقد أنهم كرهوني هناك، بس المرة دي هاعمل صيانة الخمسة ألاف إن شاء الله علشان يبقي نفعناهم بفلوس ) .
سؤال هل سيتم أيضاً بالنسبة للأخ بتاع الطنابير تغيير تيل الفرامل ولا الوضع إيه ، هو مش أي ريجه في الطنابير بتؤدي إلي تآكل التيل بسرعة مش كده ولا أنا دخلت في حته غلط :)

[samirayad]

سؤال هل سيتم أيضاً بالنسبة للأخ بتاع الطنابير تغيير تيل الفرامل ولا الوضع إيه ، هو مش أي ريجه في الطنابير بتؤدي إلي تآكل التيل بسرعة مش كده ولا أنا دخلت في حته غلط :)

المفروض يشوف وضع التيل
لو وحش يغيره غصب عنهم
دا لسه الراجل موديل 2010

[bshndi]

ما حدش شايف حاجة

المفروض يشوف وضع التيل
لو وحش يغيره غصب عنهم
دا لسه الراجل موديل 2010

المشكلة يا باش مهندس إن كل حاجة بتم وإنت مش شايف عربيتك ولا شايف إيه إلي بيحصل فيها ، يعني لو قالك غيرت الطنابير ومكانش غيرها وودها مخرطة مش هاتعرف ولا لو قالك غيرت التيل هاتعرف إزاي لو في طريقة قولي أصل محسوبك يحب الرخامة في الحاجات دي قوي علشان دي مسألة حقي وحقك ( حقهم أخذوه ثمن العربية كاش خالص مخلص تغيير زيت بضعف تمن بره ما قلناش حاجة ) لكن يشتغلونا بقي ليه ؟

[samirayad]

مع نفسك
خش الورشه بالحداقه كده
من الباب الخلفى
وبلاش تقعد فى الكافتيريا تستناهم على مايخلصوا
وخد اللى يقابلك حكايه فى روايه
والنظام اللى بالك منه

[MMamdouh]

المشكلة يا باش مهندس إن كل حاجة بتم وإنت مش شايف عربيتك ولا شايف إيه إلي بيحصل فيها ، يعني لو قالك غيرت الطنابير ومكانش غيرها وودها مخرطة مش هاتعرف ولا لو قالك غيرت التيل هاتعرف إزاي لو في طريقة قولي أصل محسوبك يحب الرخامة في الحاجات دي قوي علشان دي مسألة حقي وحقك ( حقهم أخذوه ثمن العربية كاش خالص مخلص تغيير زيت بضعف تمن بره ما قلناش حاجة ) لكن يشتغلونا بقي ليه ؟

المفروض ان القطعة اللى بتتغير فى العربية بتاخدها... يعنى لو غيرت طنابير و تيل يدولك التيل و الطنابير القدام معاك... بس اعتقد دة فىالصيانات العادية مش فى تغغير حاجة فى الضمان

لما غيرت طلمبة البنزين بتاعت عربية الوالد فى الضمان مادونيش الطلمبة القديمة

MMamdouh