مارشيدير اللأنوس

[abo_lamar]

السلام عليكم يا أهل المنتدى
كنت عايز اعرف اشمعنى المارشيدير بتاع اللانوس لازم اشد السوسته لفوق وبعدين اجيبه شمال ثم فوق كأني بدي الغيار الاول ... ليه مش زي بقيه العربيات ارجع الفتيس لليمين ثم للخلف .. وهل في فرق بين الأثنين ؟؟؟

[tompina]

هو رأي شخصي .. مش علمي .. احتمال دا يكون نوع من البصمة المميزة في الفتيس .. وبعدين ما الشاهين لازم تضغط الفتيس لتحت عشان المارشدير .. اشمعنى بقى ؟؟

[Amr Mohamed]

مش اللانوس بس اللى كده تقريبا كل الامانى انا شوفت الاوبل ومرسيدس
وسيات ابيزا كلهم نفس الحوار ده بس هو عادى يعنى عربيات كده وعربيات تحت الخامس

[pro_samir]

قد يكون نوع من الحماية تجنبا انك تجيب المارشدير بطريق الخطأ

[Eng.Geo]

هو نوع من انواع الامان
يعني تخيل كدة في المارشدير العادي لو انت كنت علي الخامس ونازل للرابع وبدل ماتدي رابع غلطت وجبت مارشدير يبقي راح الفتيس او جاي تجيب الرابع وانت علي التالت وجبت المارشدير نفس الحكاية
فكل شركة فكرت في فكرة عشان تمنع المشكلة ده
منهم اللي عملوا سنة زيادة بحيث تبعد المارشدير عن مكانه الطبيعي ومنهم اللي عمل سوستة لفوق او لتحت

[abo_lamar]

فكرة برضه

[zaza_lanos]

السؤال ده موجه للالمان
حيث انهم يختلفوا عن الاخرين
وانا معاهم

[Akram]

موضوع إن المرشدير يكون شمال و أعلى أو يمين و أسفل فده طبقاً لتصميم المصنع للموتور و الفتيس ,
أما موضوع إن ليه فيه سوسته فده حماية من الغيار الخطأ للفتيس ,
و لو عايز تشوف القصة دي في اللانوس ارفع الغطاء الجلد اللي على الفتيس و هتلاقي فيه مجري للمرشدير و لا يمكن أن تدخل عصا الفتيس فيه الا بعد رفع العصا لأعلى.