مشكلة فى النوبيرا, أرجو المساعدة

[moroz]

السلام عليكم,
أنا كنت نازل الصبح بالعربية وبدور سمعت صوت الموتور عالى و غريب فقلت جايز وساخة بنزين مع السقعة المهم مشيت بيها لقيتها مكتومة خالص و مشيت بيها حوالى 10 كيلو و العربية مبتجبش فوق ال60 و ابتدت ريحة شياط تطلع فركنتها وروحت الشغل و رجعت بليل بصيت على الزيت و الميه و كده لقيت كله تمام فاخدتها و مشيت بيها برضه حوالى 10 كيلو و الصوت ابتدى يعلى و بقى خبط فى الموتور و ريحة شياط جامدة المهم روحت على الميكانيكى فقالى الأول نشوف الزيت و بعد شاف البوجيهات قالى فى واحد فاصل و السلوك وحشة فغيرت طقم بوجيهات و سلوك,العربية ظبطت شوية بس برده لسه مكتومة شوية و بتقطع لم ادوس عليها و أنا طالع و صوت الموتور بقى أعلى من الأول,كده عيب ايه و مين كويس اروحله يشوفهالى ؟؟؟؟؟ و يا ترى لما مشيت عليها الأول ده هو الى عمل حاجة؟؟؟؟


أسف على الاطالة

[samirayad]

ممكن تكون البوجيهات اللى أتغيرت مرطبه
حاول تطلعهم تانى وأكشف عليهم وشوف لونهم

[hosamdaewoo]

اللغز كلة فى كلمة شياط
منين؟

[moroz]

الف شكر باشمهندس سمير على الرد و ده الى فكرت فيه, بس أنا قلقان يكون لما مشيت بيها تكون بوظت حاجة فده ممكن يكون بوظ حاجة؟؟؟؟

[hosamdaewoo]

شياط يعنى اسطوانة ولا تيل محمل
هية نوعها اية وموديل كام
واخر مرة نضفت فلتر البنزين امتى
وبتحط بنزين اية

[samirayad]

أنت كنت محمل على الدبرياج شويه
فحاول الأول تكشف على البوجيهات
أحتمال تكون مرطبه ومبتحرقش كويس
قبل مانفكر فى حاجه تانيه زى الدبرياج
لا قدر الله

وشوف الفلاتر بالمره (هواء وبنزين )

[moroz]

شياط يعنى اسطوانة ولا تيل محمل
هية نوعها اية وموديل كام
واخر مرة نضفت فلتر البنزين امتى
وبتحط بنزين اية

موضوع الشياط ده معرفتش منين أنا حولت اتتبعه بس معرفتش و هيه نوبيرا 2004 بس كانت مركونة فترة فا عاملة32000 كيلو و الفلتر ده مش فاكر لأن أخويا هو الى عاملها بس أنا كده كده هغيره بكرة و بحط ساعات 90 و ساعات92

[moroz]

أنت كنت محمل على الدبرياج شويه
فحاول الأول تكشف على البوجيهات
أحتمال تكون مرطبه ومبتحرقش كويس
قبل مانفكر فى حاجه تانيه زى الدبرياج
لا قدر الله

وشوف الفلاتر بالمره (هواء وبنزين )

ما هو ده الى أنا هعمله أنا لسه مغير فلتر الهوا و بكره هغير فلتر البنزين و ربنا يستر
بس لو دبرياج هتبقى ايه المشكلة و هيتعمل فيها ايه؟؟؟

[samirayad]

لو دبرياج حتغير الطقم كله (لأن ممكن يكون تيل الأسطوانه أتاكل )
بس تعشم خير
وأبدأ بالأبسط والأسهل
وخير أن شاء الله

[gadir112]

انا كان حصل لى كده فاضطريت اغير طارة الدبرياج بس يا باشمهندس سمير ,ازاى نحافظ على عمر الدبرياج وما نخليهوش يبوظ بسرعة , وهل ضغطة دواسة الدبرياج لفترة طويلة يؤثر؟

[samirayad]

ازاى نحافظ على عمر الدبرياج وما نخليهوش يبوظ بسرعة , وهل ضغطة دواسة الدبرياج لفترة طويلة يؤثر؟

هو كده كده ليه عمر أفتراضى ولازم يتعمر بعدها

بس علشان تحافظ عليه
متخليش رجلك محمله عليه طالما أنت معشق الدبرياش
وماشى بالعربيه
لأن العاده دى بتبوظ الأسطوانه
اللى أنت بتقول عليها ( الطاره )