طمنونى الله يخليكم

[mohelmy]

احبائى... زى ما عودتونى تطمنونى دايما هاحيلكم انا على اللى عملته وعليكم انكم تقولوا لى الحلول
اولا السيارة لانوس 2008 كاملة عاملة 42000 كم
اول موضوع: انا غيرت الجنوط الاصلية بجنوط 14 مع تغيير الكاوتش بنوع ايطالى اسمه فيرسو ولما رحت ارصص الفنى سال على الرينجات اللى جاية مع الجنوط قلتله ممعهاش حاجة قال يبقى تعملها فى الخرطة ودى بتتكلف 80 جم وماينفعش ترصيص من غيرها. هل ممكن ينفع الترصيص بدون الرينجات دى ولا لازم اعملها؟
تانى موضوع: انا عملت مشوار للقاهرة من كفرالشيخ حوالى 170 كم رايح وزيهم جاى بدون ترصيص وكان راكب معايا واحد جنبى واتنين ورا العربية جميلة جدا فى الجنوط مع هزة فى الطارة عند 90-100 كم واللى غاظنى جدا بقى ان الكاوتش بيحك فى ايه مش عارف مع كل تعريجة فى الطريق ويدى صوت مزعج كدة. يا ترى هو بيحك فى الترابة ولا الفجوة وهل فيه حل ولا لا؟ وايه اخطار الموضوع دة؟
تالت موضوع : انا غيرت اللمبا بلمبات فيليبس 60/55 extreme power ورحت مشوار القاهرة دة وقبل قليوب بخمسة كيلو ركنت 5 دقايق ورجعت دورت العربية لقيتها فاصلة تماما ودة لاول مرة تعملها معايا..المهم جبت كهربائى من الطريق اكتشف ان البطارية نايمة وع الزق دارت ورحنا الورشة زود 3 زجاجات ماء نار صغيرة ووضع البطارية على جهاز شحن ربع ساعة ودارت السيارة بس هو توقع ان البطارية ضعيفة وعاوزة تتغير وفعلا بعد ما خلصت المشوار وجيت ادور العربية ما دارتش غير بالزق.فهل ياترى اللمبات الجديدة لها علاقة بموضوع البطارية ولا دى صدفة ان البطاريه عمرها خلص اليوم دة؟ ولو حبيت اجيب بطارية جديدة ايه احسن الانواع الموجودة واسعارها ايه؟
معلش انا تعبتكم فى القراءة بس يا ريت حد يفيدنى الله يكرمكم

[ahmedfra]

الاخ الفاضل ممكن اعرف انت غيرت لمقاس كاوتش كام . عشان المقاس الصحيح 185/60/14 و غير كده يبقى مقاس خطأ و حيحك معاك فى طرف الرفرف الخلف . عن تجربة .
و بالنسبة للرنجات : الترصيص حاجة و هى حاجة تانية لكن مهما رصصت العربية حتغربل لغاية ما تركب الرنجات

[samirayad]

أنت محتاج رينجات فعلا يادكتور
وموضوع اللمبات ده (أعتقد أنه صدفه )

وبالنسبه للبطاريه
قيس كفاءتها

وده عيب البطاريات السائله
وهات بطاريه جافه
زى ال ac - delco السعودى
معايا من قبلك بسنه والحمد لله تمام
بأسيب العربيه بالأسبوع وبأدور بيها عادى تانى جدا

[hosamdaewoo]

يعنى اية رنجات؟

[samirayad]

رينج
يعنى حلقه زى الخاتم
وبتتصنع من الفيبر أو الألومنيوم
وتتحط وراء الجنط الألومنيوم بهدف حبك الخلوص بين الجنط وصرة الفرده
بنسميها فى لغة الهندسه .....وردة مسافه
بس الصنايعيه بيسموها رينجات
من مسماها الأجنبى ring ( حلقه مستديره )

[khalid9411]

احبائى... زى ما عودتونى تطمنونى دايما هاحيلكم انا على اللى عملته وعليكم انكم تقولوا لى الحلول
اولا السيارة لانوس 2008 كاملة عاملة 42000 كم
اول موضوع: انا غيرت الجنوط الاصلية بجنوط 14 مع تغيير الكاوتش بنوع ايطالى اسمه فيرسو ولما رحت ارصص الفنى سال على الرينجات اللى جاية مع الجنوط قلتله ممعهاش حاجة قال يبقى تعملها فى الخرطة ودى بتتكلف 80 جم وماينفعش ترصيص من غيرها. هل ممكن ينفع الترصيص بدون الرينجات دى ولا لازم اعملها؟
تانى موضوع: انا عملت مشوار للقاهرة من كفرالشيخ حوالى 170 كم رايح وزيهم جاى بدون ترصيص وكان راكب معايا واحد جنبى واتنين ورا العربية جميلة جدا فى الجنوط مع هزة فى الطارة عند 90-100 كم واللى غاظنى جدا بقى ان الكاوتش بيحك فى ايه مش عارف مع كل تعريجة فى الطريق ويدى صوت مزعج كدة. يا ترى هو بيحك فى الترابة ولا الفجوة وهل فيه حل ولا لا؟ وايه اخطار الموضوع دة؟
تالت موضوع : انا غيرت اللمبا بلمبات فيليبس 60/55 extreme power ورحت مشوار القاهرة دة وقبل قليوب بخمسة كيلو ركنت 5 دقايق ورجعت دورت العربية لقيتها فاصلة تماما ودة لاول مرة تعملها معايا..المهم جبت كهربائى من الطريق اكتشف ان البطارية نايمة وع الزق دارت ورحنا الورشة زود 3 زجاجات ماء نار صغيرة ووضع البطارية على جهاز شحن ربع ساعة ودارت السيارة بس هو توقع ان البطارية ضعيفة وعاوزة تتغير وفعلا بعد ما خلصت المشوار وجيت ادور العربية ما دارتش غير بالزق.فهل ياترى اللمبات الجديدة لها علاقة بموضوع البطارية ولا دى صدفة ان البطاريه عمرها خلص اليوم دة؟ ولو حبيت اجيب بطارية جديدة ايه احسن الانواع الموجودة واسعارها ايه؟
معلش انا تعبتكم فى القراءة بس يا ريت حد يفيدنى الله يكرمكم

اولا /اتاكد من مقاس الكاوتش14 سليم اذا كان سليم والحكة موجودة يبقى حلقات الياى ضعف او المساعد يتغير بمونرو
ثانيا/90/100 ده ترصيص ترصيص ويجد الان ترصيص للجنوط الاسبور زى الجنوط العاديه يعنى مش لصق لا شئ معين على شفة معينه على الجنط الاسبور علشان ما يطلعش وانا عملتها عندى رصص كويس وقول الراجل رصص من غير رنجات وجرب بس وادعيلى وقولوه على مسئوليتى بس رصص
ثالثا/ممكن يكون حظك كده فى البطاريه دى لمض وده لمض هى عمليه واحدة هتعملها تانى اما اشتغلت البطاريه شويه معاك يا اما تجيب بطاريه جديدة تفضى المياة من البطاريه خالص وتغسلها غسله محترمه بالحنفيه وتجيب جركن مياة نار ب10 جنيه وتوضع حتى المقاس العلامه وتوضع على التونجر مش اقل من 5 ساعات وتركب وتجرب اهم شئ فى الصباح دارت تمام ما دارتش بطاريه جديدة واسف للاطاله

[hosamdaewoo]

واية اللى هيجيب clearance مش احنا هنربط المسامير كويس
حلوة clearance دى

[khalid9411]

عارف يا باشمهندس سمير كنت مرصص جنوط 13 وتمام التمام المهم اتلعب فى راسى لازم رنجات قلت يا سيدى العربيه 100/100 على السرعات كلها المهم جبتها طبعا حصل بروز فى العجلتين الامامتين يربط الولد مسامير العجل بوش منهم كام واحد طبعا مخرطه ووسع كام ملم وشوف مسامير المهم مفيش مشكله الان بس ايه عمليه تغير مقاس المسامير اللى فى العجل الامامى بافكر اغير الصرتين الاماميتين ايه راي سيادتك ولك الشكر

[samirayad]

واية اللى هيجيب clearance مش احنا هنربط المسامير كويس
حلوة clearance دى

أمال الرينجات بتركب ليه
ياحسام بيه
منظره مثلا

[samirayad]

عارف يا باشمهندس سمير كنت مرصص جنوط 13 وتمام التمام المهم اتلعب فى راسى لازم رنجات قلت يا سيدى العربيه 100/100 على السرعات كلها المهم جبتها طبعا حصل بروز فى العجلتين الامامتين يربط الولد مسامير العجل بوش منهم كام واحد طبعا مخرطه ووسع كام ملم وشوف مسامير المهم مفيش مشكله الان بس ايه عمليه تغير مقاس المسامير اللى فى العجل الامامى بافكر اغير الصرتين الاماميتين ايه راي سيادتك ولك الشكر

الأول الجنوط عندك حديد ولا ألومنيوم

[khalid9411]

ما غيرت الاصلى اللى كان فيه حديد بجنوط اسبور الومنيوم 13 برضه نفس المقاس

[khalid9411]

تعبينك دايما يا ابو احمد ربنا يخليك لينا

[hosamdaewoo]

انا اعتقد ان الرينجات ممكن تركب فى حالة واحدة
تخانة الجنط الجديد اقل من القديم
ونعمل كدة علشان المسامير تركب لحد الاخر

[samirayad]

المهم مفيش مشكله الان

يعنى مفيش عندك مشاكل

بس ايه عمليه تغير مقاس المسامير اللى فى العجل الامامى

علشان كده

يربط الولد مسامير العجل بوش منهم كام واحد طبعا مخرطه ووسع كام مل

وطالما وسعت أخرام فى الجنوط
يبقى لازم مسامير أتخن

بافكر اغير الصرتين الاماميتين ايه راي سيادتك ولك الشكر

ولا تعمل حاجه
طالما أمورك تمام

[khalid9411]

الله يطمنك يا ابو احمد