check lamp

[emadno1]

امبارح كنت مسافر و فى لمبه صفرا فى شمال التابلوة كانت بتنور و تطفى و انا ماشى عملتها معايا حوالى 4 مرات

ازاى اعالج المشكله دى و هل لازم اروح التوكيل و لو فى ميكانيكى مضمون اروحلو فين انا ساكن فى مدينه نصر
[/img]

[أبو ياسين]

روح التوكيل اضمن و استنى بقيت ردود الاعضاء عشان يفيدونا اكتر

[fahd_628]

راى روح التوكيل لو العربية لسة فى الضمان

[emadno1]

عربيتى نوس 1 موديل 99 فهيا بره الضمان
على فكرة انا خرجت النهارده بيها و اللمبه منورتش خالص بس انا مش مطمن انى امشى بيها كده وعاوزأطمن نى بسافر بيها كتير

[MMamdouh]

روح اى مركز خدمة فيه scanner و هما يقولولك المشكلة ايه... الكمبيوتر بيسجل المشكلة فى الذاكرة حتى لو اللمبة طفت و بالتالى المشكلة ممكن تتعرف حتى لو اللمبة مطفيه

MMamdouh

[badblood]

روح اى مركز خدمة فيه scanner و هما يقولولك المشكلة ايه... الكمبيوتر بيسجل المشكلة فى الذاكرة حتى لو اللمبة طفت و بالتالى المشكلة ممكن تتعرف حتى لو اللمبة مطفيه

MMamdouh

+1

[Adham]

شوف موبيل اللي في شارع الطيران اللي هيه توكيل منصور شيفرولية

عندهم الجهاز و السوفت وير بتاع كل العربيات و بيعملوة ب 35 جنية

[emadno1]

رحت التوكيل النهارده فى شارع احمد سعيد بس كان زحمه موت و كانت فيه كميه عربيات كتير واقفة بره مستنيه و الولى لو عاوز تدخل بدرى تيجى على الساعة 7 الصبح

ممكن البنزينه اللى فى شارع الطيران تقولى ايه المشكلة فعلا و لا صعب

و شكرا لكم جميعا

[Adham]

اعتقد ممكن و دي نمرة تليفونهم برضة تتأكد حضرتك قبل ماتروح
22619701
24033261-24033262


و بنزينة كالتكس عباس العقاد كمان عندهم الجهاز و المهندس اللي هناك فعلا محترف هو ملتحي و اسمة محمد على ما اذكر

[emadno1]

ازيكم يا شباب انا بالصدفة كنت فى شارع القصر العينى فلقيت مركز خدمه لدايو هناك

اسمه مودرن سرفيس

و كان تقريبا فاضى مفيهوش غير اربع عربيات دايو و عربيتين هوينداى
قابلت المهندس فلى انا ممكن اعرفلك العيب بسهوله بالكمبيوتر و فعلا ركبلى الكمبيوتر عليه و قلى العربيه فيها الاتى

1- فيه سينسور لازم يتنضف هوا الى عملك المشكله دى و بيخلى كمان العربيه تترججرج معاك فى اول الدوارة.
دة كان حقيقى فعلا و رش شويه اسبراى على السينسور الى راكب فى اخر الخرطوم الى جاى من فلتر الهوا
2- فلتر الهوا لازم يتغير علشان هوا سبب الوساخة دى.
غيرهولى لانو فعلا كان اسود جدا و نفخه بالهوا طلع حاجات كتير الى بس دة مينفعش يركب تانى.
3- غيرلى فلتر البنزين و الى دة وسخ جدا و لازم يتغير و الى لازم تغير بوجيهات.
4- الكمبيوتر الو ان العربيه مظبوطه على اوكتين 87 و ده بيزود استهلاك البنزين و شالى سوكت مكتوب عليه 87 من تحت ا لكرسى الى جنب السواق بعدها خد القراءة تانى و وراهالى ان الاوكتين بقى 91 و قلى ان دة بيقلل استهلاك البنزين علشان انا باستخدم بنزين 92 و فعلا العربيه استهلاكها قل كتير

و شكرا لكل الاعضاء

[magomago]

شكرا للتوضيحات