تسخين العربية قبل ما اطلع بيها

[msalah83]

السلام عليكم ورحمة الله
انا جبت عربية لانوس 2007
انتوا عارفين ان العربية مفهاش rpm لكن فيها مؤشر الحرارة
المهم انا بسخن في العربية قبل ما امشي بيها والموضوع دا بياخد من 5 الي 10 دقايق كل مرة بقعد مدورها لغاية ما المؤشر بتاع الحرارة يكون في النص

بصراحة الموضوع دا ممل اوي

فممكن حد يقولي الصح ايه ؟ ويقولي هو فايدة التسخين ايه بالظبط وايه اللي بتستفاده العربية منها :)

شكر مقدما

[medo_8]

يا باشا 5 دقايق و10 دقايق ايه بس كتير اوى دا هما 3 ثوانى وامشى بالعربيه وبعدين مين قال لحضرتك انك تفضل واقف لحد ما المؤشر يجى النص حضرتك تمشى بالعربيه عادى جدا والموشر يطلع برحته يعنى حضرتك لو بتمشى بيها كل يوم وكتير يبقى الصبح كفايه عليها من 3 الى 5 ثوانى لو بقالها يوم متحركتش مثلا ممكن تقعد دقيقه جنبها ماشى وبرضه ممكن اكون غلطان بس انا عن نفسى متأكد من المعلومه

[medo_8]

وفايده التسخين ان حضرتك لو مشيت بالعربيه وهى بارده مش سخنه مش هتلقيها بتسحب معاك ويبقى انت كدا بتعمل حاجه غصب عن العربيه وبتكبس بنزين عليها وهى مش سخنه فدا بيبقى غلط عليها انما من حيث التكنولوجيا بقى معرفش بصراحه ممكن الخبراء يفيدوك

[Mohammmed]

دقيقة مناسب قووى فى التسخين

[yoko]

كل كتالوجات العربيات الجديدة بتقول تدور وتمشي بعد ٣٠ ثانيه بشرط إن الrpm ميعلاش عن ٣ لحد ما العربية تسخن وبما إنك معندكش rpm يبقى متقرص على العربيه لحد ما تسخن

[hosamdaewoo]

التسخين المعتدل ---لغاية لما عداد الحرارة يبدأ بالتحرك
او 120 ثانية

[batviser]

طيب ما ايه رايكم نعرف ايه الغرض من التسخين و بكده هنعرف نسخن قد ايه ....

التسخين ده بيتعمل اصلا عشان الزيت يزيت جميع اجزاء الموتور المتحركه ... فيقلل اهلاك الموتور عشان الاحتكاك الى بيحصل بين المعادن الى جوه الموتور ....

و طبعا انتم عارفين ان كل ما زادت درجة الحراره كل ما قل لزوجة الزيت ... فا الزيت عند درجة حرارة الموتور الطبيعيه بيكون فى احسن درجة لزوجه للعمل داخل المحرك ... فنظريا يتم التسخين حتى وصول المحرك لدرجة حرارة العمل الطبيعيه ... الى هى 90 درجه مئويه تقريبا ....

كلام جميل بس عند التطبيق وجد ان الفتره اللازمه لتسخين المحرك - بدون ما العربيه تمشى - طويله جدا ... حوالى 5 دقائق صيفا ... و 7 شتاءا ... دا غير ان الموتور بيجهد من العمل بدون حمل ... اى بدون ما العربيه تمشى ... و طبعا طول الفتره الطويله دى الموتور تزييته مش اد كده ... فا لتسريع وصول المحرك الى درجة حرارة العمل المثاليه قالك تمشى بالعربيه ... بس من غير متزود لفات الموتور عن 3000 لفه فى الدقيقه ... عشان معدل الاهلاك ميكنش عالى ... و بكده الموتور يوصل لدرجة حرارة العمل المثاليه - الى بيكون كفائة الزيت فيها مثاليه - بسرعه ...

طيب الخلاصه ايه ؟
الخلاصه ... سخن العربيه حوالى 30 - 60 ثانيه و امشى براحه لحد ما المؤشر يوصل للنصف ... الى هي حرارة الموتور الطبيعيه ... و بعد كده شد و اجرى براحتك ....

و الله اعلم ..
ارجو انى اكون افادتكم ...

[samirayad]

التسخين المعتدل ---لغاية لما عداد الحرارة يبدأ بالتحرك

+1

[khalid9411]

ربنا يخيلوا لينا+1111111111111111111111

[Akram]

التسخين المعتدل ---لغاية لما عداد الحرارة يبدأ بالتحرك
او 120 ثانية

انا على طول بعمل كده بس يراعي انه لو انت ساكن على طريق سريع و بالتالي عداد الـ rpm هيزيد عن 3000 أول ما تتحرك يبقى لازم تسخن أكتر من كده , لكن لو ساكن في طريق جانبي و قدامك مسافة تمشيها بالراحة لغاية ما توصل لطريق سريع يبقى 3 أو 4 دقائق تسخين و اتحرك بالعربية.

[knightmido]

لا املك الا شكر الاخ الفاضل اللى طرح السؤال وحضراتكم على الاجابات بصؤاحة الموضوع ده كان ممل اوى خصوصا الصبح بقعد حوالى 10 دقايق علشان العربية تسخن

[medo_8]

صح سورى انا نسيت 30 ثانيه

[omrkhaled]

111111+

[MMamdouh]

كل كتالوجات العربيات الجديدة بتقول تدور وتمشي بعد ٣٠ ثانيه بشرط إن الrpm ميعلاش عن ٣ لحد ما العربية تسخن وبما إنك معندكش rpm يبقى متقرصش على العربيه لحد ما تسخن

+1

MMamdouh

[zaza_lanos]

هما 4 دقايق لغايط ماشيل تل التراب اللى فوق العربية