قدر الله وما شاء فعل...لودر خبط الباب الشمال للسائق ارجو القراءة والرد بسرعة

[mohelmy]

عفوا احبائى ارجو منكم اتخاذ القرار معى...
من حوالى ساعة كان فيه زحمة نتيجة اعمال رصف واثناء قيام الللودر برفع المخلفات خبط باب السائق وهو بيرجع للخلف والنتيجة ان الباب اتبهدل (اتطبق فى اكتر من مكان) بس البوية سليمة والجريدة اتخلعت والمراية الشمال اتخلعت من مكانها بس سليمة ووقعت على الارض والمسافة بين الباب والرفرف اتغيرت بس الباب بيقفل ولكن الزجاج الكهربا مابيطلعش للاخر غير بالقوة
مش عارف الحل ايه؟؟ ارد الباب على البارد ولا اغيره كله؟؟والمراية ممكن يتعمل فيها ايه ولا لازم تتغير هى كمان؟ ارجو الرد بسرعة بقدر المستطاع حتى ابدا الحل بكرة ان شاء الله

[samirayad]

حاول تعرض الموضوع على أكثر من سمكرى
يحاول يرده على البارد بطريقه نظيفه (طالما البويه مقشرتش )
وده ممكن يغنيك عن رش باب جديد ( بسبب أختلاف درجة اللون )
وقد يكون الموضوع علاجه سهل أن شاء الله

وقدر الله وما شاء فعل
فلعله خير
وده أكيد

[zocor742]

بسيطة ياباشا ان شاء الله

كان عندى من فترة اكصدام نص نقل خلفى دمرلى الرفرف الامامى الشمال اول ما اشتريت العربية وقبل ما ارخصها
وديتها لسمكرى سمعتة كويسة ردهولى على البارد استخدم زيت خطى بية الرفرف مكان الشغل عشان ابوية متتأثرش بالدق عاليها والرفرف اتظبت مش هقولك رجع زى الاول بس مش سىء ولما العربية تاخد وش نظافة كلة يتعمل بالمرة مش كل ما العربية تتحك هنفضل نرقع فيها وتبقى كل حتة لون .
ومصر فيها سمكرية تمام مبيغلبوش فى حاجة بالزات السمكرية عندنا مهرة بجد فا بسيطة بس حاول تردها على البارد دلوقتى احسن

[hosamdaewoo]

والمسافة بين الباب والرفرف اتغيرت
حاول تسأل على باب استيراد

[Akram]

لازم المسافة هتبان انها اختلفت لكن لما الباب يترد هتلاقيها بقت سليمة ,
انت روح لسمكري كويس و هو يحكم اكتر هل الباب يمكن رده على البارد و شكله هيبقى مقبول و لا هيحتاج حموات و بالتالي هتضطر ترش الباب ,
و بالنسبة للمراية انا مش عارف التلف فيها ايه ممكن يتعالج و لا تجيب واحدة تانية و لو هتجيب واحدة تانية شوف الجديد بكام و الاستيراد بكام و حدد انت المناسب.

[gebreel]

قدر الله و ما شاء فعل
في عندي هنا سمكري كويس جدا في مدينة نصر و هيعملك اللي انت عاوزو و مش هيغلي عليك ولا هيفتح شغل لو حابب نتقابل و نروحلو سوا

[mohelmy]

اشكركم جميعا على سرعة الرد

انت روح لسمكري كويس و هو يحكم اكتر هل الباب يمكن رده على البارد و شكله هيبقى مقبول و لا هيحتاج حموات و بالتالي هتضطر ترش الباب ,
و بالنسبة للمراية انا مش عارف التلف فيها ايه ممكن يتعالج و لا تجيب واحدة تانية و لو هتجيب واحدة تانية شوف الجديد بكام و الاستيراد بكام و حدد انت المناسب.

انا نازل الان رايح لسمكرى يشوف الموضوع فعلا وان كان معظم اللى شافوا الباب من اصدقائى قالوا انه ممكن يترد
بالنسبة للمراية اتضح ان اللى اتكسر هى القاعدة بتاعتها فقط والحمد لله احد اصدقائى طلع عنده مراية قديمة هافك قاعتها واركبها مع مرايتى ان ان شاء الله

دعواتكم

[hosamdaewoo]

ربنا يكرمك يا ابنى وترجعلنا مجبور الخاطر

[mummy_47]

حمدالله على سلامتك اولا.....انا كان دخل في ForkLeft ونش شوكة وانا في طريقة الى عملي في احد مصانع 6 اكتوبر....وفي احد التقاطعات..فوجئت بيه داخل بالشوكة في الرفرف اليمين لحد نصف الموتور...وانا مكنتش على سرعة عالية نهائي....فطبعا تخيل ايه اللي هصل وقدر انت التلفيات...الحمدالله ان شوكته مدخلتش من باب السواق كنت رحت فيها...

الحمدالله..وبعدين اوعى تزعل على حاجة حصلت في العربية لانها بتفادي حاجة لا قدر الله...وحاول تخلي حاجة بايظة في العربية علشان العين والحسد وخلافه...وعاوز رايي...لو الخبطة مش مضايقاك قوي خليها ومتصلحاش عشان اللي يشوف العربية تصعب عليه وميحسدهاش..

مع تحياتي

[Samah AbdAllah]

المهم ان حضرتك بخير
وان شاء الله العربية ترجع زى الاول
ابقا طمنا عملت ايه

[waleedrahmy]

شوف الباب الاول ان كان ينفع سمكرة علي البارد ماشى.............. ان مكنش ينفع بارد فخش علي السخن ورش الباب وامرك لله.......................وانا ليا راي مكلف بس احسن خصوصا مع الابواب غيره بواحد استيراد احسن وانظف والخلوص بين الباب والقايم سوف يرجع كما كان

[mohelmy]

ربنا يكرمك يا ابنى وترجعلنا مجبور الخاطر

الله يكرمك يا رب

حمدالله على سلامتك اولا.....انا كان دخل في forkleft ونش شوكة وانا في طريقة الى عملي في احد مصانع 6 اكتوبر....وفي احد التقاطعات..فوجئت بيه داخل بالشوكة في الرفرف اليمين لحد نصف الموتور...وانا مكنتش على سرعة عالية نهائي....فطبعا تخيل ايه اللي هصل وقدر انت التلفيات...الحمدالله ان شوكته مدخلتش من باب السواق كنت رحت فيها...

الحمدالله..وبعدين اوعى تزعل على حاجة حصلت في العربية لانها بتفادي حاجة لا قدر الله...وحاول تخلي حاجة بايظة في العربية علشان العين والحسد وخلافه...وعاوز رايي...لو الخبطة مش مضايقاك قوي خليها ومتصلحاش عشان اللي يشوف العربية تصعب عليه وميحسدهاش..

مع تحياتي

الحمد لله على كل حال واشكر حضرتك

شوف الباب الاول ان كان ينفع سمكرة علي البارد ماشى.............. ان مكنش ينفع بارد فخش علي السخن ورش الباب وامرك لله.......................وانا ليا راي مكلف بس احسن خصوصا مع الابواب غيره بواحد استيراد احسن وانظف والخلوص بين الباب والقايم سوف يرجع كما كان

انا نزلت النهاردة للسمكرى وقال انها ان شاء الله ممكن تيجى على البارد وهو شغال فيها الان
بالنسبة للباب الاستيراد ان مفضلتش كدة لان اكيد لازم يكون فيه فرق لون ونرجع نرشه تانى وعلى فكرة الحل دة مش مكلف نسبيا لان السمكرى طلب فى الموضوع دة 400 جم نزلت لحد 300 بالقوة

[kiroo]

طب الحمد لله بسيطة لو 300 جنية ... الحمد لله انها جت على قد كدة

[mohelmy]

الحمد لله
خلص العمل الهاردة وتم رد الباب على البارد واصبح شكله مقبول جدا بدرجة لم اكن اتخيلها بس لسة فيه مشكلتين بسيطتين الاولى ان الباب مع فتحه فيه تكة بسيطة كدة والتانية ان المراية اللى صاحبى هادانى بيها خدنا منها القاعدة بس اتضح ان دراعها اللى بيحرك المراية من جوة بايظ وهاشوف واحد تانى ان شاء الله مع تظبيط الباب عند حد بتاع ابواب
اشكر كل من شاركنى موضوعى وادعو الله بالسلامة للجميع

[احمد المصرى]

الحمد لله انك بخير وربنا يعوض عليك بالخير