نوبيرا بريميوم 1500

[Shiref_mohamed]

عاوز اعرف مواصفات موتور النوبيرا بريميوم doc 1500 او على الأقل القدرة الحصانية للموتور
وكمان لو حد معاه السرفيس مانوال بتاع النوبيرا يبقى تمام

[mummy_47]

انا معايا العربية ديه....جضر تك تقصد اللي بتيجي من بورسعيد ..وهي بتبقى اوتوماتيك...لكن انا معرفش المواصفات الفنية بتاعتها.....لكن من واقع استخدامي ليها على مدار سنتين ممكن اقولك على ميزاتها وعيوبها لو حبيت..

مع تحياتي

[Shiref_mohamed]

انا معايا العربية ديه....جضر تك تقصد اللي بتيجي من بورسعيد ..وهي بتبقى اوتوماتيك...لكن انا معرفش المواصفات الفنية بتاعتها.....لكن من واقع استخدامي ليها على مدار سنتين ممكن اقولك على ميزاتها وعيوبها لو حبيت..

مع تحياتي

متشكر اوي لرد حضرتك ..
بس انا عارف العربية كويس انا الى عاوز اعرفه هو مواصفات موتورها يعني Bore/Stroke ,torq ,hb

[waleedrahmy]

وماله قلنا برضه علي عيوبها ومميزتها لتعم الاستفادة

[zocor742]

هيا البريميوم كلها اوتوماتيك ولا اية
انا بشوف مانيوال منها

[moudy88]

ياريت يااستاذ mummy تقولنا على المميزات والعيوب وتوصفلنا العربيه حته حته ...ولو حتى في موضوع منفصل

[mummy_47]

ياريت يااستاذ mummy تقولنا على المميزات والعيوب وتوصفلنا العربيه حته حته ...ولو حتى في موضوع منفصل

حاضر وتحت امركم:

بالنسبة للمميزات:
- عربية بتكون بحالة الزيرو فعلا ومش كلام- استعمال خارج كانها ممشيت خالص وكانك بتاخذ عربية على الزيرو..كل حاجة في مكانها والتكت على الموتور في مكانه حتى الورق اللي على العتب وفي الابواب في مكانه مفيش حاجة متهانة.
-العربيات ديه بتكون من بورسعيد معاقين وفي منها عادي وفي منها Premium وال Premium في منه عادي وفي منه اوتوماتيك...الفرق بينهم ان الاوتوماتيك فيها ايرباج عند السائق ومحول راديو تسجيل في الدركسيون ...ديه الاختلافات اللي لاحظتها..
-المواصفات الفنية هو الموتور 1500 DOHC -الموديل اللي معايا كوري من كوريا لان كل الاستيكر داخل الموتور والصالون بالكوري .-الموديل بتاعي 99 صناعة GM ايضا الفتيس اوتوماتيك صناعة GM يختلف الفتيس الاوتوماتيك عن المصري بانه كهرباء مش Wire زي المصري ممكن يتقطع من كتر الكيك داون -
-الفرش جلد بلون السيارة مع فرش طارة الدركسيون وجلد بنفس اللون.
-ابنوس حول الكاسيت والتكييف ومقابض الابواب.
-الكاسيت جميل جدا ماركة DAWEOO تاتش.
-التكييف تاتش زي تكييف المنزل تماما-ظبط درجة الحرارة زي ما انت عاوز او خليه اوتوماتيك كيف ما تحب- رائع وكفائة عالية جدا.
-انا استلمت العربية ببطارية بلدها وكانت جافة وكل الكلام كوري ايضا.
-جنوط سبور مقاس 195-55-15 مختلفة عن المصري اللي بتكون 14".
-الكشافات الامامية عدسات-مش زي المصري -عادية.
-الفتيس الاوتوماتيك فيه 1-2-3-N-D-R اعتقد المصري في 1-2-N-D-R
-الفتيس فيه زرار في الجنب اسمه POWER للقيادة الرياضيةز وفيه في الجنب تحته زرار HOLD للقيادة الاقتصادية. يعني الا RPM مش هيعدي 2.50 او 3 هيبقى عن ال ECONMIC
-الفتيس عمرك ما تحس بالنقلات ابدا- سواء نقلات اعلى او اقل..ناعم جدا جدا.
-عمري ما سمعت كركرة وانت بتاخذ ملف -زي ما كان بيحصل في عربيتي القديمة المانوال.
-بالنسبة للموتور ففيه اختلاف في فتحة البوابة عن المصري وكذلك في كمبيوتر الفتيس اللي جنب البطارية...واعتقد فيهه حاجات اخرى انا مفهمش فيها.
-بالنسبة للاداء فهو رائع كما في النوبيرا المصري وطبعا الثبات افضل بفضل الكاوتش العريض وخصوصا في المنحنيات والملفات.
-تسارع السيارة رائع ايضا مش زي المانوال اكيد لكنه كويس جدا بيكون بظئ في البداية لمدة 3 او 4 ثوان ثم تفتج بقى.-متنسوش انه فيها علبة بيئة ودي بتقلل من التسارع كتير.

بالنسبة للعيوب:
-الكراسي غير مريحة وغطسانه يعني لو انت في مشوار طويل هتلاقي ظهرك وجعك.
--الصالون ضيق من ورا يعني اللي هيقعد ورا رجله هتتخدل شوية.
-الصاج حفيفي جدا جدا يعني لو كلب قعد على السقف او لمس العربية هتعلم.
-البوية بتتشال بسهولة.

مش عارف اقول ايه تاني -- ده اللي انا فاكره حاليا...لو افتكرت حاجة هبقى اقولكم..

ارجو ان اكون افدتكم

مع خالص شكري

[mummy_47]

وده منقول عن استاذ Msalama

جبتيلكوا شوية صور علشان تشوفوا الفرق بين النوبيرا المصرى و الكورى و ده طبعا اللى انا أكتشفته بس بالمقارنه بالنظر و من

خلال الأعطال بس أكيد فيه حجات تانيه انا لسه مش عارفها و ما خفى كان أعظم

أولا: ال MAP مختلف تماما و دى صورته
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 56KB.

ثانيا: فيه حاجه هنا فى النوبيرا المصرى مش عندى أيه هى مش عارف صورتها أهه
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 61KB.

ثالثا: دى برضه كارته مش موجوده فى المصرى أظن انها خاصة بالفتيس
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 48KB.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 51KB.

رابعا: ده مشط خاص بالفتيس غيرته بعد ما جبت العربيه ب 5 شهور كانت مش بتجيب أول و تانى بتطلع على التالت على طول

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 39KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 46KB.

خامسا : مفتاح الهولد و الباور لاححظ كمان تابلوة العدادات فيه لمبتين ليهم مش فى المصرى

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 49KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 28KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 591x493 الابعاد 28KB.

سادسا : الحساس ده بقى دوخنى مش موجود خالص لغاية ما واحد جابهولى من كوريا و هو جاى أسمه حساس الكامه بيركب
بين ترسين الكامه جوه غطاء سير الكاتينه

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 25KB.

سابعا : الكاسيت طبعا واضح أنه مختلف التكييف برضه إلكترونى

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 48KB.

[x_gomgom]

الف شكر على التوضيح و المعلومات الغزيره...
جزاك الله كل خير...

[MMamdouh]

طيب احنا لسة برضة موصلناش لمعلومة المكنة دى بتطلع كام حصان

MMamdouh

[hosamdaewoo]

شكرا لمجودك

[zocor742]

تقرير رائع وتستاهل عالية مليون تحية
مشاء الله الله يباركلك فيها ويبعد عنك شرها
العربية دى من العربيات اللى بعشقها بجد وكان نفسى اركبها بس محصلش نصيب وربنا رزقنى بنوبيرا 1
وفيها حاجة من ريحتها كمان طقم الجنوط ال15 الاسبور .

بس فى حاجة محيرانى ياترى مكنة البريميوم ال1500 هيا مكنة النوبيرا ال1 1500 ولا فى اختلاف فى البوابات بردو
واللى هموت واعرفة النوبيرا 1 والبريميوم ال1500 كام حصان تخيلوا واحد راكب عربيتة ميعرفش كام حصان؟؟؟؟؟؟؟؟؟

[hosamdaewoo]

ولا تموت نفسك ولا حاجة
128.7 حصان عند 5400 rpm

[hosamdaewoo]

لا مؤاخذة 128 بتاعة الموتور ال2000 cc
1500 dohc حوالى 100 حصان

[zocor742]

لحقتنى على اخر لحظة يا استاذ حسام
ال100 حصان بردو على 5400 لفة
طيب فى حالة اننا بننقل على 3000 او 3500 لفة المكنة بطلع كام حصان؟؟؟؟