If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
انا عندى على عصاية الفتيس بتاع عربيتى اللانوس الاوتوماتيك زرار مش عارف بتاع ايه بس لما بضغط عليه بيظهرلى على لوحة بيانات العربية كلمة باور
ياريت تفيدونى الزرار ده وظيفته ايه
[OVERLINE]
لا اله الا أنت سبحانك اني كنت من الظالمين
[/OVERLINE]
كان بيظهر عندى وبتنور كتير ومعرفش بتاعت اية وبعد كدة بقيت احس ان العربية بتنطر فى النقلة وانا مش عارف دة منور لية عرفت انة بتاع الزرار دة والقيادة الرياضية بس طول الفترة اللى انا ماشى بيها ومش عارف كدة هل فى تاثير على الفتيس لان بعدها جاب واير هل فى علاقة ؟؟
كان بيظهر عندى وبتنور كتير ومعرفش بتاعت اية وبعد كدة بقيت احس ان العربية بتنطر فى النقلة وانا مش عارف دة منور لية عرفت انة بتاع الزرار دة والقيادة الرياضية بس طول الفترة اللى انا ماشى بيها ومش عارف كدة هل فى تاثير على الفتيس لان بعدها جاب واير هل فى علاقة ؟؟
الزرار ده عندي في النوبيرا الاوتوماتيك بتاعتي لكن كهرباء مش واير...وده وظيفتة فعلا للقيادة الرياضية...يعني يطول روح النقلة كل ما انت ضاغط على دواسة البنزين....وكمان مينقلش النقلة اللي بعدها الا لو خفيت رجلك على البنزين وكنت في طريق مستوي..(مثال:انت ماشي في طريقك عادي وعلى D وفجاءة لقيت كوبري فاول ما العربية هتطلع الكوبري هتلاقيها نقلت لوحدها غيار اقل عشان تزود عزم السيارة لحد ما تخلص الكوبري وترجع تاني للطريق الطبيعي)...كمان بيفيد الزرار ده لما تحب تطلع من عربية قدامك يا اما تضغط عليه وهتلاقي العربية نزلت نقلة لتحت يعني لو انت على الرابع هتبقى على الثالث وبكده العزم هيزيد والعربية هتنط وتجري اكثر وده بيسمى kickdown او تسقيط تقلة..كمان ممكن تعمل الحركة ده من غير ما تدوس على الزرار..بانك تضغط دامد دواسة البنزين فتلاقي العربية هتنزل نقلة عشان تجاري الضغطة المفاجئة...
نصيحة...كثرة الكيك داون ممكن تبوظ الفتيس الاوتوماتك وخصوصا المصري وديه بتكون معظم الشكاوي من اوتوماتيك التقفيل المصري....لكن اعتقد ان التقفيل الاوربي والياباني والاكريكي مفيهوش مشكلة خالص وهات يا كيك داون للصبح....
ده من واقع تجربتي مع الاوتوماتيك لمده اكثر من عامين
الزرار ده بتاع السرعة المفاجئة أى لو انت عاوز تمر بين عربيتين بسرعة بيديك دفعة قوية والعربية بتفرش على الارض شوية وده معروف فى بعض الماركات الاخرى بال Over drive O.V
النوبيرا الاوتوماتيك بس الكورى مش المصرى بيكون الفتيس بتاعها كهرباء مش واير . وبيكون فيه زرارين واحد مكتوب عليه (power ) وده موجود فى زراع الفتيس تحت زرار الريليز الموجود فى راس زراع الفتيس . وهو خاص للقيادة الرياضية يعنى ميخليش الفتيس ينقل الا فى نهاية سرعة الغيار وده بيعطى العربية سرعة عالية فى الحالات المفاجئة ولكن يجب ترشيد استخدام هذا الزر للحفاظ على الفتيس .
الزرار التانى مكتوب عليه ( hold ) وهو موجود فى كونسول زراع الفتيس وده دوره انه ميخليش الفتيس بنقل للغيار التالى للغيار اللى تم فيه تشغيل زر الفتيس وده يزيد من عزم الموتور والفتيس بس على حساب السرعة طبعا .
Comment