ساعدوني ارجوكم في لانوس 2004

[gabr_sayed]

السلام عليكم
انا اشتريت ان شاء الله لانوس 2004 بس هي محتاجه شوية تظبيط من بره
ياريت مساعدتكم
اولا: محتاجه اكصدام امامي وخلفي اللي فيها شكلهم زباله ومتلحمين من كل حته
ثانيا : محتاجه فوانيس وراه وادام
ثالثا : محتاجه شوية دهانات خفيفه من بره مكان حكات وخرابيش كده
فياريت تقولولي اسعار الحجات دي ايه وتتكلف اد ايه
وياريت بالمره تقولولي سعرها اد ايه علشان يعني اشوف جبتها بسعر كويس ولالا
هي من جوه تمام وماتور تمام واكتر من ميانيكي وسمكري بص عليها قال انها مشكلتها بره بس محتاجه الحجات اللي قولتلكم عليها يا تري سعرها يكون في حدود اد ايه هو صاحبها مهمل فيها من بره بس هي فول اوبشن وكل كماليتها شغاله وتمام

[yssryaae]

انا ممكن افيدك بس فى انى اقولك على عنوان واحد فى المنصورة حاجاته كلها استعمال خارج ممكن تلاقى كل اللى انتى عاوزاه عنده وباسعار كويسه ان شاء الله اما بالنسبة لسعر العربية وقطع غيارها انا ابيض ياورد من الناحية دى فعذرا اكيد اخوانى بالمنتدى هيردوا عليكى

[migo9898]

متابع

[gabr_sayed]

مرسي اوي علي ردودكم بس انا من الجيزه والمنصوره بعيده شويه عليه

[Akram]

أولاً الف مبروك , و يا ريت تخرج حاجة لله بنية أن ربنا يباركلك فيها و يكفيك شرها ,

بالنسبة للإكصدام فإنت تقصد الجزء الفبر اللي بره , و ده الجديد بيعمل من 150 الى 200 جديد بس بيبقى مش مدهون و بيتم دهانه لوحده أو مع العربية لو هتدهنها كلها ,
أما لو مش هتدهن العربية دلوقتي فيبقى ممكن تجيبهم إستيراد بنفس لون العربية و تقريباً بنفس السعر السابق ,

بالنسبة للفانوس قدام فيه صيني بحوالي 80ج الواحد و اندونيسي بـ 120ج و مش عارف الكوري بكام و فيه كمان الإستيراد و اعتقد مش هيقل عن 100ج ,

بالنسبة للدهانات فلو هتدهنها كلها بدون السقف فأعتقد هتتكلف من 1000 الى 1200 (فرن) و لو فيها حاجات بسيطة محتاجة سمكري فالتكلفة حسب حجم الشغل و ان شاء الله هتبقى بسيطة .

[Akram]

على فكرة ش العشرين من ش فيصل فيه ناس كتير بتوع استيراد و فيه الميكانيكي محمد عبده و ده ناس كتير بتتعامل معاه , و هتلاقي المنير لقطع الغيار امام مستشفى تبارك في ش فيصل قبل ش العشرين

[beckeryahia]

اعتقد ان اسعار قطع الغيار اعلي من كده .. يعني الاكصدام الاصلي او الاستيراد اعتقد انة اغلي من كدة بكتير و الفانوي الامامي الاصلي اغلي من كده بكتير يعني اعتقد انة جديد اصلي من التوكيل بـ500 جنية . والصيني معفن اوي متجيبوش لا ورا ولا قدام .. الفاوس الخلفي للانوس2 استيراد نادر الوجود ولو لقيتة هاتلاقية مش حلو او غاااااالي اوي .. انا مرة لقيت فانوسين ورا استيراد عند سوسو اللي في فيصل قالي ال2 بـ450
بالنسبة لتمن العربية اعتقد انها لو فابريقة 100% دواخل والصالون حالتة حلوه ولو المكنة معقولة والكاوتش معقول والكماليات شغالة كويس اعتقد مابين 42000 الي 45000 علي حسب الحالة العامة