هل موتور اللانوس المانى؟

[lanos_power]

السلام عليكم
انا احب اسال الناس اللى فى المنتدى هنا
هل تعتقدوا ان موتور اللانوس المانى خصوصا و ان اللانوس مبنية على قاعدة عجل و شاسية الاسترا 1995 فهل فعلا موتور اللانوس المانى كونة فى ادائة يشبة كتير من اداء الموتور الالمانى حيث الكسل فى الغيار الاول و الثانى ايضا التسارع الجيد فى السرعات العالية

[marshal]

أنا قريت قبل كده أن فعلا الشاسيه والموتور بتوع أسترا 95
بس مش عارف حقيقى ولا لا ؟

[mr_sameh]

انا سمعت ان الموتور موتور استرا

[E30power]

فعلا البى تك بتاع اللانوس تبع جينرال موتورز ....

[tutankhamoun]

السلام عليكم
انا احب اسال الناس اللى فى المنتدى هنا
هل تعتقدوا ان موتور اللانوس المانى خصوصا و ان اللانوس مبنية على قاعدة عجل و شاسية الاسترا 1995 فهل فعلا موتور اللانوس المانى كونة فى ادائة يشبة كتير من اداء الموتور الالمانى حيث الكسل فى الغيار الاول و الثانى ايضا التسارع الجيد فى السرعات العالية

دايو كانت بتأخد تصميمات الموااتير من أوبل علشان كانت تبع جنرال موتورز و دلوقتي هي ملك تام لجنرال موتورز .
فده بيقول تصميم موتور اللانوس هو تصميم قديم من تصميمات أوبل .

و لكن الصناعة بالكامل كوري جنوبي .

أما بخصوص تسارع اللانوس ....
أنا شايف العكس ..... العربية في الأول تسارعها حلو و لغاية 120 كم - س ..... ( مش عربية سرعات عالية خالص )

و موضوع المواتير الألماني و التسارع .....
أنا بصراحة مش عارف الكلام ده منين ............

هو العربية علشان تقيلة ( العربيات الألماني مش اللانوس ) ده اللي بيخلي تسارع الموتور في الأول ضعيف علشان الوزن الكبير ....

[zaza_lanos]

منعاً للقيل والقال
الماتورا يوغسلافى الصنع
والشاسيه لاوبل استرا
حيث ان جنرال موتور تعتمد على شاسيهات اوبل


وهو من المواتير المعمرة فى العالم وده مش كلامى لوحدى

[sab3aawy]

اعرف عن اللانوس بعض المعلومات :
1- الموتور هو نفس تصميم موتور الأسترا اوائل التسعينات وهو يحمل اسم E-tech وهى علامة تجارية تملكها جنرال موتورز
2- اللانوس تحمل شاسية خاص بالأسترا انتاج اوائل التسعينات
3- مواتير الاجيال الأولى من اللانوس (من 99 وحتى 2004 تقريبا) مصنعة فى كوريا بالكامل، ولا يوجد فيها اى شئ مصنع فى ألمانيا
4- مواتير لانوس بعد 2004 وحتى نهاية علامة دايو فى مصر فى 2008 مصنعة فى رومانيا(حاليا اللانوس تحمل علامة شيفروليه )، وذلك استنادا الى ان دايو كانت شارية مصنع كرايوفا فى رومانيا (المصنع اللى كان بيعمل العربيات الأولتست زمان ) وابتدت تصنع فيه اللانوس والنوبيرا، ثم عندما بيعت دايو الى جنرال موتورز سقط من الصفقة عدة مصانع منها دايو مصر ودايو رومانيا ودايو بولندا(المصنع الذى كان ينتج البولونيز والتى صار اسمها دايو إف إس أو بعد شراء دايو له) ومصنع اوزبكستان (اللى كان بيعمل السيارة تافريا التى صار اسمها دايو سلافوتا بعد شراء دايو له)، ولذلك فقد اعتمد ابو الفتوح على دايو رومانيا لتوريد لوازم انتاج السيارة اللانوس والنوبيرا فى مصر
4- حاليا انا معرفش موتور اللانوس بييجى منين لأن جنرال موتورز اصحت هى منتجة اللانوس حاليا، فى حين ان المصنع اللى كان ابو الفتوح بيجيب منه(كرايوفا) اشترته فورد السنة اللى فاتت، ولا ادرى هل هو مستمر فى انتاج موتور اللانوس ام لا ولذلك احتمال كبير تكون معلومة صديقنا zaza lanos بشأن يوغوسلافيا دقيقة ولكن هناك احتمال أخر ان يكون جنرال موتورز مصر بدوره لسة بيجيب من كرايوفا، واحتمال ثالث ان يكون جنرال موتورز مصر بيجي الموتور من دايو كوريا او من الحتة اللى دايو كوريا بيجيب منها الموتور لأن المصنع المنتج للسيارة حاليا فى مصر ملك للشركة التى تملك دايو الأم بعكس الحال ايام ابو الفتوح، وجنرال موتورز لا تزال تنتج هذا المحرك فى كثير من مصانعها حول العالم لأنه نفس موتورالشيفروليه الأفيو الكورية والشيفروليه كورسا البرازلية والهولدن بارينا الأسترالية ، وبالتالى من الممكن لجنرال موتورز مصر الحصول عليه من أى مصنع من مصانعها
لكن بالفعل ، وبغض النظر عن مكان انتاجه، فهو محرك معمر جدا

[lanos_power]

اولا احب اشكر كل من شارك بمعلومات عن موتور اللانوس ولكن انا عندى بعد النقط اللى عليها علامة استفهام
اولا فكرة ان الموتور المانى مش معناها انة متصنع فى المانيا بس الفكرة فى فكرة عمل الموتور لان زى ما قولنا اللانوس استرا 1995 بتغيير الشكل
ثانيا اللى يشوف مواتير العربيات الكورى يلاحظ التسارع القوى فى الغيار الاول و الثانى و الثالث
على عكس اللانوس

و ارجو الرد على هذة النقاط
و شكرا

[Michael_Lanos]

انا مش عارف بصراحه
بس هو التصميم المانى ده اكيد، لكن تقفيله فين مش عارف

بس اللى ملاحظه انه مافيهوش سحب وشد الالمانى

[tigernet]

ايوة ياباشا صح

[tutankhamoun]

انا مش عارف بصراحه
بس هو التصميم المانى ده اكيد، لكن تقفيله فين مش عارف

بس اللى ملاحظه انه مافيهوش سحب وشد الالمانى

الكلام ده فيه تعميم يا استاذ مايكل ....
يعني أيه سحب و شد الألماني ؟؟؟
أيه هو الألماني ؟؟؟؟؟ لو بنتكلم عن سحب المرسيدس و البي أم
فده علشان مواتيرهم أصلا كبيرة .......... فسحبها عالي ........ مش علشان هي ألماني بقى سحبها عالي ...

الموتور الأصلي اللي موتور اللانوس متصنع عليه زي بتاع اللانوس في السحب
موتور قديم و تكنولوجيا قديمة ....... و موتور عادي ( على أده و متصمم لهذا الغرض )
مش علشان متصمم في ألمانيا يبقى لازم يكون زي مواتير المرسيدس و البي أم دبليو .

ما الكورسا 1000 سي سي و البولو 1000 ألماني
و سحبهم ضعيف و عربيات ضايعة في السحب ............
و مع ذلك ألماني ........

الموضوع ملوش دعوة بألماني و أيطالي ..........
الموضوع له علاقة بقوة الموتور النهائية ......... و كيفية تصميمه على أخراج عزم معين .....

موتور الجولف اللي هو 1600 عادي .............. عملنا سحب بالجين 2
و كنا ماشيين مع بعض ( سحب أصدقاء مش في وسط الزحمة ) كنا بنعمل سحب مواتير - طريق طوالي .

فأيه دخل ألمانيا في قوة الموتور ؟؟؟؟؟؟؟

ممكن بقى تكنولوجيا تانية تفرق ....... زي التوربو مثلا على موتور صغير زي tsi
و دي برضه ممكن تركب على أي موتور من أي شركة تانية .......... و هايدي نفس الأداء ......
و شوف مواتير شركة فيات اللي راكبة على اللينيا 1400 سي سي ........ و البرافوا 1400 سي سي .
و بتحسب عادي مع الجولف 1400 سي سي
و الأثنين عليهم توربو .........

أنا شايف أن الموضوعملوش دعوة خالص ببلد الصناعة بقدر تصميم الموتور نفسه و الخرج النهائي الخاص به .

و في النهاية اللانوس 84 حصان ............... أخرها يعني ....

[waleedraafat]

علشان كده كل ما اكلم ميكانيكي يقول لي العربيات الدايو قبل لحد 2004 حاجة وبعد 2004 حاجة تانية ، انا كنت شاكك ان في حاجة غلط وخصوصا ان صوت موتور العربية عامل بالظبط زي صوت الجرار الروماني الاصيل بتاع بلاده

حسبنا الله ونعم الوكيل في دي بلد كل رجال الاعمال فيها شيوخ منصر

[تامر.محمد]

شكرا على المعلومات القيمة
:)