سؤالين محيارنني.

[رزق]

1- هي اسمها علبة البيئة ولا علبة البينه؟...نون ولا ة
2- عايز أجيب مقياس ضغط كاوتش يكون تمنه مقبول وياريت لو فيه منفاخ.
لقيت واحد في on the run بس كان بألف وكسر فـطبعا سبته ومشيت, حد عنده فكرة ممكن الاقيه فين رخيص ويطلع بكم؟

[MMamdouh]

علبة البيئة

MMamdouh

[رزق]

شكرا يا ممدوح بيه,
طب دي جاية من كلمة إيه؟ عالاقل Bee2a دي مفهومة بس Beena دي مش لاقيلها معنى.

عالعموم , حد عنده فكرة عن مقياس الضغط اللي سألت عليه؟
Amazon.com: Campbell Hausfeld RP3200 12-Volt Inflator and Worklight: Home Improvement

ده شبه اللي أنا لقيته بيقيس وكمان ينفخ بس ده 40$ من غير التخفيض يعني نهار مايكون الدولار ب 6 جند ده ب 240 جنيه..يعني سرقة علني..


اللي من غير نفخ ب 6$ يعني بتاع 36 جنيه.




هو الكلام ده عليه جمرك 600% ولا إيه؟

[khalid9411]

مفيش فى مصر او فى التوفيقيه مقاس للضغط رقمى يا جماعة نفسنا فى واحد احسن من العدادات البايظه اللى عند بتوع الكاوتشات

[MoOoD]

إلى أعرفه إن راديو شاك بيبيع مقياس ديجيتال لكن بكام معرفش
ممكن حد يسأل عليه هناك ويقولك
بس مش بينفخ بيقيس بس

[رزق]

إلى أعرفه إن راديو شاك بيبيع مقياس ديجيتال لكن بكام معرفش
ممكن حد يسأل عليه هناك ويقولك
بس مش بينفخ بيقيس بس

ينفع ده أعتقد والله يخليك. أنا ممكن أسأل عليه بنفسي أنا مكنتش أعرف أسأل عليه فين بس :)

استفسار تاني لو سمحتم

جنب الباب عندي ملزوق إني أحط 30 psi قدام و ورا,
في المنوال مكتوب برده 30 قدام we-30 ورا ولو حمولة كاملة 34 قدام وورا
الصنايعية قالتلي حُط 30 قدام و28 ورا

أعمل إيه؟
أنا بحط 30 قدام وورا بس بفكر 34 زي مال منوال بيقول لو حمولة كاملة.
مع العلم إني بركب لوحدي بس بحب اجرب

[A.Saad]

انا عندى مقاس ضغط
جبته من ش الجمهورية
مشيته من اوله من رمسيس لحد مستشفى صيدناوى
بس من الاخر

راديو شاك معدش بينزله
بس اسال تانى
اللى عنده ديجيتال زى اللى صورته فوق
ش الجمهورية
اغلبه صينى
اللى لقيته محترم فى محلين اتنين
ابو الجوخ - ليه كذا فرع وكل فرع اللى فيه غير التانى - واللى فيه حاجة كويسة الفرع اللى ناحية مستشفى صيدناوى هتلاقيه فى ممر داخل لجوة
وفيه محل قصاده الناحية التانية اسمه القاهرة او مصر
ده اللى جبت من عنده
ب 35 جنيه
اهم حاجة ما يقعش منك لان الوقعات بتاثر فيه حسب ما عرفت من المنتدى

اخر مرة رحت املى
بتاع الكاوتش اللى كنت برحلله قعد يقيس بالمقاس بتاعى والمقاس اللى عنده وفى الاخر يقوللى
ان مقاسه هوة زايد 5 بار
يعنى
لو قال لواحد انه 30
يبقى فى الحقيقة 25

على فكرة
حسام كوداك جى تى اى فى مشاركة لبيه قال ان المنفاخ الكويس فى التوفيقية ب 270 جنيه وبينجز معاه فى الوقت
الانواع اللى ب 70 جنيه مش بتسعف

[رزق]

تمام قوي وألف شكر.
حالف في التوفقية ودور باذن الله.
270 جنيه ارحم كتير من أبو 1300 بتاع on the run ده.

[رزق]

علبة البيئة

mmamdouh

شكرا يا ممدوح بيه,
طب دي جاية من كلمة إيه؟ عالاقل bee2a دي مفهومة بس beena دي مش لاقيلها معنى.

معلش العتب عالنظر..الفنط صغير قوي مشفتش إنك كاتب bee2a مش beena.
تمام كده أنا فهمت.

[A.Saad]

اللى ب 1300 ده
معاه عربية هدية ولا ايه

[A.Saad]

http://www.nilemotors.net/Nile/112744-a.html

[khalid9411]

المقاس الديجتال عمرة ما يغلط

[رزق]

اللى ب 1300 ده
معاه عربية هدية ولا ايه

ههه ولا أعرف واللهِ, هو في on the run بتاعت موبيل اللي قدام دريملاند لو حبيت تبص عليه..ويمكن تلاقيه في on the run التانيين.

[رزق]

http://www.nilemotors.net/nile/112744-a.html

اللي فهمته إن أبو 60 جنيه ده مش تمام. اللي في كارفور وسبينس

أبو 260 حابوص عليه إن شاء الله.

شكرا جزيلا.

[رزق]

معلش برده, هو النضيف ده بيستخدم البطارية وتاني بيستخدم الولاعة ولا مش ضروري؟