اختلفت الشيفرولية لانوس عن الدايو لانوس فى الآتى :-

[sandras]

توجد عدة اختلافات بسيطة بين السيارتين ولاكن الجوهر واحد والمحرك والتصميم
1-اختلاف الشبكة الامامية وتغيير الشعار الامامى والخلفى
2-التعليق .. حيث اصبحت السيارة مرفوعة عن الارض بقدر كافى لتلاشى المطبات ولاكن هذا يقلل من ثبات السيارة على السرعات العالية وهذة مشكلة حيث السيارة سيئة من حيث الثبات
3-كاسيت السيارة استبدل بكاسيت اخر من نوع Kenwood لتشغيل السى دى والام بى ثرى بدل من الكاسيت الكلاريون القديم - ولكن الكاسيت صناعة مصرية وبه عيب رفع الإيريال الكهرباء مع كل من ( الراديو - السى دى - الخارجى AUX ) وكان يجب تشغيله مع الراديو فقط
4-المقاعد اصبحت اكثر قسوة وهذا يعتبرة البعض ميزة والبعض الاخر عيب ... حيث ان مريحة فى الرحلات الطويلة
5- السيارة كان بها نظام تعديل المقود (تليسكوبيك) وتم الغاؤه فى غير الكامله
6-الدبرياج اصبح خفيف جدا مثل دبرياج الانسر
7-تغيير بسيط فى شكل السماعات الامامية
8-تغيير بسيط فى لون السقف من الداخل وفى بطانة الابواب

مع تحياتى
__________________

[تامر.محمد]

مرة ميكانيكي قال لي ان الشيفروليه نازل بمساعدين مختلفين عن الدايو , و مش حلوين و ناس كتير بتغيرهم

بس الله اعلم الكلام ده صح ولا كلام فاضي

[aly_hosny]

توجد عدة اختلافات بسيطة بين السيارتين ولاكن الجوهر واحد والمحرك والتصميم
2-التعليق .. حيث اصبحت السيارة مرفوعة عن الارض بقدر كافى لتلاشى المطبات ولاكن هذا يقلل من ثبات السيارة على السرعات العالية وهذة مشكلة حيث السيارة سيئة من حيث الثبات
3-كاسيت السيارة استبدل بكاسيت اخر من نوع kenwood لتشغيل السى دى والام بى ثرى بدل من الكاسيت الكلاريون القديم - ولكن الكاسيت صناعة مصرية وبه عيب رفع الإيريال الكهرباء مع كل من ( الراديو - السى دى - الخارجى aux ) وكان يجب تشغيله مع الراديو فقط
4-المقاعد اصبحت اكثر قسوة وهذا يعتبرة البعض ميزة والبعض الاخر عيب ... حيث ان مريحة فى الرحلات الطويلة
6-الدبرياج اصبح خفيف جدا مثل دبرياج الانسر
7-تغيير بسيط فى شكل السماعات الامامية
8-تغيير بسيط فى لون السقف من الداخل وفى بطانة الابواب

مع تحياتى

نفس التعليق تقريبا لانها نفس العربية

الكاسيت فعلا متغير
نفس الفرش
الدبرياج اتقل من اللانسر وانا مجرب اللانسر
مش عارف شكل السماعة القديم ازاي بس هو نفس فرش الابواب

[MMamdouh]

2-التعليق .. حيث اصبحت السيارة مرفوعة عن الارض بقدر كافى لتلاشى المطبات ولاكن هذا يقلل من ثبات السيارة على السرعات العالية وهذة مشكلة حيث السيارة سيئة من حيث الثبات

نظام التعليق فى الاتنين واحد... الفرق بس ان الشيفرولية لانوس لسة جديدة و السوست محافظة على ارتفاعها الطبيعى بالتالى لما تقارنها باى دايو حتبقى واطية بالنسبة للشيفرولية

5- السيارة كان بها نظام تعديل المقود (تليسكوبيك) وتم الغاؤه فى غير الكامله

الكلام دة موجود فى الدايو لانوس

6-الدبرياج اصبح خفيف جدا مثل دبرياج الانسر

الدبرياج بيتقل من الاستخدام (اجهاد للدسك)... اسال اى واحد مغير طقم دبرياج قريب حيقولك ان الدبرياج بقى تحت رجلة زى الريشة

MMamdouh

[Samir Elshahawy]

3-كاسيت السيارة استبدل بكاسيت اخر من نوع kenwood لتشغيل السى دى والام بى ثرى بدل من الكاسيت الكلاريون القديم - ولكن الكاسيت صناعة مصرية وبه عيب رفع الإيريال الكهرباء مع كل من ( الراديو - السى دى - الخارجى aux ) وكان يجب تشغيله مع الراديو فقط

نفس الكلام في الدايو لانوس
علي فكرة هي نفس العربية بس غيروا الشبكة الامامية و العلامة
يعني لو أشتريت شيفورليه لانوس و ركبت عليها شبكة الدايو و العلامة بتاعتها مش هاتعرف أنها شيفورليه

[beckeryahia]

انا شفت منظر غريب جدا .. تاكسي دايو واقف عند بتاع الاكسسوار واشتري شبكة والعلامات الشيفرولية وواقف يركبهم , بيعمل up date
ربنا يشفي

[baaaeldinn]

لأ فعلا الدبرياج خفيف زي الانسر

[tompina]

على فكرة .. اللي ملاحظه كمان من حيث الشكل العام للصاج .. إنه أصبح بيوحي بالهشاشة أكتر من الدايو القديم .. وسمعت كلام مش متأكد منه إن العفشة الجديدة والشاسيه أصبحوا سيئين جدا (زي اللانسر الجديد)

[sarawe511]

على فكرة .. اللي ملاحظه كمان من حيث الشكل العام للصاج .. إنه أصبح بيوحي بالهشاشة أكتر من الدايو القديم .. وسمعت كلام مش متأكد منه إن العفشة الجديدة والشاسيه أصبحوا سيئين جدا (زي اللانسر الجديد)

و النبي ي جماعة بلاش اشاعات ع الشارك ربنا يكرمكم

[kiroo]

5- السيارة كان بها نظام تعديل المقود (تليسكوبيك) وتم الغاؤه فى غير الكامله

معلش يا جماعة اخوكو جاهل , كنت عايز اعرف اية دة بعد اذنكو

[Shiref_mohamed]

معلش يا جماعة اخوكو جاهل , كنت عايز اعرف اية دة بعد اذنكو

ده الدركسيون المتحرك ..
وهو في الدايو عبارة عن زراع موجود في قطمة الدركسيون تحديدا ورا مفتاح الأنوار والإشارات ولما بتسحبه لفوق بتقدر تعدل ارتفاع الدركسيون زي ما انتا عايز عشان راحة القياده ...
وهو موجود في اللانوس الكاملة ومش موجود في النص كماليات

وكمان موجود في الشيفروليه اللانوس الكاملة ومش موجود في النص كماليات

[sab3aawy]

نظام تعديل عجلة القيادة فى اللانوس عمره ما كان تليسكوبى، (النظام التليسكوبى هو الذى يسمح بحركة عجلة القيادة للامام والخلف بالاضافة الى الحركة لأعلى واسفل) ، نظام تعديل عجلة القيادة فى الللانوس لأعلى واسفل فقط، وطول عمر نظام رفع وخفض عجلة القيادة كان موجود فى اللانوس الكاملة فقط، فى اللانوس النص كماليات مكانش فيها تعديل وضع عجلة القيادة سواء كانت دايو او شيفروليه.

[Shiref_mohamed]

نظام تعديل عجلة القيادة فى اللانوس عمره ما كان تليسكوبى، (النظام التليسكوبى هو الذى يسمح بحركة عجلة القيادة للامام والخلف بالاضافة الى الحركة لأعلى واسفل) ، نظام تعديل عجلة القيادة فى الللانوس لأعلى واسفل فقط، وطول عمر نظام رفع وخفض عجلة القيادة كان موجود فى اللانوس الكاملة فقط، فى اللانوس النص كماليات مكانش فيها تعديل وضع عجلة القيادة سواء كانت دايو او شيفروليه.

+11111111111111111111
والبقاء لله وربنا يصبرك يا استاذ خالد

[MMamdouh]

دركسيون متحرك لاعلى و اسفل

MMamdouh

[MMamdouh]

نظام تعديل عجلة القيادة فى اللانوس عمره ما كان تليسكوبى، (النظام التليسكوبى هو الذى يسمح بحركة عجلة القيادة للامام والخلف بالاضافة الى الحركة لأعلى واسفل) ، نظام تعديل عجلة القيادة فى الللانوس لأعلى واسفل فقط، وطول عمر نظام رفع وخفض عجلة القيادة كان موجود فى اللانوس الكاملة فقط، فى اللانوس النص كماليات مكانش فيها تعديل وضع عجلة القيادة سواء كانت دايو او شيفروليه.

+1

MMamdouh