زيت على البوجية

[medo_8]

يا استاذ محمد ممدوح انا عندى مشكله بس بجد مش عارف هى ايه انا صحيت فى يوم بفتح كبوت العربيه عادى لقيت الأربع بوجيهات التالت من اليمين عليه زيت حوليه كدا والباقى نظيف معلهوش زيت قلقت رحت للتوكيل الى واقف هناك قالى ممكن يكون عايز المسامير تتربط المهم ربطهم قالى لا كويسين يبقى احتمال تانى انت العربيه عايز يتغيرلها جوان علشان بتسقط زيت وعلشان مش تبهدل المكنه زيت وقلتله ينفع امشى بيها قالى اه عادى على حسب الكيلوات الى انت بتعملها بس ينفع عادى تمشى عليها انا مش فاهم جوان ايه بالظبط الى يتغير وعايز حضرتك تقولى كدا يبقى فى ايه فى العربيه علشان انا بجد مش عارف

[samirayad]

غير جوان غطاء التاكيهات عندك
بجوان تخين وربط الغطاء كويس
وممكن لو الجوان مقطعش
تديها جوان سيلكون حرارى كمان من حول غطاء التاكيهات
لمنع أى تسريب من منطقة حوض التاكيهات
وكده أتحلت أن شاء الله

وطبعا حتدى المكنه دور غسيل ونظافه بعد تغيير جوان غطاء التاكيهات
لمتابعة التطورات

[medo_8]

معلش يا استاذ سمير علشان انا لسه فى البدايه غطا التكيهات دا فين بالظبط وياريت تقولى العمليه دى كلها هتتكلف كام بعد اذنك طبعا

[medo_8]

وكمان حاجه بقى يا استاذنا كلامه صح انى ممكن امشى عليها عادى وعايز اعرف سبب الى حصل دا من ايه ممكن

[samirayad]

معلش يا استاذ سمير علشان انا لسه فى البدايه غطا التكيهات دا فين بالظبط وياريت تقولى العمليه دى كلها هتتكلف كام بعد اذنك طبعا

غطاء التاكيهات

هو أعلى غطاء فى المكنه عندك من فوق ومربوط ب8 مسامير على حوض التاكيهات

والعمليه بسيطه

حتكلفك فى حدود 30 أو 40 ج ( غطاء ومصنعيه )
وقول أنبوبة سيلكون ب10 ج كمان

بس خليه ينظف كويس مكان الجوان القديم ( على الحوض والغطاء من أسفل )

وكمان حاجه بقى يا استاذنا كلامه صح انى ممكن امشى عليها عادى وعايز اعرف سبب الى حصل دا من ايه ممكن

طالما فيه زيت بيطلع لبره المكنه
يبقى مستوى الزيت حيقل فى المكنه
دا غير أن المكنه شكلها مش حيبقى ظريف وحتلم تراب ورمال
وده حيبوظ الشكل العام لحوض المكنه

وطبعا كلامه مش صح

وحدوث الوضع ده عادى بسبب السخونه على الجوان القديم

بينشف ويبتدى يشقق وكفاءة حبكه بتقل ( وبالذات مع سخونة الزيت )
ووارد حدوث الموضوع ده مع أى واحد

[medo_8]

الف شكر يا استاذ سمير على المعلومات

[samirayad]

بالتوفيق
ان شاء الله