اخر انتاج للدايو

[makram555]

هل صحيح اخر انتاج للدايو بحلول نهاية عام 2008

[محمد البحيري]

نعم شهر 8 /2008

[ahmed1981]

قامت شركة GM بشراء شركة دايوو

والإنتاج متواصل ولكن بمسميات أخرى وفي بعض البلاد بنفس الأسماء القديمة

ولذلك فإن الأمر كأن لم يكن لأن المصنع لم يتوقف أو يغير انواع السيارات التي ينتجها

[Nader]

الكلام دة بالنسبة لتوقف مصانع ابو الفتوح عن تجميع سيارات الدايو.

[Jato.33]

مش ممكن
مش ممكن
مش ممكن

لا أعتقد نهائياً إن سيارة إنتجت وبيعت بهذه الكثافة ممكن تنقطع من شجرة كدة بسهولة

ويا ريت يعملوها عشان تلاقي حد أحسن منهم يجمعها أو يستوردها ويبقى أحسن برضه

اللانوس ستبقى إن شاء الله

[TAG_Turbo0]

الى انا أعرفة ان منصور أشترى مصنع الدايو علشان يجمع فية الشيفورلية أفيو وأبترا الى هم أساسا دايو لانوس ونوبيرا الجداد

[noni67]

كل واحد هنا بيفتى
كل واحد بيتكلم على كيفه
لا منصور اشترى مصنع ابو الفتوح
ولا الدايو هتقف اخر السنة ولا حاجه من الكلام ده خالص من مصادر موثوق فيها جدا جدا جدا
بطلوا اشاعات بقى

[محمد المشد]

فعلاً الانتاج سوف يتوقف اعتباراً من 8/2008 م والامر ليس فتوى او اشاعة ولكن من الشركة ، فعندما قررت ان اقوم بشراء الدايو نوبيرا 2008 ، خطر ببالى ان اطرح سؤال عن مدى صحة ايقاف انتاج السيارات الدايو ، وفعلا اكد مدير المبيعات لدى دايو فرع المعادى بأن الانتاج سوف يتوقف ويتم التركيز على الاسبرانزا وسوف يقوموا ابو الفتوح بالتوسع فى انتاجها وصيانتها وهذا حسب ما قيل ، اذن الامر لم يكن اشاعة او خلافة وهو حقيقة ، كما ان العقد مع ابو الفتوح سوف ينتهى بنهاية عام 2008م ولم يجدد ولن يجدد والله اعلم يما سيحدث غداً

[noni67]

واللهى شهر 8/2008 قريب والمية تكدب الغطاس وهنشوف

[محمد المشد]

واللهى شهر 8/2008 قريب والمية تكدب الغطاس وهنشوف( اقتباس )

الامر مش تحدى ولكن انا نقلت لك بصدق ما علمتة من الشركة نفسها ومسئوليها ، يعنى مش من عندى وبعدين يا سيدى يخلق الله ما لا تعلمون قد يغير الله الامر من حال الى حال ! وايضاً انا شخصياً تناقشت فى هذا الامر مع مسئولين بالشركة وابديت اسفى لعدم استمرار الانتاح وعلمت ان الامر خارج عن ارادتهم ولم يكن بيدهم اى شىء ! فى استمرارية الانتاج لانة عقد موقع وسينتهى بأنتهاء 10/2008 ، وكذالك الحال بالنسبة للسيارة الشاهين سوف يوقف انتاجها فى 10/2008م وهذا ايضا من الشركة الام التى اوقفت انتاجها فعلاً بتركيا وحسب معلوماتى بأن شركة النصر لصناعة السيارات سوف يتم بيعها ايضا لمستثمر رئيسى !!!!!!!!!!!!!!! طبعا مش عارفين من هو ؟
مع خالص شكرى وتقديرى لسعادتكم

[MMamdouh]

ممكن اسال تفرق فى ايه؟؟ هو حد ناوى يشترى لانوس زيرو بعد سنتيت تلاتة و بيسال من دلوقتى؟؟

MMamdouh

[limo]

انا لما كنت بشترى الانوس بتاعتى فى 2005 سمعت ان اخر انتاج لانوس هيكون فى اخر 2006
مرت الايام وجاءت اواخر 2006 سمعت برضوان اخر انتاج للدايو اواخر 2007
وادينا دلوقتى فى 2007

كمان سمعت ان العربيات الى موجوده فى الشركه ستوكات او بواقى بضاعه موجوده

[msalama]

ملحوظة
انا من بورسعيد و انتو عارفين ان عربيات بورسعيد كلها استيراد من الخارج و اغلب العربيات اللى بتيجى بورسعيد بتبقى من البلاد دى كوريا ، دبى ، المانيا ، وأمريكا دو الاربع بلاد الرئيسيه اللى التجار هنا بتجيب منها العربيات و أغلبها طبعا مستعمله بس أستعمال نضيف المقصود هنا انى عايز أوضح لكم ان المسميات بتختلف من بلد لبلد فى أسامى العربيات يعنى المتسوبيشى الانسر فى أمريكا اسمها متسوبيشى ميراج مش لانسر و طبعا بتيجى عداد السرعه بالميل مش بالكيلومتر
النوبيرا كمان فيه منها موديلين نوبيرا 1 و نوبيرا 2 نوبيرا 1 دى ما انتجتش فى مصر من أساسه وطبعا النوبيرا المصرى مختلفه تماما عن الكورى مش فى الشكل لكن مثلا بتنزل بجنوط و فوانيس عدسات امكانيات فى الفتيس الاوتوماتك زياده عن المصرى و فيه برضه بعض الاختلافات فى الموتور و النوبيرا دلوقتى انتجها وقف و طلعوا مكانها دايو لاسينتى اللى هى فى مصر هنا اسمها شيفورليه أوبترا و هى نفسها فى أمريكا أسمها شيفورليه نوبيرا يعنى عربيه واحده بكذا مسمى

[MMamdouh]

و اسمها برضة سوزوكى فورينزا

MMamdouh