هل يمكن تحويل لانوس مانيوال إلى اتوماتيك ؟؟؟؟

[cpt_shawky]

السلام عليكم

بما أن الكل بيجمع ان العربية اللانوس اتوماتيك مستعملة فيها مخاطرة انا بفكر لو جبنا لانوس 2008 مانيوال واركبلها فتيس اتوماتيك استيراد او لو جديد حسب المتااااااح هل ممكن؟؟؟؟؟.... وبعد اذنكم مش عاوز ردود من نوعية "حرام عليك تعمل كده فعربية جديدة" لأنى شايف ان لو ده موضوع هينفع هتبقا سيارة رائعة وبتمن بيكانتو اتوماتيك جديدة وطبعا واضح فارق الحجم والامكانيات بين الأتنين....أرجو الإفادة من أهل الخبرة جزاكم الله كل خير :-) :-) :-) :-)

[TAG_Turbo0]

اكيد ينفع
بس أزاى وفين معرفش

[limo]

ثمن شراء الانوس زيرو =67500
ثمن شراء فتيس لانوس استيراد من 3000 الى 3500 (فتيس مستعمل )
تغير عطا الفتيس المنوال الى اوتوماتيك وتغير بعض الاشياء الاخرى +المصنعيه =2000 على الاقل
يعنى المجموع
67500 +3000+2000 =72500
المبلغ ده ازود عليه 10000 الاف جنيه واشترى نوبيرا زيروا بفتيس جديد +تجنب مخاطره التحويل من مانيوال الى اوتوماتيك

على فكره انت كده محلش مخاطره شراء الانوس الاتوماتيك المتسعمل بالعكس انت لفيت للمشكله من ناحيه تانيه لانك هتركب فتيس لانوس برضو وهتواجه مشاكل الاتوماتيك فى الانوس برضو

على فكره الانوس الاتوماتيك مش وحش دور على عربيه كويسه واكشف عليها فى التوكيل

[cpt_shawky]

طيب هى ايه مشاكل الاتوماتيك فى الانوس ؟؟

[أبو ياسين]

-البنزين بتعمل حوالى 150 ك فى الصفيحه
و معرفش فى مشاكل تانى و لا لا بس انا جربتها كان السحب كويس

[fahd_628]

انا رأى انك تجيب لانوس نازلة اوتوماتيك من اصلا و بعدين تجيب فتيس استيراد بدل كل اللفة دية

[badblood]

مفيش مشاكل في فتيس لانوس اوتوماتيك

[cpt_shawky]

المبلغ ده ازود عليه 10000 الاف جنيه واشترى نوبيرا زيروا بفتيس جديد +تجنب مخاطره التحويل من مانيوال الى اوتوماتيك

يا جماعة انتوا بتكلموا كأنى ممكن الاقى 10 الاف مرميين فالشارع ازود بيهم :( :( :(

[sab3aawy]

مش هخقوللك حرام تعمل كدة فى عربية جديدة

لكن هقوللك هات بنفس الفلوس عربية جديدة اوتوماتيك

المبلغ اللى انت هتصرفه علشان تحول عربية لانوس جديدة الى عربية اوتوماتيك من كل بستان زهرة ،نفس المبلغ يكفيك تجيب فيرنا اوتوماتيك زيرو

يبقى ليه وجع القلب؟

العربيتين تقريبا واحد

[hazem_khidr]

كل اللي حتحتاجه فتيس استيراد و كنسول جديد و تغير طقم الدواسات الفرامل و الدبرياج بدواسه فرامل.
لكن ليه وجع الدماغ دا كله ما الاحسن انك تجيب لانوس مستعمله استعمال نضيف و اتوماتيك لو عاوز و لو فتيسها باظ ابقي اعمل كده علشان ما تدخلش في دوامه المستعمل زي ما الاخوه الافاضل وضحو لحضرتك.
غير كده حرام فعلا انك تجيب عربيه جديده زيروووووووووو و تركب فيها جزء مستعمل و تعمل فيها الكلام دا
عارف لو كانت 99 مثلا كنت قولتلك جرب مفيش مشاكل انما جديده فعلا حرام.
ممكن بالمبلغ دتا اللي في حدود ال 70 الف تركب حاجات كتير استعمال نضيف و كمان حالتها حلوه و اتوماتيك

[MMamdouh]

ممكن تحويل المانوال الى اوتوماتك و العكس بس التكلفة حتبقى مبلغ مش قليل

MMamdouh

[شريف]

ممكن تحويل المانوال الى اوتوماتك و العكس بس التكلفة حتبقى مبلغ مش قليل

mmamdouh

انا عايز تفاصيل اكتر
انا معايا لانوس 2006 و بفكر في اتوماتيك
فبدل مغير العربيه كلها و انا مبشتكيش منها اغير الفتيس بس
ايه اللي هيتعمل بقه بالتفصيل المش ممل ؟

[MohssenRashed]

http://www.nilemotors.net/Nile/145435-a.html