اللانوس بتبرد بسرعه

[romeo_6887]

يعني اسخن و امشي اسيبها كام ساعه انزل اتلاقاها بردت و كأنها ممشتش من 10 سنين
و بعدين التسخين بياخد مده طويله جدا ممكن يخش في ال 7 دقايق
فهل في حل في الحوار الممل ده ؟

[memoo305]

و بعدين التسخين بياخد مده طويله جدا ممكن يخش في ال 7 دقايق
فهل في حل في الحوار الممل ده ؟

ياباشا انت بتدور بتاع دقيقة أو أقل وتمشي بيها حاجة بتاعة دقيقتان تلاته وبتلاقي المؤشر خد وضعة الطبيعي. لو عندك بتاخد وقت أطول من كده بيقى ترموستات الكوعة في مشكلة (فاتح على طول) المفروض إن الترموستات ده بيبقى قافل لما العربية تبقى باردة ويفتح لما تأخد درجة حرارتها الطبيعية. الترموستات ده بيتغير في حال تلفة والمشكلة بتتحل بإذن الله.

[احمد المصرى]

كل الحكايه ان الجو الايام دى برد جداااااااااااااا والعربيه ان شاء الله سليمه مفهاشاى حاجه

[moby]

السيارة عندى بينزل المؤثر حاجة بسيطة عن المعدل الطبيعى مع المشى فى الطريق السريع

[dr.hany]

بيهيالى ان ديه ميزه حلوه مش عيب

[swimmer25]

سخن العربية كويس واطلع بالعربية علي طريق سريع وجرب لو مؤشر الحرارة نزل يبقي فيه مشكلة في كوعة الثرموستات زي ما قال الزملاء
المفروض انه مينزلش خالص عن ما كان لما العربية كانت سخنة

[KHALID94111]

الشتاء كده والترموستات شغاله
انا عندى كده

[khalid9411]

ده شئ كويس جدا انا السيارة سريعه التبريد وهى واقفه فى الشتاء طبعا ومدام التسخين موجود يبقى الترموستات شغاله وبتاخد وقت
1/ مياة بارده طبعا
2/جسم الماتور ثلج والجو الخارجى برد
فعادى فى الجو البارد طبعا

[alhourriah]

ده شيء طبيعي مافيش مشكلة.. ياريت عربيتي تبرد بسرعة...

[romeo_6887]

ميرسي يا جماعه علي الردود

[Shiref_mohamed]

ثرموثتات الكوعه عندك بايظ او العربة مفيهاش ثرموثتات اصلاً

[Akram]

انا الميكانيكي قاللي نلغي ثرموثتات الكوعة علشان التبريد يبقى أحسن و من ساعتها بعاني زيك كده ,
و ناوي ان شاء الله اروح لواحد تاني علشان يرجع الثرموثتات زي الاول و متبقاش دورة المياه داخل الموتور مفتوحة على طول ,
على فكرة الموضوع ده حلو في الصيف , لكن في الشتاء و على الطريق السريع درجة حرارة الموتور بتبرد لدرجة كبيرة ,
و بالتالي كأن الواحد بيمشي بالعربية بسرعة قبل ما تسخن ,
و ده ليه تأثر ضار على الموتور.

[Shiref_mohamed]

انا الميكانيكي قاللي نلغي ثرموثتات الكوعة علشان التبريد يبقى أحسن و من ساعتها بعاني زيك كده ,
و ناوي ان شاء الله اروح لواحد تاني علشان يرجع الثرموثتات زي الاول و متبقاش دورة المياه داخل الموتور مفتوحة على طول ,
على فكرة الموضوع ده حلو في الصيف , لكن في الشتاء و على الطريق السريع درجة حرارة الموتور بتبرد لدرجة كبيرة ,
و بالتالي كأن الواحد بيمشي بالعربية بسرعة قبل ما تسخن ,
و ده ليه تأثر ضار على الموتور.

ومن اثاره الضارة كمان ارتفاع استهلاك الوقود لآن العربية لما بتبرد الكنترول بيزود نسبة الوقود الى داخلة للموتور عشان يحاول يسخنها تاني وبالتالي زياده الإستهلاك..
وده طبعا غير الضرر الى بيحصل للمعدن نتيجه ارتفاع وانخفاض درجه الحرارة

[Akram]

ومن اثاره الضارة كمان ارتفاع استهلاك الوقود لآن العربية لما بتبرد الكنترول بيزود نسبة الوقود الى داخلة للموتور عشان يحاول يسخنها تاني وبالتالي زياده الإستهلاك..
وده طبعا غير الضرر الى بيحصل للمعدن نتيجه ارتفاع وانخفاض درجه الحرارة

انا فعلا ملاحظ من فترة إن الاستهلاك بدل ما كان 10 أو 10.5 زاد و أصبح المعدل 9 ك لكل لتر.