حاجة جديدة نفسى أعملها وعايز رأيكم

[JAM]

طب مفيش حد يفيدنى اعمل اية فى شنطة العربية
اى شنطة عربية لما بتتفتح الباب بيطنتر لفوق ويثبت . عندى بقى يترفع وينزل تانى .ياترى العيب من السوتة ولا اية
والله ياجماعة خبتتها صعبة اوى ومن كتر ما زهقت
جبت خشبة بثبت بيها الشنطة لما بفتحها وطبعا مش منظر

جرب إنك تفك السوستة وتشدها شوية او تشوف عربية بتاعة واحد صحبك وتغير السوستة من عنده وتجرب... لانها بصراحة المشكلة قابلتنى مرة واحد وكانت مع ابن خالتى وكان عنده ريجاتا والمشكلة دى كانت عنده بسبب الاسبويلر اللى كان مركبه ولما ركبنا سوستة جديدة الحال اتظبط عنده.

وبرضه خبراء المنتدى ممكن يبقة عندهم معلومة مؤكدة

هذا والله ورسوله أعلم

[sheko_2000eg]

ازعل انا اوى من كدة... دائما و ابدا فى الاحسن و الافضل و الاسرع و الاقوى... لو مكنش التعديل و التطوير غريزة فى الانسان كان زماننا لسة عايشيين فى كهف و بناكل من الغابة

mmamdouh

التعديل و التطوير هو اساس التقدم لكن يجب مراعة ان اللميعرفش ميعملش مش يقول عدس


اعتقد موضوع المساعد ده جامد لكن لابد من صنايعي محترف علشان التعديل يكون مضبوط
و مفهوش غلطة.

[hosar]

والله انا الحركة دى مجتش فى بالى غير وانا بفتح كابوت بتاعى

[zocor742]

جرب إنك تفك السوستة وتشدها شوية او تشوف عربية بتاعة واحد صحبك وتغير السوستة من عنده وتجرب... لانها بصراحة المشكلة قابلتنى مرة واحد وكانت مع ابن خالتى وكان عنده ريجاتا والمشكلة دى كانت عنده بسبب الاسبويلر اللى كان مركبه ولما ركبنا سوستة جديدة الحال اتظبط عنده.

وبرضه خبراء المنتدى ممكن يبقة عندهم معلومة مؤكدة

هذا والله ورسوله أعلم

شكرا يا باشا هجرب موضوع السوستة دة واشوف اية النظام

[khalid9411]

خلى سمكرى يخرجلك سوستة الشنطة من ورا
هى صلب طبعا يا اما يقص فرده منها ويركبها مشدودة او يدور على سوستة زيها بس اصغر فى الطول

[JAM]

شكرا يا باشا هجرب موضوع السوستة دة واشوف اية النظام

جرب كدة وأبقة قولى عملت ايه.

شكرآ لكل رجالة المنتدى وعايزين حد يسأل كدة لو ليه حد سمكرى يعرفه إذا كان هينفع ولا لأ

[biomedo]

إفا فكرت انى هل من الممكن أركب مساعدين زى العربيات الجديدة..؟

انا قريت كل المشاركات و لغاية دلوقتي معرفتش ايه المقصود بالمساعدين؟
معلش ممكن حد يقربلي الصوره؟
اصل انا فهمي على ادي

[Ahmed Nasser]

التعديل ده بفكر فية من زمان
بس عايز حرفة جامدة فى تركيبة

[mostafa mahmod]

مش المساعدين دول موجودين فى الليجانزا ولا انا بيتهيالى

[nemo_1806]

انابردو كنت بفكر في حكايه المساعدين دي بس مش لاقي المكان اللي هيركب فيه

[biomedo]

حد يدلني يا جماعة الخير
هما ايه المساعدين دول
صوره فيديو اي حاجه

[tarek_2005]

كان فيه فيديوا علي المنتدي هنا لتركيب المساعدين دول
اولاً المساعدين دول عبارة عن بساتم داخل اسطوانات بها زيت هيدروليك زي مساعدين العربية بالظبط بس بحجم اصغر وموجودين في التوفيقية قله مساعدين شنطة فيورا او 127

ثانياً التركيب لن يحتاج لتعديل في السيارة بس هتحتاج تعمل بنز عند الخراد بجلبة تركب في مسمار تثبيت الرفرف وفي الكبوت بركاب زي بتاع الاريل الي بيركب علي شفة الباب الجانبي ويتربط بمسمارين من الداخل دون ثقب للكبوت

[Ahmed Nasser]

الله ينور عليك
ودى صورة ليهم