اسئله حيرتني في اللانوس فقلت اسأل الخبرا بتوع الدايو

[romeo_6887]

دلوقتي انا بسقط النقله التانيه علي 1500 rpm و باقي النقلات علي 2000 rpm
فطريق نقل الغيارات دي كويسه و لا لأ ؟

مع العلم ان ال rpm بيكون تحت ال 1000 لما بكون واقف
فهل لازم يكون علي ال 1000 rpm بالظبط و لا كده عادي ؟
هو تقريبا علي 850 مثلا او 800 rpm

لما المقصات بتتكسر او بتتعوض
ايه الاصوات او الاعراض بتاعت الحاله دي ؟
لاني باكل نؤر كتير مش مطبات
حاله البلد يرثي لها الصراحه

بحس بان في عضه في الغيار الاول
لما اكون واقف في اشاره و ادوس دبرياج و اديها اول
ساعات مبيرضاش الغيار انه يتعشق
و لما بشيل رجلي من علي الدبرياج و احطها تاني
و اديها اول بيتعشق عادي بس بيبقي في عضه صغيره كده
و مثلا انا ماشي علي التاني و خلاص بهدي لسبب ما
اجي اديها اول الغيار مبيتعشقش
لازم العربيه تبقي اقل من 1000 rpm
عشان الغيار الاول يتعشق
و بالمناسبه الغيار بيتعشق في الحاله دي من غير اي عضه

كل شويه الدبرياج ياخد هوا و لازم اروح للميكانيكي
فيقوم حالل طبه سلك الدبرياج ( تحت الكبوت ) لغايه ما تجيب زيت
و بعديها النطره اللي في الدبرياج بتروح
و تقوم ترجع تاني و الحوار ده حاصل من ساعه الشتا
فاعمل ايه و انا اخاف الصراحه اعمل الموضوع ده بنفسي

موضوع اختبار الدبرياج ده تجيب علي الرابع باين
فايه الاختبار ده بالظبط ؟ و هل هيأثر علي حاجه بعد كده ؟
اصل الرابع كتير فياريت حد يفهمني الماكينيزم بتاعت الاختبار ده

زيت الفتيس انا عرفت الطبه بتاعته فين
دلوقتي اعرف ازاي اذ كان زيت الفتيس كويس و لا لأ
لما كنت بغير الزيت خليت الميكانيكي يفك الطبه
فقام باصص عليها و قالي الزيت كويس
هو فعلا كان لونه اصفر علي الطبه
بس ازاي اعرف المستوي بتاعه ؟
هل ليه مقياس زي مقياس زيت المحرك ؟

معلش سؤال اخير
عايز ابيع الجنط الاسبور المعفن و اجيب جنط عادي
فايه رأيكوا في الموضوع ده
لان شكله الصراحه بقي ........*
و مفيش ميزانيه للتنكيل او الدهان حاليا
فياريت تقولولي الجنط ده لو اتباع هيبقي بكام
و الجنط العادي بكام ( 14 ) ؟
و الكاوتش اللي عندي هيبقي مناسب عليه ؟

معلش اخوكوا لسه بيتعلم منكوا فياريت تفيدوه

[dr.hany]

هاجوبك على السؤال التانى بس...اعراض تلف المقص هاتلاقي العربيه على طول بتحدف معاك والدركسيون مش هايكون فى السنتر ووممكن لو العمليه متطوره تلاقي تخبيط او دبدبه

[تامر.محمد]

دلوقتي انا بسقط النقله التانيه علي 1500 rpm و باقي النقلات علي 2000 rpm
فطريق نقل الغيارات دي كويسه و لا لأ ؟

هو القياسي للنقلات انك تنقل على 3000 rpm عادة
انا رأيي ان 2000 قليل

مع العلم ان ال rpm بيكون تحت ال 1000 لما بكون واقف
فهل لازم يكون علي ال 1000 rpm بالظبط و لا كده عادي ؟
هو تقريبا علي 850 مثلا او 800 rpm

اللي اعرفه ان ده الطبيعي

بحس بان في عضه في الغيار الاول
لما اكون واقف في اشاره و ادوس دبرياج و اديها اول
ساعات مبيرضاش الغيار انه يتعشق
و لما بشيل رجلي من علي الدبرياج و احطها تاني
و اديها اول بيتعشق عادي بس بيبقي في عضه صغيره كده
و مثلا انا ماشي علي التاني و خلاص بهدي لسبب ما
اجي اديها اول الغيار مبيتعشقش
لازم العربيه تبقي اقل من 1000 rpm
عشان الغيار الاول يتعشق
و بالمناسبه الغيار بيتعشق في الحاله دي من غير اي عضه

انا عندي حاجة شبه كده بس متعايش

[romeo_6887]

ميرسي يا شباب علي الردود
و في انتظار باقي الردود

[organic_magic]

معلش سؤال اخير
عايز ابيع الجنط الاسبور المعفن و اجيب جنط عادي

شوف كدا عايز تبيعه علي كام انا ممكن اخده منك انا عندي جنط 16 over wide بس لسه بحاول اتخلص منه

هو عداد RPM دا جاى مع اعربيه اصل عربيتى كامله بس جايه من غيره

[MMamdouh]

دلوقتي انا بسقط النقله التانيه علي 1500 rpm و باقي النقلات علي 2000 rpm
فطريق نقل الغيارات دي كويسه و لا لأ ؟

مش فاهم... انت بتسال عن النقل لاعلى ولا تسقيط النقلات... انت استعملت مصطلح تسقيط و معاه نقلات تصاعدية فا انا مش فاهم

مع العلم ان ال rpm بيكون تحت ال 1000 لما بكون واقف
فهل لازم يكون علي ال 1000 rpm بالظبط و لا كده عادي ؟
هو تقريبا علي 850 مثلا او 800 rpm

طبيعى الRPM يبقى 1000 و انت ماشى و ممور و يبقى من 825 الى 850 وانت واقف فى وضع ثبات

لما المقصات بتتكسر او بتتعوض
ايه الاصوات او الاعراض بتاعت الحاله دي ؟
لاني باكل نؤر كتير مش مطبات
حاله البلد يرثي لها الصراحه

لما المقص بيتكسر بتلاقى العربية حودت فجاءة فى اى اتجاة عشوائى و مش حتعرف تسيطر عليها... و لما تقف حتلقى زاوية العجلة مع الطريق مش طبيعية

بحس بان في عضه في الغيار الاول
لما اكون واقف في اشاره و ادوس دبرياج و اديها اول
ساعات مبيرضاش الغيار انه يتعشق
و لما بشيل رجلي من علي الدبرياج و احطها تاني
و اديها اول بيتعشق عادي بس بيبقي في عضه صغيره كده
و مثلا انا ماشي علي التاني و خلاص بهدي لسبب ما
اجي اديها اول الغيار مبيتعشقش
لازم العربيه تبقي اقل من 1000 rpm
عشان الغيار الاول يتعشق
و بالمناسبه الغيار بيتعشق في الحاله دي من غير اي عضه

ممكن الدسك بتاع الدبرياج تعب او مشكلة فى ماستر الدبرياج

كل شويه الدبرياج ياخد هوا و لازم اروح للميكانيكي
فيقوم حالل طبه سلك الدبرياج ( تحت الكبوت ) لغايه ما تجيب زيت
و بعديها النطره اللي في الدبرياج بتروح
و تقوم ترجع تاني و الحوار ده حاصل من ساعه الشتا
فاعمل ايه و انا اخاف الصراحه اعمل الموضوع ده بنفسي

احد مساتر الدبرياج تالف... انت بتزود زيت الفرامل بشكل منتظم؟؟

موضوع اختبار الدبرياج ده تجيب علي الرابع باين
فايه الاختبار ده بالظبط ؟ و هل هيأثر علي حاجه بعد كده ؟
اصل الرابع كتير فياريت حد يفهمني الماكينيزم بتاعت الاختبار ده

الاختبار دة الهدف منة التاكد من صحة عمل الاسطوانة و الدسك و ان مفيش انزلاق للاسطوانة... و دة مش حياثر على حاجة تانية

الهدف من الاختبار هو وضع حمل كبير على الاسطوانة و متابعة رد فعلها... حل حتقفش فى الديك و الموتور يبطل ولا حتفوت و المكنة تفضل دايرة؟؟؟

زيت الفتيس انا عرفت الطبه بتاعته فين
دلوقتي اعرف ازاي اذ كان زيت الفتيس كويس و لا لأ
لما كنت بغير الزيت خليت الميكانيكي يفك الطبه
فقام باصص عليها و قالي الزيت كويس
هو فعلا كان لونه اصفر علي الطبه
بس ازاي اعرف المستوي بتاعه ؟
هل ليه مقياس زي مقياس زيت المحرك ؟

زيت الفتيس ملوش مقاس... المفروض مستوى الزيت يبقى لحد مستوى الطبة... يعنى لما تحط صباعك من فتحة الطبة تقدر تلمس سطح الزيت و عموما الفتيس بياخد 1.8 لتر زيت W90

معلش سؤال اخير
عايز ابيع الجنط الاسبور المعفن و اجيب جنط عادي
فايه رأيكوا في الموضوع ده
لان شكله الصراحه بقي ........*
و مفيش ميزانيه للتنكيل او الدهان حاليا
فياريت تقولولي الجنط ده لو اتباع هيبقي بكام
و الجنط العادي بكام ( 14 ) ؟
و الكاوتش اللي عندي هيبقي مناسب عليه ؟

حط صورة للجنط اللى عايز تبيعة هنا و اعمل موضوع عن بيع الجنط فى قسم البيع و الشراء

الجنط الحديد ال14 جديد ب 200 جنية الواحد و استيراد الاربعة يعملوا بتاع 300 جنية

الكاوتش المناسب للانوس مع الجنط ال14 هو 185/60/14

MMamdouh

[romeo_6887]

شوف كدا عايز تبيعه علي كام انا ممكن اخده منك انا عندي جنط 16 over wide بس لسه بحاول اتخلص منه

هو عداد RPM دا جاى مع اعربيه اصل عربيتى كامله بس جايه من غيره

ماشي يا باشا
هسأل علي الاسعار
و نظبط يوم
و نشوف هنعمل ايه في موضوع الجنط ده
و عداد ال rpm اصلي ( بتاعتي اوروبي )

[romeo_6887]

مش فاهم... انت بتسال عن النقل لاعلى ولا تسقيط النقلات... انت استعملت مصطلح تسقيط و معاه نقلات تصاعدية فا انا مش فاهم
انا بسأل علي النقل لاعلي ( معلش انا فهمت كلمه تسقيط غلط )
انت بتزود زيت الفرامل بشكل منتظم؟؟
لا عادي الزيت في القربه مبينقصش خالص

زيت الفتيس ملوش مقاس... المفروض مستوى الزيت يبقى لحد مستوى الطبة... يعنى لما تحط صباعك من فتحة الطبة تقدر تلمس سطح الزيت و عموما الفتيس بياخد 1.8 لتر زيت w90
تمام يا سعاده الباشا

الجنط الحديد ال14 جديد ب 200 جنية الواحد و استيراد الاربعة يعملوا بتاع 300 جنية
الكاوتش المناسب للانوس مع الجنط ال14 هو 185/60/14

طب ما تعرفش حضرتك الاسبور الفبريكه بيتباعوا بكام

mmamdouh

و ميرسي يا باشا علي الرد و ربنا يخليك لينا

[MMamdouh]

للاستخدام الاقتصادى خللى دايما الRPM بين 2000 و 3000 لفة... يعنى كل ما توصل لحد 3000 انقل نقلة اعلى و كل ما تنزل لحد 2000 انزل نقلة

انا مازلت برضة شاكك فى مساتر الدبرياج... جرب شيل الغطا الكاوتش اللى على الماستر التحتانى و شوف جايب زيت ولا لا

مش عارف بصراحة سعر الجنوط كام دلوقتى... من 5000 سنة كان الطقم ال 13 السبور الاصلى فى التوكيل ب 1200 او حاجة كدة (نفس الجنط السبور اللى فى الجوليت 2)

MMamdouh

[romeo_6887]

للاستخدام الاقتصادى خللى دايما الrpm بين 2000 و 3000 لفة... يعنى كل ما توصل لحد 3000 انقل نقلة اعلى و كل ما تنزل لحد 2000 انزل نقلة
طب انا لو فضلت علي الغيار التاني و العربيه علي اقل من 2000 rpm هل يبقي في مشكله ؟
انا مازلت برضة شاكك فى مساتر الدبرياج... جرب شيل الغطا الكاوتش اللى على الماستر التحتانى و شوف جايب زيت ولا لا
انا معرفش ماستر الدبرياج فين بالظبط ؟

mmamdouh

ميرسي يا باشا علي الردود المفيده دي
و الله انا مش عارف ارد جميلك ده ازاي

[MMamdouh]

مش حيبقى فيه مشكلة لكن حيبقى حمل شوية على المكنة... الموضوع مش مضر الا لو حتفضل ماشى بالوضع دة كتير

افتح الكابوت و بص جنب مقاس الزيت حتلاقى جسم اسطوانى اسود على طرفة قطعة كاوتش و راكب فيه خرطوم كاوتش زى بتاع الفرامل... هو دة ماستر الدبرياج التحتانى



MMamdouh

[romeo_6887]

مش حيبقى فيه مشكلة لكن حيبقى حمل شوية على المكنة... الموضوع مش مضر الا لو حتفضل ماشى بالوضع دة كتير

افتح الكابوت و بص جنب مقاس الزيت حتلاقى جسم اسطوانى اسود على طرفة قطعة كاوتش و راكب فيه خرطوم كاوتش زى بتاع الفرامل... هو دة ماستر الدبرياج التحتانى



mmamdouh

شكرا يا باشا علي الرد
و ان شاء الله في ميزان حسناتك