العربية من تحت غرقانة زيت

[wlelw2003]

السلام عليكم ورحمة الله وبركاته
انا عندي العربية دايو لانوس 99 145000 كم من تحت فيها زيت تحت الموتور و كمان فيه زيت من وش الموتور الغطاء بتاع الموتور فهل ده زيت فتيس ولا موتور و اية الحل يا شباب
و شكرا

[samirayad]

لو زيت الموتور بينقص معاك بدرجه ملحوظه

يبقى اللى تحت ده زيت موتور

ولو المقاس شبه ثابت
يبقى زيت فتيس

أما موضوع فوق ده
زيت موتور بلاشك

وده بسبب تلف جوان غطاء التاكيهات

والحل

ميكانيكى يكشف على السبب الفعلى لتسريب الزيت ( بعد معرفة نوع الزيت )

فقد يكون عندك

1- جوان كرتيره موتور
2- أويل سيل كرنك أمامى بايظ

3- أويل سيل عمود الدريك

4- جوان كرتيرة الفتيس

1& 2 ( حالة زيت موتور )
4 &3 ( حالة زيت فتيس )

[wlelw2003]

اذيك يا سمير و شكرا على الرد
انا النهاردة قست الزيت لقيته ناقص شوية مع العلم اني هغير زيت بعد 100كيلو
و موضوع زيت الفتيس و انا بغيرة الراجل قالي ان زيت الفتيش بينشع شوية بس ما يقلقش بس انا موضوع الزيت دة مضايقني طيب حكاية غطاء التكيهات دة موضوع كبير و لااية

[samirayad]

ربط كرتيرة الفتيس تانى ونظف الكرتيره وتابع الوضع الجديد

وتغيير جوان غطاء التاكيهات حاجه بسيطه
ومش حتكلفك كتير

غيره ونظف المكنه من فوق كويس

علشان تتابع مقاس زيت الموتور بعد كده وتشوف النظام

[wlelw2003]

ربنا يبارك فيك و جزاك الله خيرا

[samirayad]

الله يخليك
أخى / وائل

[solom_eslam_2008]

هقولك علي حاجة حلوة هتعمل اية هتروح المشحمة هتغسل العربية كويس جداااااااااااا من تحت وتمشي يوم بالعربية تمام وتاني يوم تروح للمكيانيكي بتاعك تخلية يرفع العربية ويشوف التسريب ده جاي منينن بالظبط علشان يقدر يحدد الزيت جاي منين

[wlelw2003]

هقولك علي حاجة حلوة هتعمل اية هتروح المشحمة هتغسل العربية كويس جداااااااااااا من تحت وتمشي يوم بالعربية تمام وتاني يوم تروح للمكيانيكي بتاعك تخلية يرفع العربية ويشوف التسريب ده جاي منينن بالظبط علشان يقدر يحدد الزيت جاي منين

شكرا لك اخي الكريم