استفسار عن المياه الخضرا المكثفه و نقص المياه سريعا

[hassan_sona]

السلام عليكم اولا
في ميكانيكي قالي هات المياه الخضرا المكثفة اللي بتتحط علي المياه العاديه
قالي احسن من المياه الخضرا اللي في جراكل؟؟؟؟؟؟؟؟؟؟؟؟

و انا عندي في لانوس 1 المياه في الأربه بتخلص كل 3 ايام (اكيد في حاجة غلط)
و بسمع طوت تنفيس هوا عند غطا الأريه..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل ممكن تكون دي المشكلة
و جزاكم الله خيرا
و سوال هام ارجو الاجابة لمن استطاع
انا ساكن في 6 اكتوبر هل في ورشة متخصصه في الدايو (عنده الاجهزه للكشف عليها)


________________________________

العضو الفاضل

اللون الأحمر مخصص للمداخلات الأداريه

يرجى مراجعة قواعد المنتدى

مشرف القسم

[samirayad]

في ميكانيكي قالي هات المياه الخضرا المكثفة اللي بتتحط علي المياه العاديه
قالي احسن من المياه الخضرا اللي في جراكل؟؟؟؟؟؟؟؟؟؟؟؟

متسمعش كلامه

هات الميه الخضراء المخصصه بدون أى أضافات لدورة التبريد ( يعنى مفيش حاجه أسمها نظيف ميه عاديه للماء الأخضر

لأن ده كلام مش مظبوط )

وأرشح لك الأنواع التاليه

سواء من أنتاج شركة موبيل .....الجركل ( 4 لتر ب45 ج )

أو الأسبانى ......الجركل ب25 ج تقريبا

ومخففه ....والزملاء بيشكروا فيها

عن نفسى ملقتهاش فى الأسماعيليه
وبأستعمل بتاعة موبيل ( وقت اللزوم )

وعندى السعودى كمان ( وخوفونى منها وناوى مستعملهاش )

و انا عندي في لانوس 1 المياه في الأربه بتخلص كل 3 ايام (اكيد في حاجة غلط)

مفيش شك

ونظرا لتواجد هذه الظاهره

و بسمع طوت تنفيس هوا عند غطا الأريه..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل ممكن تكون دي المشكلة

يجب أن تبدا بتغيير غطاء القربه
بنوع كويس ( زى بتاع السياره الأوبل )
وأربطه كويس على زور القربه
وجرب

[SBkr]

معدل الفقد مرتفع يعني اكيد عندك تسريب سواء كسائل او تنفيس كبخار وهوة دة السبب انا عن نفسي بأضع جركن المياة السعودي ودة في النوبيرا نسبيا مبيوصلش المياة في القربة للمستوي الآمن فبشتري علبة نوع ابرو امريكي وهي مياة خضراء برضة غير مركز عبوة معدنية حوالي 500 مل لونها اخضر فسفوري جدا ومخصصة للمناطق الحارة الخليط دة كويس وشكل المياة بيفضل كويس لمدة سنة تقريبا و تغيرها اول كل صيف بإذن الله موش هتحتاج تضيف ولا قطرة زيادة علي مدار العام حتي لو عملت 15 الف كم لأن المياة الخضراء مقاومة للفقدان بالبخر لكن بالنسبة للنوع السعودي ممكن يكون موبيل احسن او الإسباني كلاهما اكيد جيد بس الإبرو بصراحة لولا ارتفاع ثمنة كنت ملأت المحرك كلة منة لأنة مكتوب علية غير مركز ولا يتم تخفيفة بالماء يعني العربية إن شاء الله تعوز حوالي 8 علب أو 9 مثلا × 10 جنية يبقي شكرا لكن هقولك حاجة انا أضطررت لفك الريدياتير بسبب تلف في الضفيرة الأمامية ففقدت المياة الخضراء علي الأرض متتخيلش كم اللمعان الفسفوري حتي بعد 6 شهور تشغيل كل الناس سألت انت حاطط مياة خضراء نوعها اية طبعا موش بالضرورة يكون دة مؤشر جودة لكن طبعا يعني تركيز إثيلين جليكول أكثر من الماء مما يفيد كذلك في تزييت الطلمبة لأن المياة تشعر كأنها زيتية الملمس وذات كثافة نسبيا اعلي

[hassan_sona]

الف شكر ليكو يا رجالة
و ان شاء الله مياه التبريد متقلش