مشكلة اعتقد انها كهرباء

[popahly]

شوف يامان انت تروح البنزينة تشتري منظف الحقن الالكتروني ( زيت بور ) وهو مش غالي حوالي 18 جنية المهم تضعة في تانك البنزين علي 10 لتر بنزين فقط وتقوم بمشوار كبير سوف يقوم بتنظيف الرشاشات والبوبات تلفائينا
والله المستعان
يارب اكون افادتك

الف شكر ليك بس عاوز اشوف الاول الاسكانر وبعدين ربنا يحلها من عنده إن شاء الله

[ahmedhilmy]

اولا ربنا يعينك و تعرف توصل للعيب انا عارف انك اكيد مضايق زيينا كلنا لما يكون في حاجة و مش عارفين سببها بالنسبة للراجل بتاع السكانر هو في الدقي و اسمه محمد السيد و هو علي ناصية شارع جابر بن حيان يعني لو حضرتك جاي من المهنسين و متجه لجامعة القاهرة اكيد هتلاقي كوبري الدقي تطلعه و لما تنزل هتلاقي شوارع علي اليمين الشارع اللي بعد الشارع اللي علي ناصيته مكتبة سمير و علي جنب سمسمة بتاع التيك اواي لو تعرفه و هو معلق يفطه كاتب عليها كهربائي سيارات و مواعيدهم لغاية 9:30 باليل و بياخد 30جنيه و بالتوفيق

[popahly]

اولا ربنا يعينك و تعرف توصل للعيب انا عارف انك اكيد مضايق زيينا كلنا لما يكون في حاجة و مش عارفين سببها بالنسبة للراجل بتاع السكانر هو في الدقي و اسمه محمد السيد و هو علي ناصية شارع جابر بن حيان يعني لو حضرتك جاي من المهنسين و متجه لجامعة القاهرة اكيد هتلاقي كوبري الدقي تطلعه و لما تنزل هتلاقي شوارع علي اليمين الشارع اللي بعد الشارع اللي علي ناصيته مكتبة سمير و علي جنب سمسمة بتاع التيك اواي لو تعرفه و هو معلق يفطه كاتب عليها كهربائي سيارات و مواعيدهم لغاية 9:30 باليل و بياخد 30جنيه و بالتوفيق

شكرا ليك يا بشمهندس احمد هو انا طبعا عارف الدقى كويس بس انا هكون جاى من الجيزة وعارف سمير وعلى وإن شاء الله بفكر اروحله بعد الشغل بس دا بيدى تقرير وكدا ولا بيعمل ايه علشان انا اول مرة الصراحة اعمل سكانر

[popahly]

أنا عاوز اضيف حاجة افتكرتها دلوقتى
لما حصلت المشكلة بتاعت الكهرباء واول مخلصت جينا ندور العربية دارت بس سمعت صوت زى زنة كهرباء كدا وقولت عليها قبل كدا بس الواد الكهربائى عمل حاجة فى علبة الفيوزات اللى فى الكبوت مع العلم ان الزنة دى كانت بتبقى موجودة بعد مالعربية تبطل وبعد معمل مش عارف ايه فى العلبة الزنة راحت بقوله ايه الصوت دا جاى منين قالى فلتر البنزين

[ahmedhilmy]

شكرا ليك يا بشمهندس احمد هو انا طبعا عارف الدقى كويس بس انا هكون جاى من الجيزة وعارف سمير وعلى وإن شاء الله بفكر اروحله بعد الشغل بس دا بيدى تقرير وكدا ولا بيعمل ايه علشان انا اول مرة الصراحة اعمل سكانر

اه بيديلك تقرير لو طلبت و هو علي فكرة راجل جنتل جدا و بياخد و بيدي معاك و بيفهمك كل حاجة و علي فكرة هو يعرف المنتدي عندنا هنا و يعرف ناس كتيرة فيه بيروحوله و علي راسهم طبعا محمد بيه ممدوح

[popahly]

اه بيديلك تقرير لو طلبت و هو علي فكرة راجل جنتل جدا و بياخد و بيدي معاك و بيفهمك كل حاجة و علي فكرة هو يعرف المنتدي عندنا هنا و يعرف ناس كتيرة فيه بيروحوله و علي راسهم طبعا محمد بيه ممدوح

تسلم يا بشمهندس احمد وانا بفكر انزل استأذن من الشغل دلوقتى واروحله

[popahly]

الحمد لله رحت عملت سكان عند محمد السيد والصراحة راجل الله يباركله محترم جدا جدا.. وفعلا زى منتا قولت يا بشمهندس احمد راجل بيفهم وبيشرح وتمام
المهم بعد مشرحتله قصتى مع اللى حصل فى العربية كشف على العربية قالى اول حاجة كانت عاملة ايدل ومش عارف دى معناها ايه هو شرحلى بس انا لامؤخذه مكنتش فطرت وكنت مهيبر بس المهم طمنى على حساسات الشكمان والتى بى اس والرشاشات والكنترول وقالى ممكن يكون تأخير الدوارة الصبح دا سببه الرشاشات اما تبتبرد العربية بترطب شوية بنزين فممكن يكون دا السبب وعرض عليا اروحله فى يوم يغيرلى رشاشات من عنده ويجربها بس قالى متقلقش الموضوع بسيط ومفيش حاجة فى العربية لو كان فيه حاجة مكانتش دارت ولو فى حاجة تانى انا كنت قولتلك اركن العربية بس العربية مفيهاش حاجة وزى الفل بس ادانى احتمالات لتجريب كل حاجة فى العربية علشان علو السلانسيه دا وهو دا اللى خلا الكمبيوتر يعمل ايدل فى الاول فى سنه عاليا وقالى ان العربية بعد التدوير بترعش معاك شوية كدا وبتبقى تمام قولتله فعلا قالى يبقى ممكن الرشاشات بس الحمد لله اطمنت على الحاجات اللى كنت عاوز اطمنلها بس بقول استنى كدا بكرة وبعده واشوف الكلام على ايه لعل وعسى العربية تفوق وشكرا جدا يا بشمهندس احمد على مساعدتك والحمد لله قبل وبعد اى شئ

[samirayad]

وبعد معمل مش عارف ايه فى العلبة الزنة راحت بقوله ايه الصوت دا جاى منين قالى فلتر البنزين

الواد الكهربائى ده لعيب ياياسر

هو الزنه ( حسب كلامك ) مش من فلتر البنزين

وأيه اللى حيخللى الفلتر يعمل زنه

لو كان الكلابسات البلاستيك مش راكبه صح فى خراطيم الداخل والخارج للفلتر

وده كان يخللى الفلتر يجيب بنزين ( مع ضغط الطلمبه )

حتلاقى بس كان فيه حاجه مش موصله كويس فى العلبه

( زى كتاوت أو فيوز )
وهو وصلها وثبتها صح
وممكن يكون عملها تشعيره من رجليها
علشان كانت مبوشه فى العلبه وعامله شرر خفيف ( من داخل العلبه )
وده مع وجوده ( أى البوش فى التوصيل الكهربى )
بيعمل زنه فعلا

[ahmedhilmy]

[gdwl]
الحمد لله رحت عملت سكان عند محمد السيد والصراحة راجل الله يباركله محترم جدا جدا.. وفعلا زى منتا قولت يا بشمهندس احمد راجل بيفهم وبيشرح وتمام
المهم بعد مشرحتله قصتى مع اللى حصل فى العربية كشف على العربية قالى اول حاجة كانت عاملة ايدل ومش عارف دى معناها ايه هو شرحلى بس انا لامؤخذه مكنتش فطرت وكنت مهيبر بس المهم طمنى على حساسات الشكمان والتى بى اس والرشاشات والكنترول وقالى ممكن يكون تأخير الدوارة الصبح دا سببه الرشاشات اما تبتبرد العربية بترطب شوية بنزين فممكن يكون دا السبب وعرض عليا اروحله فى يوم يغيرلى رشاشات من عنده ويجربها بس قالى متقلقش الموضوع بسيط ومفيش حاجة فى العربية لو كان فيه حاجة مكانتش دارت ولو فى حاجة تانى انا كنت قولتلك اركن العربية بس العربية مفيهاش حاجة وزى الفل بس ادانى احتمالات لتجريب كل حاجة فى العربية علشان علو السلانسيه دا وهو دا اللى خلا الكمبيوتر يعمل ايدل فى الاول فى سنه عاليا وقالى ان العربية بعد التدوير بترعش معاك شوية كدا وبتبقى تمام قولتله فعلا قالى يبقى ممكن الرشاشات بس الحمد لله اطمنت على الحاجات اللى كنت عاوز اطمنلها بس بقول استنى كدا بكرة وبعده واشوف الكلام على ايه لعل وعسى العربية تفوق وشكرا جدا يا بشمهندس احمد على مساعدتك والحمد لله قبل وبعد اى شئ

[/gdwl]
تخيل اني مبسوط اكتر منك انك الحمد لله اطمنت لاني الواحد بيبقي عارف شعور اي حد لما تكون في حاجة في العربية معكننة عليه لاني عامل زيك ببقي بلف حوالين نفسي فمفيش شكر بين الاخوات و دي اهم حاجة الواحد لقاها في المنتدي الرائع ده انه انه لقي اخوات ليه ميعرفهمش مبيتاخروش ثانية في الوقوف جنبه ربنا يديماها نعمة المحبة بينناو ان شاء الله المشكلة تتحل كليا و تبقى العربية زي الفل تاني

[popahly]

الواد الكهربائى ده لعيب ياياسر

هو الزنه ( حسب كلامك ) مش من فلتر البنزين

وأيه اللى حيخللى الفلتر يعمل زنه

لو كان الكلابسات البلاستيك مش راكبه صح فى خراطيم الداخل والخارج للفلتر

وده كان يخللى الفلتر يجيب بنزين ( مع ضغط الطلمبه )

حتلاقى بس كان فيه حاجه مش موصله كويس فى العلبه

( زى كتاوت أو فيوز )
وهو وصلها وثبتها صح
وممكن يكون عملها تشعيره من رجليها
علشان كانت مبوشه فى العلبه وعامله شرر خفيف ( من داخل العلبه )
وده مع وجوده ( أى البوش فى التوصيل الكهربى )
بيعمل زنه فعلا

هو دا اللي حصل فعلا يا بشمهندس وفعلا شعره ولازم اشيل العك دا واجيب فيوز زيه كفايا اللي حصلنا من التشعير

[samirayad]

هو دا اللي حصل فعلا يا بشمهندس وفعلا شعره ولازم اشيل العك دا واجيب فيوز زيه كفايا اللي حصلنا من التشعير

بص ياياسر

هو مغلطش ولا حاجه
لأن العلبه لما دخنت
مكان الفيوزات كان مبوش ( ويعتبر مكانها بايظ حاليا )
ولازم كان يعمل كده

عموما
دور العربيه وأفتح علبة الفيوزات
لو مفيش شراره
سيب كل حاجه زى ماهى
على ماتشوف حل مناسب
زى تغيير العلبه مثلا
بواحده أستيراد فيما بعد

ياريت لو تقدر تصور العلبه من جوه صوره كويسه وتوريهالنا

وكنت وريها لمحمد السيد وأنت عنده

طالما دا كهربائى كويس

كان حيطمنك برضه على الوضع بالضبط

لأنها حتبقى قدامه على الطبيعه برضه

[popahly]

بص ياياسر

هو مغلطش ولا حاجه
لأن العلبه لما دخنت
مكان الفيوزات كان مبوش ( ويعتبر مكانها بايظ حاليا )
ولازم كان يعمل كده

عموما
دور العربيه وأفتح علبة الفيوزات
لو مفيش شراره
سيب كل حاجه زى ماهى
على ماتشوف حل مناسب
زى تغيير العلبه مثلا
بواحده أستيراد فيما بعد

ياريت لو تقدر تصور العلبه من جوه صوره كويسه وتوريهالنا

وكنت وريها لمحمد السيد وأنت عنده

طالما دا كهربائى كويس

كان حيطمنك برضه على الوضع بالضبط

لأنها حتبقى قدامه على الطبيعه برضه

فعلا يا بشمهندس سمير هو بص عليها وورتهاله ووريته الفيوز قالى ممكن تجيب واحد من ابو الحسن وتركبه ومقالش ان فيه مشكلة فى حاجة خالص...
المهم الجديد بقى انا نزلت قولت ادور العربية بعد حوالى 4 ساعات من ساعة مبطلتها العربية دارت لوحدها وكانت باردة بس انا بعتبر دا مش مقياس ومنتظر الصبح ان شاء الله نشوف يمكن تعدل لوحدها والله اعلم
وان شاء الله بكرة بالنهار كدا اصور العلبة

[popahly]

[gdwl]
الحمد لله رحت عملت سكان عند محمد السيد والصراحة راجل الله يباركله محترم جدا جدا.. وفعلا زى منتا قولت يا بشمهندس احمد راجل بيفهم وبيشرح وتمام
المهم بعد مشرحتله قصتى مع اللى حصل فى العربية كشف على العربية قالى اول حاجة كانت عاملة ايدل ومش عارف دى معناها ايه هو شرحلى بس انا لامؤخذه مكنتش فطرت وكنت مهيبر بس المهم طمنى على حساسات الشكمان والتى بى اس والرشاشات والكنترول وقالى ممكن يكون تأخير الدوارة الصبح دا سببه الرشاشات اما تبتبرد العربية بترطب شوية بنزين فممكن يكون دا السبب وعرض عليا اروحله فى يوم يغيرلى رشاشات من عنده ويجربها بس قالى متقلقش الموضوع بسيط ومفيش حاجة فى العربية لو كان فيه حاجة مكانتش دارت ولو فى حاجة تانى انا كنت قولتلك اركن العربية بس العربية مفيهاش حاجة وزى الفل بس ادانى احتمالات لتجريب كل حاجة فى العربية علشان علو السلانسيه دا وهو دا اللى خلا الكمبيوتر يعمل ايدل فى الاول فى سنه عاليا وقالى ان العربية بعد التدوير بترعش معاك شوية كدا وبتبقى تمام قولتله فعلا قالى يبقى ممكن الرشاشات بس الحمد لله اطمنت على الحاجات اللى كنت عاوز اطمنلها بس بقول استنى كدا بكرة وبعده واشوف الكلام على ايه لعل وعسى العربية تفوق وشكرا جدا يا بشمهندس احمد على مساعدتك والحمد لله قبل وبعد اى شئ

[/gdwl]
تخيل اني مبسوط اكتر منك انك الحمد لله اطمنت لاني الواحد بيبقي عارف شعور اي حد لما تكون في حاجة في العربية معكننة عليه لاني عامل زيك ببقي بلف حوالين نفسي فمفيش شكر بين الاخوات و دي اهم حاجة الواحد لقاها في المنتدي الرائع ده انه انه لقي اخوات ليه ميعرفهمش مبيتاخروش ثانية في الوقوف جنبه ربنا يديماها نعمة المحبة بينناو ان شاء الله المشكلة تتحل كليا و تبقى العربية زي الفل تاني

ربنا يباركلك يا بشمهندس احمد وانت راجل محترم بصراحة وكتر الف خيرك على وصفك لمحمد السيد فى الوقت المناسب الحمد لله استريحت لانى من زمان كنت عاوز اكشف عليها سكانر علشان اشوف عاملة ايه والحمد لله الراجل قالى الصح وقالى على اللى شافه،، وطبعا احنا اكتر من اخوات بصراحة ونفسى والله اشوفكم ونتقابل واحد واحد وربنا يباركلكم يارب

[samirayad]

فعلا يا بشمهندس سمير هو بص عليها وورتهاله ووريته الفيوز قالى ممكن تجيب واحد من ابو الحسن وتركبه ومقالش ان فيه مشكلة فى حاجة خالص...

طيب تمام أوى كده

وخليك متابع معاه برضه

المهم الجديد بقى انا نزلت قولت ادور العربية بعد حوالى 4 ساعات من ساعة مبطلتها العربية دارت لوحدها وكانت باردة بس انا بعتبر دا مش مقياس

طيب ماهو كده خير أوى

ومنتظر الصبح ان شاء الله نشوف يمكن تعدل لوحدها والله اعلم

خير إن شاء الله


وسؤال كده جانبيا

هو محمد عملك حاجه فى العلبه

ثبت أى فيوزات أو كتاوتات ولا بص عليها بعد ماشال الغطاء بس

[popahly]

وسؤال كده جانبيا

هو محمد عملك حاجه فى العلبه

ثبت أى فيوزات أو كتاوتات ولا بص عليها بعد ماشال الغطاء بس

هو فك الفيوز بص على التشعيرة وركبه تانى مكانه