علاقة المارش والدبرياج بrpm

[gamal_tx]

بعد 3 ايام زق غيرت ترس المرش ومن ساعتها rpm لا يزيد فى بداية الدوارة عن 800 او900 لفة وبالعفية زهقت من الموضوع ده لحد بالصدفة احد الاصدقاء اشارعلى بان ادوس على دواسة الدبرياج وفعلا العربية دارت كويس واذا لم اضغط على الدبرياج العربية تترج بشدة اذا دارت من اول مرة وممكن مدورش ولما تدوراحس ان صوت الماتور مش عادى علما بانى نظفت الايدل والبوابة وعملت اسكنر مرتين العيب من المارش ولا من ايه

[tompina]

غير المارش .. أنا كان عندي المارش بيأخر في الدوارة شوية بسيطة .. غيرته واشتريت دماغي .

[عصام غنايم]

حضرتك لما بتدوس دبرياج بتخف حمل التدوير الاولى من على المارش فقط

[gamal_tx]

ايه ياجماعة مستنى ردكم

[MMamdouh]

الموضوع داخل فيه حاجات ملهاش علاقة ببعض...

يعنى المارش ملوش دعوة بحالة المحرك بعد ما يدور... و ايه علاقة سرعة المارش بالترس؟؟... و استعمال الدبرياج برضة ملوش علاقة بحالة المحرك... دة مجرد اختلاف حمل على المارش... و غالبا دة معناه ان المارش تعبان

هل قبل تغيير الترس كان المارش بيلف اسرع؟
هل الموتور كان بيدور كويس قبل تغيير الترس؟

MMamdouh

[Ashebl]

معنى الكلام أن هناك تحميل جزئي على المحرك عند التدوير والدليل هو رجة السيارة عند التدوير ولما تدوس دبرياج يدور المحرك عادي وبسرعة وأعتقد أن هذا هوالسبب في تلف ترس المارش.
من الأفضل أن يتم مراجعة وضع غيارات الفتيس وضبط وضع المور لأنه مش مظبوط كما أن ذلك الوضع أيضا سيعجل بالأسطوانة ولا شك أنه كذلك يؤثر على سرعة المحرك في السلانسية وقابلت هذه المشكلة من قبل وخاصة في الفتيس الأوتوماتيك.
وبالتوفيق

[تامر.محمد]

معلش شوية اسئلة كمان للاستيضاح
و ممكن تعتبروه غباء يعني :(

هل رجة العربية عند التدوير معناها ان فيه مشكلة في المارش ؟
ولا مشكلة في ايه ؟

[MMamdouh]

معنى الكلام أن هناك تحميل جزئي على المحرك عند التدوير والدليل هو رجة السيارة عند التدوير ولما تدوس دبرياج يدور المحرك عادي وبسرعة وأعتقد أن هذا هوالسبب في تلف ترس المارش.
من الأفضل أن يتم مراجعة وضع غيارات الفتيس وضبط وضع المور لأنه مش مظبوط كما أن ذلك الوضع أيضا سيعجل بالأسطوانة ولا شك أنه كذلك يؤثر على سرعة المحرك في السلانسية وقابلت هذه المشكلة من قبل وخاصة في الفتيس الأوتوماتيك.
وبالتوفيق

ايه دخل الفتيس بالموضوع؟؟؟ لو العربية واخدة غيار حتنط مع المارش

MMamdouh

[MMamdouh]

معلش شوية اسئلة كمان للاستيضاح
و ممكن تعتبروه غباء يعني :(

هل رجة العربية عند التدوير معناها ان فيه مشكلة في المارش ؟
ولا مشكلة في ايه ؟

ألمارش ملوش دعوة بحالة الموتور لما يدور

MMamdouh

[gamal_tx]

الموضوع داخل فيه حاجات ملهاش علاقة ببعض...

يعنى المارش ملوش دعوة بحالة المحرك بعد ما يدور... و ايه علاقة سرعة المارش بالترس؟؟... و استعمال الدبرياج برضة ملوش علاقة بحالة المحرك... دة مجرد اختلاف حمل على المارش... و غالبا دة معناه ان المارش تعبان

هل قبل تغيير الترس كان المارش بيلف اسرع؟
هل الموتور كان بيدور كويس قبل تغيير الترس؟

mmamdouh

المارش كان كويس جدا والماتور كان بيدورتمام ومن ساعة ما غيرت الترس مش تمام ممكن الزق ياثرعلى الديسك ومجموعة الدبرياج ولا ترس المارش

[Ashebl]

بعد 3 ايام زق غيرت ترس المرش ومن ساعتها rpm لا يزيد فى بداية الدوارة عن 800 او900 لفة وبالعفية زهقت من الموضوع ده لحد بالصدفة احد الاصدقاء اشارعلى بان ادوس على دواسة الدبرياج وفعلا العربية دارت كويس واذا لم اضغط على الدبرياج العربية تترج بشدة اذا دارت من اول مرة وممكن مدورش ولما تدوراحس ان صوت الماتور مش عادى علما بانى نظفت الايدل والبوابة وعملت اسكنر مرتين العيب من المارش ولا من ايه

ايه دخل الفتيس بالموضوع؟؟؟ لو العربية واخدة غيار حتنط مع المارش

mmamdouh

نعم أن السيارة سوف تنط لو واخدة غيار لكن أنا قلت جزئياً عند وضع المور والرجة الموجودة في السيارة تؤكد ذلك معنى هذا الكلام أن السيارة لا واخدة غيار ولا في وضع المور ويوجد طريقة لظبط وضع المور في الكتالوج.
وده اجراء يقوم به التوكيل أو الميكانيكي الشاطر عند وجود عضة في الغيارات وترس المارش ليس له علاقة بالموضوع لكنه يكون الضحية عن ثقل المحرك عند بدء الدوران ويمكن التأكد من هذا الأمر ببساطة اذا كانت السيارة ثقيلة الحركة بدون تعشيق فرامل اليد (كأنها معشقة).

[gamal_tx]

طيب لوسمحت ايه تفسير التشغيل بسلاسة مع ضغط الدبرياج والتشغيل برجرجة وعدم انتظام بدون الضغط على الدبرياج

[shankosi]

ممكن الميكانيكي اللي غيرك الترس مربطش المارش في مكانه كويس او ربطه بس بعزم ربط اقل من المطلوب.

وعلى فكرة ربط المسامير والصواميل في مكانها بعد الصيانة بعزم الربط المحدد من صانع المحرك شيئ مهم جداً وهوا ده اللي بيخلي المواتير ادائها يختلف بعد أعمال الصيانة حتى لو بسيطة.

طبعاً ربط المسامير بعزم معين يتطلب وجود عدة ربط مجهزة لقياس العزم ودي مش متوفرة في معظم الورش ومحدش اصلا بيهتم بالموضوع ده وفيه ناس متعرفوش اساساً.

يعني أحيانا الميكانيكي يبالغ في ربط المسامير ويقول (أرطلك عليهم تمام) وتكون حضرتك مبسوط وهو أصلاً عمل على المسامير عزم أكثر من اللازم وبالتالي يكون ممكن يتكسرو في مكانهم او يعملوا رجرجة او أي مشكلة اخرى وخاصة لو في أجزاء متحركة او تتعرض لجهد ميكانيكي عالي.

مجرد ملاحظة عامة على أعمال الصيانة ...

[MMamdouh]

المارش كان كويس جدا والماتور كان بيدورتمام ومن ساعة ما غيرت الترس مش تمام ممكن الزق ياثرعلى الديسك ومجموعة الدبرياج ولا ترس المارش

يبقى اللى غيرلك الترس مقفلش المارش كويس و فيه حمل على المارش نفسة و دة اللى مسبب المشاكل... اعتقد لازم تحل المارش تانى و تراجع على عملية التركيب و التغيير اللى حصلت

MMamdouh

[MMamdouh]

نعم أن السيارة سوف تنط لو واخدة غيار لكن أنا قلت جزئياً عند وضع المور والرجة الموجودة في السيارة تؤكد ذلك معنى هذا الكلام أن السيارة لا واخدة غيار ولا في وضع المور ويوجد طريقة لظبط وضع المور في الكتالوج.
وده اجراء يقوم به التوكيل أو الميكانيكي الشاطر عند وجود عضة في الغيارات وترس المارش ليس له علاقة بالموضوع لكنه يكون الضحية عن ثقل المحرك عند بدء الدوران ويمكن التأكد من هذا الأمر ببساطة اذا كانت السيارة ثقيلة الحركة بدون تعشيق فرامل اليد (كأنها معشقة).

مفيش حاجة اسمها "لا واخدة غيار ولا فى وضع المور"... العربية اما معشقة و اما ممورة... مفيش وضعية وسطية بين الحالتين دول

و لو كلامك صح يبقى اشمعنى حصلت حالة "اللا مور و اللا تعشيق" بعد تغيير ترش المارش؟؟

MMamdouh